Txistu y Tamboliñ

Gure azken deabrusakeria

Txistu y Tamboliñ | 2011-07-25 12:51

Zer zikinak garen! Eta zer maltzurrak! Eiderri beti gustatu zaio bere gorputza erakustea eta mutilak bero-bero jartzea; ni, berriz, lotsati samarra izan naiz oraintsu arte. Eiderrek bultzatuta hasi naiz blaitzen probokazioaren artean. Eta aitortu behar dut gustatzen zaidala eta neu ere irakiten jartzen naizela gizonezkoen begiradak nire gorputzean imantaturik sentitzen ditudanean. Ederrak gara. Nahikoa da gizonen aurrean guk dakigun modu lizunean makurtzea haien libidoa tentearazteko. Badakigu zakil horiek guztiak gure barnean sartzeko irrika gorrian daudela, eta horrek boteretsu egiten gai...

MIKROANDOSILLOAK 26

Txistu y Tamboliñ | 2011-07-23 11:32

251- Zeure buruaren jabe ez bazara, nola egin dezakezu zeure buruaz beste? 252- Zein botikak osatzen du langileria? 253- Zertan ari zen pentsatzen Sortzailea intsektu hari argia ipurdian ipini zionean? 254- Zein dira hondoa jotakoen hondasunak? 255- Hirukoitzak jaiotzen badira, ama zer egiten da? Laurdendu? 256- Zein erreskate-taldek salbatuko gaitu galmenditik? 257- Badaukagu mundu hau konpontzeko aztirik? 258- Nori interesatzen zaio zerura joatea behin hilez gero? 259- Daltonikoek ere gorriak ikusten dituzte?  260- Maitasunez hiltzen denak bere bihotzaz beste egiten du?   Vittu...

Secundino Parra

Txistu y Tamboliñ | 2011-07-08 10:54

Secundino Parra nor den galdetuko banizue, ez zenukete erantzuten jakingo. Beraz, esan dezadan Garoñako zentral nuklearreko segurtasuneko arduradun horietako bat izan dela, orain dela gutxira arte. Eta hori asko esatea da, lankideek Homer esaten ziotela argitzen badizuet. Haren lankide batek kontatu zidan harekin egin zuten postura. Horrelako kontuak isilik gordetzekoak izaten dira, baina badakizue zer pasatzen den afarietan: ardo gehiegi edaten da, gero gintonik batzuk, lagunen batek kostoa badauka txirri batzuk erre... eta, azkenean, mingaina askatu egiten da. Horrela jakin nuen ni...

itauna

Txistu y Tamboliñ | 2011-07-07 09:57

— Nahi duzue beharrik egin gabe bizi? —itaundu zien Djehak oasiko biztanleei.   Gizon hark ospe handia zuen. Jakitun handitzat zuten.   — Bai! —oihu egin zuten haren inguruan bilduek.   — Bada, erantzuna jakiteko, zuetako bakoitzak dirham bat eman behar dit.   Denek eman zioten dirham bana, baita ume txikienek ere.   Orduan, Djejak astoari arre esan eta astiro-astiro urrundu zen oasitik.     (Joseba Sarrionandiaren Galdera ipuinaren aldaera) Bernardo Kapanaga

Instrukzioak AEBetako presidentea hiltzeko

Txistu y Tamboliñ | 2011-06-18 13:34

Eman dezagun urtarrileko igande arratsalde euritsu batean, zure etxeko besaulkian erdi lokarturik zaudela, AEBetako presidentea hiltzeko gogoa etortzen zaizula. Hori, ondo pentsatuta, ez litzateke batere arraroa izango: denok dakigu zein aspergarriak diren (areago: gorrotagarriak diren) arratsalde eterno horiek. Eta, bestalde, nork ez du noizbait izan amets zoro hori ametsen soroan: AEBetako presidentea hiltzea, nola eta norberaren etxeko besaulkitik mugitu gabe! Krimen perfektu hori nekez bururatuko zitzaion Alfred Hitchcocki berari ere, hain pentsamendu arrunta izanda. Ideia horrek abanta...

Santuen bizitza

Txistu y Tamboliñ | 2011-06-10 12:38

Zertan pentsatzen zuten santuek masturbatzen zirenean? Hauxe da martirien odola, esaten ote zuten edo hemen isurtzen dugu Satan edo plazera zergatik da bekatua. Hazi salbatzailea isurtzen zutela esaten ote zuten hauxe da gure misioa zilizioaren autoimmolazioa gerla santu batera doanaren irmotasunaz gerla guztiak menderen mendetan basamortu zentzugabe eta errepikatuak direla usnatu gabe. Hauxe da askatuko zaituzten ezpata esaten ote zuten jakin arren ere sinesgabe haien buru moztu bakoitzeko mila gurutze alderantzikatu erneko zirela eta orain ere dena berdin-berdin...

Nasan

Txistu y Tamboliñ | 2011-06-09 08:45

Nasan itxaroten ari zen jendeak izuturik ikusi zuen trena hurbiltzen eta gizon hura errail artera jauzi egiten.Biharamunean, egunkari guztietan agertu zen gizon hura, trena gelditzea lortu baitzuen bere buruaz beste egitera zihoala.Bernardo Kapanaga

MIKROANDOSILLOAK 25

Txistu y Tamboliñ | 2011-06-02 20:17

241- Itsukeriaren argitan bizi gara. 242- Sutsuki sinesten dut eszeptizismoan. 243- Zein da min egokiena koadro perfektua pintatzeko? 244- Galaxia tristeak ateratzen dira zure begietatik. 245- Hautsa da zibilizazioaren zigilua. 246- Zergatik botatzen dute beroa hozteko makinek? 247- Objektuen balioa ordainduaz batera ahitzen da. 248- Bakardadea gure hiri populatuenetan bizi da. 249- Erregeen odola erreala da? 250- Erre baino lehen, hauxe galdetu zioten egurrari: do you want sugar?   Vittu Cherigan

Barraskiloaren lezioa

Txistu y Tamboliñ | 2011-05-27 13:29

Ahotsa ez izateak ondorio larriak izan ditzake, pentsatu zuen barraskiloak gizonezko haren zapataren zoruak zerua ezkutatu zionean.Bernardo Kapanaga

Marroia lurpeko kolorea da

Txistu y Tamboliñ | 2011-05-20 12:28

Marroia lurpeko kolorea da jaio gabeko loreak bezalakoa. Bada dioenik gaua azentuz  jantzitako telegrama dela eta zer hobeto horrela ehun aldiz hiltzea baino. Zerra gorgarri hori gure aharrausiak harrikatzen, zer gutxi falta den ibilbide berberak berriz zapaltzeko eta zer esango dute gutaz irakurri gabeko liburuek. Hondorik gabeko ahanztura, horixe dugu zain kikildutako igelak lako morroi domestikoak garenok.Ron Sniakin