Kategoria: bizikleta
Ibiltarixanak
Irailaren bukaera garai ederra da mendian ibiltzeko. El mundo de los Pirineos aldizkarian Poldo hotelean bi egunetako egonaldia tokatu zitzaidan eta Aneu ibarra helmuga duen bidaia hasi dugu. Gaua Jacan egin ondoren Sobrarbe eskualdean egin dugu geldialdia. Guaso eta Ainsa bisitatu ditugu. Ainsa da eskualdeko nagusia, ikusgarriena eta ezagunena baina Guaso ezezaguna da guretzat eta asko gustatu zaigu. Hemendik Vielha herrira joan gara. Hemen sarritan izan gara eta geldiunetxo bat egin eta Aran ibarra zeharkatuz, Bonaigua mendatearen bestaldera jo dugu, Aneu ibarrera. Vielhan autostopean ze...
Aurten ere Transandalus ibilbidearen azken zatia egitera goaz 3. aldiz jarraian. Iaz ere garai honetan egin genuen 2. zatia eta orain bukatzeko asmoarekin goaz. Chiclanan hasi eta Almerian bukatu nahi dugu han hasiera eman geniolako 2013an. Guztira 2.300 km. burutuko ditugu zortzi lurraldeak pasa ondoren. 1. etapa: Chiclana - Tarifa (97 km) Atzo iritsi ginen Chiclanara autoz. Hotelera iritsi, bizikletak eta alforjak jeitsi eta alokatutako autoa eramatera joan ginen kostaldera. Beti autoz etorri izan gara azkarragoa eta erosoagoa delako bizikletak ekartzeko. Goizean, gosaldu ondoren, 9:00et...
Aurten Lanzarotera joateko gonbitea izan dut. Uxuri nire iloba han bizi da Sergiorekin eta berak animatu nau bertako mendi bizikletako proba honetan parte hartzera: http://www.ultrabikeclubsantarosa.com/. Ez neukan halako asmorik baina Uxuri eta Sergio bisitatzeko aukera aprobetxatuz, bertara joatea erabaki dugu Pake eta biok. Hobeto esanda, erabakia nirea izan da eta Pakeri ziri ederra sartu diot. Aste beterako joan gara baina iritsi orduko bizikleta alokatzeko aukerak aztertzen hasi naiz eta ingurukoak azpertu ditut. Hiruzpalau denda ikusi ondoren, azkenean CUBE markako 29”ko bizi...
Iñakiren bideak jarraituz, irailaren 6an eta 7an, Euskal Herria mendi bizikletaz zeharkatuz, Iñaki Lejarreta gogoratzeko mendi bizikleta martxa egin dugu. Berriz bere jaioterrian hasi eta bertan bukatu da, Urkiola, Izki, Urbasa, Bidasoa eta Gipuzkoako kosta zeharkatu ondoren. Nik azken aurreko etapan parte hartu dut, Zarautzen hasi eta Mutrikuko Olatzen bukatzen den zatian. Goizeko 10:00etan elkartu gara Zarautzko kanpinean eta Hondarribitik datorren taldea iritsi eta gero, taldeko argazkia egin dugu. Ia 40 lagun elkartu gara, Pagoeta BTT taldeko zarauztarrak gehienak eta onda...
Iritsi da egun berezia. Arratsaldeko 20:00etan bildu gara Hodeiren desagerpena gogoratzeko. Ordu laurden lehenago Hodeiren argazkia dagoen zuhaitzean elkartu gara gurasoak, lagun batzuk eta gu. Bost minutuko isilunea egin ondoren ekitaldira itzuli gara. Mathias izan da ekitaldiaren antolatzailea eta Mitxelenatarren laguntzaz eszenatoki ikusgarria jarri dute ibai ertzean. Hodeiren argazkia, kandelak, poesia idatzita kartel batean eta musikariak. Jendea piskanaka hurbiltzen joan da jarlekuak bete arte. Nahi zuenak kandela piztu eta lurrean utzi du. Berriz ere Mathiasek harrituta utzi gaitu e...
Anberesen gaude euskaldun talde bat Hodeiren bila etorrita. Bizikletaz ibiliko gara Flandrian eta Herbeheretan zehar desagerketari buruzko informazioa banatzen eta Hodeiren argazkiak eta kartelak jartzen. Gaur ekin diogu ibilaldiari Anberesen. Irteeran talde polita eta jendetsua elkartu gara. Kazetariak ere asko etorri dira eta oihartzun handia eman diote bertako nahiz Euskadiko hedabideek. Irtetzerakoan txaloz agurtu gaituzte Hodeiren lagunek Galdakaoko irteeran bezala. Emozioz betetako uneak izan dira. Belgikarrak ere gehitu dira gure taldera. Mathias, Imanol eta Kristel, Jan eta bere fa...
