Txistu y Tamboliñ

Erreskatea

Txistu y Tamboliñ | 2022-04-28 11:24

Ez dut esango superheroia izateko jaio naizela, baina suhiltzaile izatea erabaki nuenean nire ametsa jendea salbatzea zen: sutan dauden eraikinetatik amama elbarriak bizirik ateratzea, urez inguratutako etxeko teilatutik ume negartiak besoen artean erreskatatzea, istripuaren eraginez bide bazterrean suntsituta geratu den autotik gidari kordegabetua leherketa baino lehentxeago kanporatzea... Agian pelikuleroegia naiz, baina gutxieneko lan duinak eskatzen ditut, besterik ez. Horregatik, zerbitzu batzuk iraingarriak iruditzen zaizkit. Adibidez, gaur goizekoa. Auzotar batek sokorroka deitu digu...

Urratsak

Txistu y Tamboliñ | 2022-04-28 10:53

Egiten dugun urrats bakoitza oina altxatuaz batera ume abandonatua da iragan galdu urruna. Horrela goaz aurrera pentsatuta gure lorratzak betiko direla baina beldur gara begirada bueltatzeko zeren atzean geratzen direnak beti dira paisaia ezezagunak: inperio handienen ondarea ere hondamena da beti. Horixe da bizitza, irauteko nahi antzua.   Urratsez urrats, indartsuak garela esango diogu elkarri, gure oinek mendi garaiak konkistatuko dituzte tontor guztiek gainbehera dutela pentsatu gabe. Liburuak idatziko ditugu gure askazia betikotzeko jakin gabe biblioteketa...

Herensugearen indigestioa

Txistu y Tamboliñ | 2021-12-06 17:40

Izututa zeuden herrian. Inguruko basoetan herensuge bat ezkutatzen zen, eta, tarteka, herrian sartu eta txikizioak eragiten zituen. Eta are okerrago zena: sarri, haginen artean herriko norbait harrapatu eta hegan alde egiten zuen. Baina egun baten herensugeak oker handia egin zuen, izan ere politikari bat ahoratu zuen. Herrira etorria zen, hauteskunde-kanpaina baitzen, eta, mitina ematen zebilela, herensugea haizean etorri zen, oholtza gaineko izaki hura harrapatu zuen eta baso aldean ostendu zen.  Eta, kontatzen dutenez, ahotik sua bota zuen historiako lehen herensugea izan zen. Hal...

Baina kontuz

Txistu y Tamboliñ | 2019-11-08 12:20

  Ameriketako tribuek ez zuten inor baztangatik babesteko. Baina baztangak ez zuen errurik. Europako gizakiek eraman zuten itsasontzietan Atlantikoaren kostalde batetik bestera. Afrikako beltzek ez zuten inor kateetatik babesteko. Baina kateek ez zuten errurik. Europako gizakiek eraman zituzten belaontzietan salgai bihurtuta. Siouxek, navajoek eta apatxeek ez zuten inor zurien suzko armetatik babesteko. Baina suzko armek ez zuten errurik. Europako gizakiek eraman zituzten, Jainkoaren izenean bedeinkatuta baitzeuden. Baina kontuz, Europako gizakiok: hitlerrak ereiten ditue...

Kultura-kontseilariak

Txistu y Tamboliñ | 2018-12-08 11:07

Kultura-kontseilariak zure gorputzetik artaldean aterako balira lez kafeinarik gabeko programazio populugaleak diseinatzen badakizue domeka arratsaldeetarako pilula dosifikatuak astelehenera psikiatriaren beharrik gabe heldu ahal izateko. Debekatuta dago mugiezintasuna hilda ez bazaude behintzat baina orduan zergatik biratzen da Lurra betiko eguzki berbera ikusteko.   Kultura-kontseilariak aholku eske ez baita erraza monotonia programatzea galaxia urrunak deskubritzea balitz lez salduta komediak ere tragikoak dira familia ospakizunetan alferrik da aharrausiak ongarritzea ...

