Txistu y Tamboliñ

Polizia-etxearen aurretik pasatu nintzenean, polizia-auto bat geratu zen, eta atxilotu bat jaitsarazi zuten. -Nor da? -galdetu nion poliziari. -Ero bat. Jaungoikoa dela dio. Mendian atxilotu dute, sasi bat erretzeagatik. Noiz eta gaur, alerta laranja dagoenean haize-boladengatik. Sutea eragiteko zorian egon da. Biharamunean, egunkarian, albiste hau irakurri nuen. "Eroetxera eraman dute jaungoikoa dela dioen piromanoa. Psikiatrek diotenez, identitate disoziatuaren nahasmendua du: batzuetan aita dela dio, beste batzuetan semea, eta, are larriagoa dena, izpiritua dela ere esaten du. Kasu l...


Ametsak

txistuytambolin 1456153345429 Txistu y Tamboliñ | 2023-11-24 12:42

-Ametsak izatea gustatzen zait -esan nion. -Baina ametsak bete egin behar dira -erantzun zidan. -Ez, lagun. Ametsak, amets diren bitartean, bizirik daude ene gogoan. Betetzen diren unean, aldiz, hilik daude, lehertzen diren xaboi-burbuilak letxe.  Bernardo Kapanaga


Brokolia ahuakateak apioa espinakak azalorea kiwiak kipulak berakatzak azenarioak sagarrak marrubiak ahabiak letxuga piperrak tomateak ilarrak urrak almendrak eta intxaurrak.   Ah, eta algak.   Supermerkatuko ordaintokia konfesionario publikoa da. Han, denen bistan ageri dira gorputzean sartuko ditugun elikagaiak, prentsaurrekoa ematen ibiliko bagina lez, begira nola zaintzen naizen zer garbi jaten dudan hona hemen bizitza oparoaren iturriak ahoan txikituta urdaileko azidoek desitxuratuko dituztenak digestio-aparatua da osasunaren oinarria jaten duguna gara zert...


Ekilorea

1
txistuytambolin 1456153345429 Txistu y Tamboliñ | 2023-09-19 19:34

Ekilore hura aspertuta zegoen eguzkiari begiratzen. Entzuna zuen gauez, haiek lo zeuden bitartean, Ilargia izeneko argizagi batek zeharkatzen zuela zerua, eta erabaki zuen aurrerantzean hari begiratuko ziola. Itzarrik eman zuen gau hura, baina Ilargia ikusi ez, ilberri baitzen. -Gezurra da gauez Ilargia izeneko argizagiak zerua zeharkatzen duela -esan zien beste ekiloreei biharamunean. Egun hartatik gehiago, belarrietara etortzen zitzaizkion esamesei entzungor egin zien. Eta beste ekiloreak konbentzitzeko, hauxe esaten zien: -Sekula ez litzaiguke otuko pentsatzea lurra biribila dela, ez...


Liburu elektronikoa abian jarri nuenean, ezustekoa hartu nuen. Hiru liburu nenbilen aldi berean irakurtzen, eta hara: pertsonaiak liburu batetik bestera pasatu ziren, bat-batean birus elektroniko batek hiru liburuak nahasi eta halako mazedonia bat egin balu bezala. Harriturik barneratu nintzen mazedonia hartan: Haur besoetakoa eleberriko protagonista, amets nahasi baten ostean, konturatu zen ezin zela ohetik altxatu, zomorro bihurtuta ikusi baitzuen bere burua. Ikaratuta, Theresari deitu zion, baina, logelako atea zabaldu zenean, neskatoa agertu beharrean HAL 9000 konputagailua ikusi zuen,...


Gregor Samsa itzartu zenean, dinosauroa ez zegoen han. Gustura Mendilarrosa


Galdera bat daukat Euskaltzaindiarentzat: Zergatik New Zealand da Zeelanda Berria eta New York ez da York Berria?  Eta zer esan Newtoni buruz? Zergatik ez da Tonberri? Hartzen ote ditu erabakiak Euskaltzaindiak ilogikaren sagarrondopean, baina sagarrak barik meloiak jausten zaizkie? Ur-gazle


Dinosauroak

txistuytambolin 1456153345429 Txistu y Tamboliñ | 2023-07-03 20:37

Antzinako Egiptoko dinastien eta faraoien handitasuna basamortuko harea artean birrindu zen. Erromako inperio erraldoia naipe-gaztelu baten antzera jausi zen. Sobiet Batasunaren burdinazko boterea puska askotan desegin zen. Betiko ziruditen zibilizazioak hondar bihurtu ziren. Non daude dinosauroak, galdetzen dute labezomorroek. Handinahiek ulertu beharko lukete arriskutsua dela uzkia eguzkia lakoa izan nahi izatea.   Bernardo Kapanaga


Sekula ez dut sinistu tximeleta-efektuan eta horrelako pitokerietan. Atzo arte. Atzo, dutxatu barik bainatu egin nintzen. Eta hara: bainu-ontzia hutsitu nuenean, itsas maila jaisten hasi zen Bizkaiko golkoan.  Esango didazue horri marea behera esaten zaiola, eta horren eragilea Ilargia dela, eta ez nire bainu-ontzia. Ba, badakizue zer esaten dizuedan? Hemendik aurrera bainu-ontzian egingo dut txiza. Ea nor ausartzen den uda honetan gure hondartzetan bainatzen...   Orin O'connors      


Meteoritoa

txistuytambolin 1456153345429 Txistu y Tamboliñ | 2023-06-30 12:00

Gaur, bazkalondoko kafea hartzen gabiltzala, deskuiduan lez, zera esan diet lagunei: -Gaur gauean ez da jausiko meteorito bat herrian. Isiltasuna apurtzearren esan diet, zeren adiskidetasunak deserosotasun hori dauka: isilik egon zaitezke hamar minutuan, ordu laurdenean, ordu erdian... adiskidetasun horretan ezelako arrakalarik sorrarazi barik. Niretzat, berriz, isiltasuna objektu astuna da, itsasoaren hondora zaramatzan aingura. Are gehiago esango dut: lagunen isiltasun tematia susmagarria iruditu zait. "Seguru zerbait ezkutatzen ari direla", pentsatu dut, mesfidati. Hori du isiltasunak...


txistuytambolin 1456153345429

Horrible dira eta icigarri egun handien eta aberatsen artian eguiten diren colatione dissolutiones bethiac hirur, laur, çorci, hamar, hamabi plat confituraz, frutu honez betheric, eta hetçaz ecin eta ahal leher artino bere tripac betheric, ohorat ioaiten dira barur gaichoa plagaturic eta massacraturic.


210

Kategoriak