Hodei Egiluz galdakoztarra urrian desagertu zen Anberesen, Belgikan. Honez gero denok zaudete jakinaren gainean. Baina, bederatzi hilabete beteko dira laster eta oraindik ez dugu Hodeiren berririk. Semea galtzea gogorra bada pentsa zein gogorra den semea desagertzea eta haren berririk ez izatea. Horrela daude Pablo eta Koro. Egun batetik bestera Hodei desagertu zen eta ez dute ezer gehiago jakin. Bada, Egiluz aurkitu nahian, abuztuan, Flandriara joateko asmoa daukagu bera bilatzen laguntzeko. Bizikletaz ibiliko gara Flandrian eta Holandan barrena hangoek jakin dezaten Hodei oraindik ez del...
Gosaldu eta lasai atera gara. Gaurko plana eguerdira arte ibili eta bazkalordurako bukatzea da. Hasi eta berehala okerreko bidea hartu dugu eta betiko eztabaida sorrarazi digu: tracka zein aldetara hartu behar dugu. Zuzen du ondoren Covaledako kanpinetik pasa gara. Kanpina toki ederrean dago, erreka ondoan eta arbola artean. Gero pista jarraituz aldapa gogor bati ekin diogu. Hanka lurrera bota gabe igo daiteke baina izerdia majo bota dugu mendiaren gaina hartu arte. Antenaz jositako lekua da gailurra baina ikuspegi ederra ikus daiteke bertatik. Beherakoan bide polita jarraitu dugu basoan ...
Ucero herrian hasi dugu ibilbidea. Autoz iritsi gara bertara Covaledatik. Bizikletak jeitsi eta 10etarako ekin diogu ibiliari. Hasi eta berehala Uceroko gaztelura iritsi gara. Berreraikitze lanetan ari dira eta taldekoen ustetan hemendik hogei urtera nahiko lan izango dute zutik mantentzen. Ondoren erreka ondoko bide hestu eta ikusgarrian jarraitu dugu errepidera iritsi arte. Aldapaz gora errepidez egin dugu lasai-lasai Galianako begiratokiraino. Hemen sekulako ikuspegia daukagu begien aurrean. Errepidez jarraitu dugu Casarejos herrira eta gero Las Merinas mendiarteatik beherantza azkar j...
Goizeko 9:00etarako bizikleta gainean gabiltza. Covaledatik irten eta Salduero aldera jo dugu pistaz. Hemendik berehala Molinos del Duero herrira iritsi gara. Gero urtegia zubitik zeharkatu eta Vinuesa herria iragan ondoren, goraka egiten du pistak eta laku Beltzarantz doan errepidera iritsi gara. Beste pista bat hartu eta gorantza Urbion aldera. Atzeko gurpilean zulatua izan dut. Zulatua dagoenean beti sortzenn da eztabaida berdina gure artean. Batzuen iritziz tubeless gurpilak hobeak dira kamara dutenak baino. Besteek alderantzizkoa diote. Nik zalantza handiak dauzkat. Lehen tubeless gur...
Aurten Sorian planifikatu du Martinek urteroko irteera. Covaleda herrian daukagu etxea hartuta. San Lorenzo landetxea da eta oso ondo dago hamar lagun egoteko. Bezperan iritsi gara eta indarrak hartzeko txuleta eder batzuk jarri ditugu parrilan. Inguruko guztiak enteratu dira atera dugun ke eta txuleta useinarekin. Parrileroa Martin da, beti bezala, Eliseo eta Alfonson laguntzarekin. Besteok, Gabriel, Justo, Juantxo, Joxe, Antxon eta ni, jateko prest. Txuletak kristonak daude. Goizean Quintanar de la Sierra herrira joan gara autoz eta bertatik hasi dugu ibilbidea. Gero Neilako lakuetaraino...
Bart gauean berandu oheratu ginen eta gaur berandu jeiki eta lasai hartu dugu eguna. Atzo gaueko feriak orbainak utzi ditu nire gorputzean. Gosaldu eta 10:30etan atera gara hoteletik. Berehala bide berdean sartu gara eta hortik jarraitu dugu Chipionara eta hemendik, Rotako basea inguratuz, Puerto de Santamariara. Ibilbidea erraza da baina bidegurutzetan kontuz ibili behar da zuzen hartzeko. Guadalete ibaiaren gainetik pasa eta gero Puerto Real aldera jo dugu. Ibilbidea itsaertzetik doa eta uste baino lehen iritsi gara. Alberti poetaren plazara iristean bertako bati galdetu diot nun bazkald...
