Txistu y Tamboliñ

MIKROANDOSILLOAK 29

Txistu y Tamboliñ | 2011-10-24 13:03

281- Nudistak pertsona jantziak dira? 282- Gorringo biko jaietan ez dago mareagorarik. 283- Aitzakiak urpera jaurtitako pilotak dira. 284- Atzerakoiak abangoardian. 285- Zein da langabeen patroia? 286- Bizitza: errutinaren parke tematikoa. 287- Mina minagoa da anonimoa denean. 288- Eguzkia buztana galdu duen arrain laranja da. 289- Egon hadi lo, eta amets egingo dunk lodi. 290- Horiek oraindik ezkontza-tartan bizi dira.   Vittu Cherigan

errantzun

Txistu y Tamboliñ | 2011-10-23 19:15

Joseba Sarrionandiaren Idazlea zeu zara, irakurtzen duzulako liburuan, bada aditua izatea zer den azaltzen duen kontakizun polit bat: Niels Bohr fisikariari galdetu omen zioten zer den aditua izatea. Hauxe erantzun ei zuen: "Aditua da arlo jakin batean egin daitezkeen huts guztiak jada egin dituena". Eskolan erantzun zuzenak saritzen dira, eta erantzun okerrak zigortzen. Hala ere, erantzun oker horiek dira aurrera egiteko modu bakarra, noizbait aditua izateko egin beharreko bidea. Irakasleek erantzun erratuak ere estimatu beharko lituzkete, haiek baitira jakituriaren altxorra zabaltzeko gi...

zoribio

Txistu y Tamboliñ | 2011-10-21 23:58

Bihotzak eta buruak eta arimak eta erraiek zorionaren (edo zoritxarraren) ozeanoan dzanga egiten dutenean, dela maitasunolde (maitasunultze) baten eraginez, dela beste edozein sentimendu edo zirrara sakonen kariaz, maiz halako estasi-zorabioa (zorabio tragikoa) sentitzen da. Halakoetan, zoribiatu egiten gara. Guk zoribioa sentitu dugu gaur Sergei Prokofievek konposatutako Alexander Nevsky kantata entzutean. Zorion-zorabioa in crescendo joan da obrak aurrera egin ahala. Zandra McMaster mezzosopranoak “Hildakoen zelaia” adagioa kantatu duenean, arterietako eta zainetako odolaren bor-bor eroa ...

pozeramaile

Txistu y Tamboliñ | 2011-10-20 23:40

Bozeramaileek, albiste onak dakartzatenean, pozeramaile bihurtzen dira. Gaur, adibidez, egun zoriongarria da. Bozeramaile pozeramaile bat ikusi dugu telebistan, egun gogoangarri honetan, eta zorionaren ongarria zabaldu du Euskal Herriko baratzean, fruitu berrien iragarle. Eta pozeramaile horrek orain arte preso izan dugun halako poztasun bat arnaldu du gure bihotzetan. Preso eroritako beste hamaika sentimendu askatuko ahal dira oraindu nahi dugun etorkizunean!  POZERAMAILE: albiste pozgarriak dakartzan bozeramailea.

lorojakile

Txistu y Tamboliñ | 2011-10-20 00:00

Sasoi baten, gure lagun-taldean honako eztabaida hau izaten genuen: gutako batek batzuetan egunkarietara bidaltzen zituen artikuluak  ea berak eginak ziren ala beste batek idazten zizkion. Artikulu horiek beste batek egindakoak zirela ziotenek zera argudiatzen zuten: “Ezin ditu hain artikulu onak idatzi”. Zalantzan zeudenek zera erantzuten zuten: “Baina harenak balira, zuek ukatzen diozuen gaitasun intelektualaren jabe dela frogatuko litzateke”.  Eta zer esaten zuten artikuluak harenak zirela pentsatzen zutenek? Tira, egia esateko, inork ez zuen ahoa zabaltzen haren alde. Horrek e...

laidorio

Txistu y Tamboliñ | 2011-10-18 23:55

Agustin Paskual Iturriagak idatzitako Ipuiak hartan bada bat gure gaurko ezberba aurkezteko balio diguna: “Belea eta azeria”. Zer da kontua? Azeriak belea lausenguz itsutu zuen, ahoan zuen gazta berarentzat nahi zuelako. Laudorio faltsuen bidez engainatu zuen. Honela amaitzen da ipuina: Lausengarien itza duenak sinisten, onelakoxe txalmak ditu eramaten.   Kontuz, bada, laudorioekin! Xanpaina bezalakoak dira, eta zorabioa eragin diezagukete. Burura igo, eta mozkorra eragin. Laudorioak halako itsumendua eragiten badizu, galduta zaude. Laudatzailearen atzaparretan zaude: laster sartuko d...

azpiko goma

Txistu y Tamboliñ | 2011-10-17 23:54

Gizonezkoek txilibituan jartzen duten txanotxoari hainbat izen ematen diogu. Guztietan aseptikoena preserbatibo da. Arruntagoak dira txapel edo kondoi. Satsetan gabiltzala, hots, larrutan, jartzea komeni. Edo janztea esan beharko genuke? Tira, geuk ere ekarpentxoa egin nahi diogu sexuaz lotutako hiztegiari. Zakiltxano hitza gustukoa dugu, baina gaur proposatu nahi dizueguna “jostalariagoa” da: emakumezkoen azpiko gona berbarekin duen antzekotasunak grazia egiten digu. Zorionez, dagoeneko neskek ez dute jantzi hori erabiltzen, eta mutilak arinago heldu ahal dira barne produktu gordinera. Eta...

Dortokaren patxada

Txistu y Tamboliñ | 2011-10-16 22:12

—Zergatik ibiltzen zara hain astiro? —galdetu zion erbiak dortokari. —Zahartzarora heldu ahal izateko —erantzun dortokak.   Bernardo Kapanaga  

entzikolpedia

Txistu y Tamboliñ | 2011-10-16 21:59

Entziklopedismoak XVIII. mendean, besteak beste, honako helburuak izan zituen:  garaiko jakituriaren berri zabaltzea, gizakien garapen sozio-ekonomikoa sustatzeko; ideia errepublikar eta demokratikoak zabaltzea; orduko sistemaren akatsak azaltzea; gizakiaren berezko askatasunaren alde borrokatzea… Berba batera ekarrita: argia. Argien Mendea.   Entziklopedismoaren antipodetan dago bortxa modu antolatu eta sistematikoan erabiltzea, estatuaren bermeaz eta zigorgabetasunaren babesean. Argia ez da preseski atxilotuak egoten diren gela horien ezaugarri nagusia. Bertan erabili ohi den en...

ingartsu

Txistu y Tamboliñ | 2011-10-15 16:24

Indarraren arrazoia arrazoiaren indarrarekin batera datorrenean, ez dago eztabaidarik. Indarra bere bakarrean ez doa inora. Argudio baliotsuekin, noranahikoa da. Pisu handikoa. Perurena harri-jasotzailea bezalakoa. Badago inor oraindik ikusi ez duena Manu Redondo izeneko indarge hark egin zion elkarrizketa? Google-n Manu eta Perurena hitzak idatzita topatuko duzue. Bertan, nabarmen geratzen da bataren erridikulua eta bestearen arrazoien indarra. Bai, Perurena bere azalpenetan gizon ingartsua da. INGARTSU: aldi berean indartsua eta gartsua den pertsona. Hedaduraz, arrazoiak egiaren inda...