Bueltaka bueltaka bueltaka

Txistu y Tamboliñ | 2017-03-18 10:33

Gola sartuta, Messik telefonoz berbetan dabilelakoa egin du. Kazetariek interpretazioak egin dituzte kirol-tertulietan, zeren garrantzitsuena keinua da, eta ez kirola. Baina zer kazetari dago gure alegiazko telefono-deiak interpretatzeko? Zer tertuliatan arduratzen dira gure keinuez? Ez, gure telefonoek ez dute koberturarik, gure keinuentzat ez dago mikrofonorik. Gure deiak, gure eskariak, gure beldurrak aspaldiko disko-jogailuetan lez dabiltza bueltaka bueltaka bueltaka azken abestiaren osteko isiltasun lakarraren sos-dei alferrak legez bueltaka bueltaka bueltaka orra...

Krispetak

Txistu y Tamboliñ | 2016-05-09 18:24

Pelikula hasi eta krispetak jateari ekin zion konpultsiboki. Pelikula bukatu eta argiak piztu zituzten. Krispeta bat kontrako eztarritik sartu zitzaion eta itotzen ari zen ez zegoen ezer egiterik. Aretoa itxi krispetak saltzeko denda itxi eta langileak kanporatu zituzten. Arratoiak jango dituzte lurrean geratu ziren hondakinak dio Artxandako funikularrean dabilen erretretadunak. Lodinowsky

Jaun Kalparzororen amesgaiztoa

Txistu y Tamboliñ | 2016-01-06 09:35

Jaun Kalparzoro (El Señor Garrapataloca) EAEko (Eurdal Antonomia Ezkidegoa) fiskal nagisia (hots: fiskal nagien nagusia) arduratuta zegoen bere buruarekin (zehatzago esateko: bere buruaren dimentsioarekin). Egunean-egunean, bulegoko ispiluaren aurrean plantatzen zenean, handiagoa ikusten zuen, eta buruko ileak gero eta bakanago. Fiskal nagisiak mahai gaineko paper pilei begiratu zien: Iberdrogako dorreak bailiran altxatzen ziren sabairantz. Den-denak On Julius Urkixote EAEko korrejidoreak bidaliak ziren. Nagiro, paper bat hartu zuen, abespeluan. “Fiskal nagisi jauna: Espain...

Parabola zuzena

Txistu y Tamboliñ | 2015-11-17 09:27

Arriskutsua da malko bako begiak inaustea zerutik amabirjina  Ikeako aulki batean jaisten denean Jose zurgina kaletxakur langabea baita usopasari begira haren emaztearen amets bustietan, eta gernu bedeinkatua negar eragiten dio ozpin bako zauriak itsusiak baitira jainkoen gorpuetan. Deusek ez du deus balio, Hirutasunaren begiak donutsaren zulotik errua urrea dela sinetsarazi digu, hain erraz ereiten dira gezurrak inozoen arrakaletan, eta bitartean haren apaizak paradisu fiskaletan bizi dira limosnak limusina bihurtuta, ogia eta orgia ala urkabila, mehatxatu gaituzte fedeak dena onart...

Uda osabarekin (15)

Txistu y Tamboliñ | 2015-10-30 09:20

Auzokoen batzarrak Osabak maiz galdetzen digu ea zer egiten dugun eskolan. Guk erantzuten diogu oporretan gaudela, eta eskolako ateak itxita dauden bitartean ez dugula han sartu nahi, ezta gure pentsamenduekin ere. Osabak diosku eskolak bizitzarako prestatu behar dituela ikasleak. “Ba orduan zergatik ez digute erakusten zelan ez etorri haserre auzokoen batzarretatik?”, galdetu diot. Zeren gure guraso maiteak beti (baina beti-beti!) etortzen dira pipermina baino haserreago auzokoen batzarretatik. Haiei ere seguru ez zietela eskolan erakutsi zelan aurre egin zorioneko batzar hor...