Valverdeko irteeran Uraren errota deitzen den bide berdea hartu dugu Trigueros herrira arte (27 Km). Ibilbidea pinadietatik zehar doa, N-435 errepidearen ondotik. Poliki-poliki pinadiak desagertuz doaz eta landa zabalean sartu gara: olibondoak, almendrondoak, frutarbolak eta lehorreko lurrak agertu zaizkigu bidean. Trigueros zeharkatu eta bide berde beretik jarraitu dugu zati batean. Abiadura azkarrean goaz eta ziztu bizian iritsi gara Moger herrira. hau zeharkatzean, bidegurutze batean auto bat gainera etorri zait eta bera ez jotzeagatik lurrera erori naiz bordilloa bizkarrarekin joz. Kol...
Atzo gauean ezetza eman ziguten hostalean gosaldu dugu. Martiren iritzia: ez zuten lanerako gogorik eta kamareroa txakurra da (txakurrek barkatuko diote). Guk kafea eta tea eskatu dugunean begirada nekatua du eta ogi tostatua esan eta uffff egin du. Gaurko ibilbide gehiena pistaz da. Nahiko erraza da eta eukaliptoak eta pinuak tartekatzen dira bidean. Paisajea erabat aldatu da. Mendiak atzean utzi ditugu. Aracenako eta Arocheko mendizerratik hegoaldera egin dugu eta Atlantikoaren gertutasuna nabaria da. Sierra Pelada zeharkatzen du hartu dugun pistak eta San Telmora iristear gaudela meate...
Gosaldu eta lasai atera gara. Gure ostatuan dauden beste bikote batekin elkartu gara bidean eta elkarrekin abiatu gara. Jeitsiera zail xamarrak dira eta gezurra badirudi ere atzean gelditu dira bikotea. Geroxeago Los Marines herrira iritsi gara eta sorpresa ederra aurkitu dugu: Amabirjinaren prozesioa ermitara. Ia herri osoa doa jai giroan, emakumeak bertako traje tipikoz jantzita. Bertan geratzeko tentazioa izan dugu baina aurrera egin dugu zorionez. Bitartean lehengo bikotea aurreratu zaigu eta handik hiruzpalau kilometrora aurkitu ditugu, mutila itxura txarrarekin eroriko baten ondotioz...
Gaur goiz jeiki eta gosaltzera. Ondo lo egitea eta ondo jatea premiazkoa da ondo ibiltzeko. Beraz gosarian ogia tomatearekin eta olioarekin, urdaiazpikoa tartean duela. Edateko tea, baina hemen ez dakite ganoraz prestatzen tea. Gaur ibilbide luzea egin nahi dugu eta azkar irtetzea da kontua. Goizeko 8:30etan abiatu gara. Lehen partea polita eta azkarra da. Dena pistaz egin dugu Viar urtegira arte. Hemendik GR48a jarraituz Almaden de la Plata aldera. Hemen eskontza batekin aurkitu gara eta ia sartu gara zerbait jatera gonbidatuen artean, baina oraindik goizegi zen eta aurrera egin dugu. San...
Gaurkoa ez da izan nire eguna. Gau txarra pasa dut tripetatik. Atzoko afariak ez zidan onik egin eta lo gutxi egin dut gainera. Goizean goiz ateratzeko asmoa genuen baina inoi baino beranduago atera gara. Hotelean ez dira hasten gosariak ematen 9:00ak arte eta kalera joan gara Goizean tracka falta da nire GPSan. Gero bidean zulatua izan dut eta kostata konpondu dugu. Ordezko kamara ez zegoen ondo, besteaak ez zuen balio...azkenean, ordu bete galduta, nola hala konpondu eta aurrera. Alanis herrira 15:00etan iritsi gara. Ignacioren tabernan bazkaldu dugu. Madridista autentikoa da Ignacio ha...
Gosaldu eta 9:00etan puntuan atera gara. Hotz egiten du manga motzetan joateko eta manga luzeak jantzita goaz biok. Euria egiteko itxura hartzen diogu egunari baina bakarrik behin busti gara eta ez askorik. El Guijotik pasa ondoren Hinojosa del Duque herri handira iritsi gara 13:00etan. Kamiozale batzuei galdetu diegu nora joan bazkaltzera. Hauek gomendatu digute El cazador jatetxea. Ederki eta merke jan dugu: 8 euro menu bakoitza kafe/te eta guzti. Sinestezina euskaldun eta katalan batentzat. Bazkal ondoren, 15:00etan berriz martxan jarri gara. Bidean liburua irakurtzen ari den artzain b...
