Txistu y Tamboliñ

Esker ona

Txistu y Tamboliñ | 2023-12-31 10:02

Partidu Populistak erraz irabazi zituen hauteskundeak. Gakoa hautagaiaren orrazkera anarkikoa izan zen, haren txima orraztugabeak. Horixe zen buruzagi populisten arrakastaren sekretua, hain zuzen ere. Hauteskundeak irabazi izana eskertzeko, presidentea hiriburuko auzo pobreenera joan zen bere populismoa paseiatzera, han lortu baitzituen emaitzarik onenak. Pobre populismozaleek txaloka eta bibaka hartu zuten euren idolo orraztugabe berria. Presidenteak gortea zekarren haren atzetik, AIT (Atzamarrez Izendatutako Funtzionarioak) erakunde berriko langileez osatua. Haien lehen eginkizuna "Txir...

Juduen erregea

Txistu y Tamboliñ | 2023-12-25 20:54

Netanyahu israeldarren presidenteak jakin zuenean juduen erregea jaio berri zela, Shabak barne segurtasunerako agentziari agindu zion iker zezan jaioberri hartaz esaten zena egia zenentz. Shabaken txostena irakurrita, umea arriskugarria izan zitekeela pentsatu zuen, eta hiltzea erabaki zuen, haren gurasoak Hamaseko kideak zirela argudiatuta. Misila jaurtitzeko agindu zuen. "Nik ez dut kale egingo", pentsatu zuen, bi mila urte lehenago Herodesi gertatu zitzaiona gogoratuta. Bernardo Kapanaga

Perfekziozaletasuna

Txistu y Tamboliñ | 2023-12-16 08:41

Mezak latinez ematen zirenean, ba ei zegoen abade perfekziozale bat berbaren bat ondo esaten ez zuenean berriro hasten zena meza ematen, hasieratik. Jainkoa hain perfekziozalea izan balitz, ez zen inoiz helduko zazpigarren egunera. Bernardo Kapanaga

Diktadorearen heriotza

Txistu y Tamboliñ | 2023-12-14 10:16

Diktadorea hilzorian dago, bere jauregian. Ez dago bakarrik: emaztea du ohe ondoan. Gelaren isiltasunean, begiak itxita ari da errezatzen, senarraren arimaren alde. Baina senarrak ez dio entzuten, konorte barik dago ohean. Une batean, emazteak begiak zabaldu eta ezinegona igarri dio aurpegian, bizitzan egindako bidegabekerien erruduntasunak eraginda akaso. Beharbada amesgaiztoren bat du, eta amesgaizto horretan jauregiaren kanpoaldean elkartu den jendetza entzun du. Bere aurka ari dira, eta oso haserre dirudite. Ohean, diktadorearen aurpegiak izua islatu du: jauregiko ateak apurtuta, ...

Adimen artifizialaren garaipena

Txistu y Tamboliñ | 2023-12-13 00:05

2023ko abenduan gaude. Nagusiak misila jaurtitzeko agindu dio soldaduari. Soldaduak badaki misilak ospitale bat suntsituko duela, ehunka zauritu eta hildako eragingo dituela, eta misila jaurtitzeko arrazoiak (ospitalearen azpian, tuneletan, terroristak ostentzen ei dira) ez duela zuritzen hainbeste pertsona errugabe akabatzea. Eta, hala ere,  adimen naturalak botoia sakatzeko esan dio soldaduari, misila jaurtitzeko, sentimenduen gainetik obedientzia dagoelako. Obedientzia: kontzientziaren ahotsa isilarazten duen mozala. 2024ko abenduan gaude. Terroristen aurkako gerra ez da oraindik a...

Literatura-aldarrikapena

Txistu y Tamboliñ | 2023-12-10 13:10

Literatura-mugimendu hark, dena idatzita dagoela iritzita, literatura-immobilismoa aldarrikatu zuen.  Aldarrikapen haren testigantza moduan, argazkia ateratzea erabaki zuten. Gero, koherentziagatik, nor bere etxera joan eta ez ziren berriro elkartu: argazkia mugituta atera zen. Bernardo Kapanaga

Baserriko lanak

Txistu y Tamboliñ | 2023-12-08 16:27

Bazen behin baserritar bat, halako batean oporretan joatea otu zitzaiona. Sorora joan, eta txorimaloari  esan zion bera kanpoan zen artean arduratu zedila baserriko lanez. Bueltatu zenean, dena hankaz gora topatu zuen: oiloak azeriak eramanda, azienda gobernatu barik, belarrak bildu eta metatu barik, patata ateratzeke, lore guztiak eguzkiak erreta... Haserre bizian joan zen sorora. Hantxe zegoen txorimaloa, geldi-geldi, lo antzean. -Ez duk kolpe zorririk jo, alfer horrek! Lastairako artilea baino faltsuagoa haiz! Orduan konturatu zen soroko ortuariak hondatuta zeudela, txoriek eta ...

Poliglota

Txistu y Tamboliñ | 2023-12-06 15:08

Autobusean gizonezko baten ondoan joatea egokitu zitzaidan. Oso lanpetua zirudien: bost telefono-dei egin zituen ordu erdian. Ez nuen berba erdirik aditu, ez baitakit ingelesez, eta are gutxiago frantsesez eta alemanez. Laugarren hizkuntza eslabiarra iruditu zitzaidan, eta azken deian erabili zuena japoniera izango zen, auskalo. "Ze gizon ilustratua", pentsatu nuen, nire elebakartasunaz lotsatuta. Eta, bat-batean, niri begiratu eta esaldi soil bat esan zidan, inozokeria handi bat. Arnasa hartu nuen, pentsatuta ergelak, poliglatak badira, ergelak direla hizkuntza guztietan. Bernardo Kapa...

Jaungoiko piromanoa

Txistu y Tamboliñ | 2023-11-24 13:03

Polizia-etxearen aurretik pasatu nintzenean, polizia-auto bat geratu zen, eta atxilotu bat jaitsarazi zuten. -Nor da? -galdetu nion poliziari. -Ero bat. Jaungoikoa dela dio. Mendian atxilotu dute, sasi bat erretzeagatik. Noiz eta gaur, alerta laranja dagoenean haize-boladengatik. Sutea eragiteko zorian egon da. Biharamunean, egunkarian, albiste hau irakurri nuen. "Eroetxera eraman dute jaungoikoa dela dioen piromanoa. Psikiatrek diotenez, identitate disoziatuaren nahasmendua du: batzuetan aita dela dio, beste batzuetan semea, eta, are larriagoa dena, izpiritua dela ere esaten du. Kasu l...

Ametsak

Txistu y Tamboliñ | 2023-11-24 12:42

-Ametsak izatea gustatzen zait -esan nion. -Baina ametsak bete egin behar dira -erantzun zidan. -Ez, lagun. Ametsak, amets diren bitartean, bizirik daude ene gogoan. Betetzen diren unean, aldiz, hilik daude, lehertzen diren xaboi-burbuilak letxe.  Bernardo Kapanaga