Goizean jeiki eta euria gogor botatzen ari du. Gosaldu ondoren irtetzeko prestatu gara baina denbora egiten jardun dugu euritan ez irtetzeko. 10:00ak aldean, euria moteldu denez, ausartu gara irtetzera euritakoekin ondo babestuta. Handik ordu laurdenera edo atertu du eta eguraldiak hobera egin du goizean zehar. Hasieran errepidez egin dugu zati bat, lokatzaren beldurrez, baina berehala hartu dugu mendiko bidea eta horrela joan gara ia egun osoan. Igoera etzana baina 800 metroko mendatea pasa ondoren Cardeñara iritsi gara. Sarreran guardia zibilak hurbildu zaizkigu gure ibilbide...
Gaur lehenengo etapa egin dugu, egokitzapen etapa. Goizean jeiki, gosaldu eta alokatutako autoa entregatzera joan gara. Tramite guztiak egin ondoren 10:00ak jota atera gara. Bizikletak, alforjak, kamarak, GPSa,..denak probatzeko aukera ona da lehen etapa. Gaurkoa ez da oso gogorra eta egokitze lanetan ibili gara. Linarestik irten eta ordubetera Baños de la Encina herrira iritsi gara ibilbide errazean. Ondoren Andujar aldera abiatu gara. Rumblar urtegia pasa ondoren bideak gorantza egiten du eta lehen aldapa luzea igo dugu. Pistatik zehar ibili arren une batzutan harritsua izan da ib...
Iaz garai honetan Transandalus ibilbidea egin genuen bizikletaz. Marti eta biok joan ginen Andaluziara mendiko bizikletak hartuta. Almerian hasi eta Jaenen bukatu genuen ibilbidearen erdia egin gabe. Eguraldi kaxkarrak eta itzuli beharrak eraginda, bertan behera utzi beharra izan genuen. Orain, berriz hasiko gara utzitako lekuan. Linaresen hasiko gara, Jaengo probintzian. Hemendik Cordoba, Sevilla, Huelva, Cadiz, Malaga...Ez dakit noraino iritsiko garen baina bi astetan zehar Andaluziako probintzia gehienak zeharkatuko ditugu. Astelehenean autoa alokatu eta abiapuntura iritsiko gara Linare...
Gaur ere eguraldi zoragarria datorrela dirudi. Agian atzo baino bero gehiago baina ez dago kexatzerik. Beasaingo plazan elkartu gara ondo gozalduta eta bizikletak olioztatuta. Zaharrenak garela eta elkarrizketa egin digu aurkezleak. Elgetakoa naizela esan diot eta Joseba elgetarra etorri zait harrituta uste duelako bera dela elgetar bakarra. Bada ez da horrela, ni Orion bizi naizen elgetarra naiz eta bera Elgetan bizi den uberarra. Elgetako mailota daramadanez beste batek ere agurtu nau. Atzo berriz, aupa Orio esaten zidaten. Hasi eta berehala aldapa gogorrari ekin diogu. Eta igoerak bi ord...
Aurten lehen aldiz hartu dut parte Euskadiextrem 2013 proban. Aurreko urteetan ere izan dut gogoa baina ez dut egoki izan. Egunak edo hasiera/bukaerako herriak ez ditut izan eroso eta bakarrik joatea ez zen nire asmoa. Aurten, Beasainen bukatzen zen eta Martin apuntatu zenez, Eli eta ni ere animatu ginen. Beasainen izateak asko erraztu digu parte hartzea, bertan izan dugulako logistika guztia. Gasteizera Antxonek eraman gaitu eta Martinen etxea izanda nire hotela. Mila esker denei. Goiz abiatu gara Gasteiz aldera Martinen furgonetan, Jon, Eneko, Eli, Martin, Antxon txoferra eta ni neu. Dor...
Sakanako AHT Gelditu! ElkarlanaEguzkiari eta beroari aurre eginez, ostegunean ekin zioten 40 lagun inguruk Altsasun AHTren kontrako bizikleta martxari, Mugitu!-k antolaturikoa. Irteera ekitaldian Sakanako txalapartariek jo zuten, suziriak bota zituzten eta AHT luze bat irudikatzen zuen plastiko zinta bat bitan moztu zuten inaugurazio ekitaldietan agintariek egiten duten bezala. AHTren egitasmoa arbuiatzea zen parodia honen helburu. Altsasutik irteterakoan guardia zibilek geldiarazi zituzten parte-hartzaileak, martxaren erritmoa atzeratuz. Olatzagutira iritsi baino lehen, hondakinen errauskailu izan behar duen porlan lan...
Kategoriak
Azken iruzkinak
