Txistu y Tamboliñ

Aurkikuntza harrigarria Zornotzako patatan

Txistu y Tamboliñ | 2015-01-31 11:36

Aurkikuntza harrigarria egin dute Zornotzako patatan (Andres Nagel artista gipuzkoarrak egindako eskultura). Egunotako haize-boladen ondorioz, patata jausi eta bitan apurtu da, eta orduan aurkitu dute haren barruan kristo itxura duen ezpata-dantzari baten irudia. Eliza-agintariek kristorenak esan dituzte irudia Kristorena dela diotenen aurka. Hala ere, hura ikusita, nabarmena da Kristo gurutziltzatuarekin duen antza: buru (doi bat) makurtua, saihetseko zauria, oinak bata bestearen gainean egotea… Hona hemen desberdintasun bakarra: zapia egon behar zuen lekuan, dantzariaren ezpata ...

MIKROANDOSILLOAK 53

Txistu y Tamboliñ | 2015-01-31 10:08

511- Gauzak pilatuz saiatzen gara gabeziak betetzen. 512- Elefanteak ere tronpatzen dira. 513- Erreumara daramate bide guztiek. 514- Nagikeria aktiboa praktikatzen dut. 515- Goiz gorri, arrats euro. 516- Sagar errearen harrak gara. 517- Insomniodunak, loa amets. 518- Pastilla urdinek ez dituzte maitasun eroriak zutiarazten. 519- Liburu debekatuak dira irakurrienak. 520- Perfekzioak ez du eboluzionatzen uzten. Orduan, hiltzea perfekzioa da.                          &...

Beste arrakala bat Itoizko urtegian

Txistu y Tamboliñ | 2015-01-29 08:56

Beste arrakala bat sortu da Itoizko urtegian. Ikerketen arabera, Mikel Urdangarinen kontzertu baten ostean agertu da, kantariaren ahotsaren dardarizoak eraginda. Mikelen ahotsaren ahalmen izugarri hori baliatzeko, ikuskizun berria iragarri dute Mikel Urdangarinek, Kirmen Uribek, Rafa Ruedak eta Bingen Mendizabalek: Dardarregia, txikitzaileegia agian. Bestalde, Itoizko urtegian antzeko kalteak eragin ditzakeelakoan, Yolanda Barcinaren gobernuak Joan Manuel Serratek Agoitzen emateko asmoa zuen kontzertua bertanbeheratu du.

Tiraderak

Txistu y Tamboliñ | 2014-12-30 12:26

Tiraderak hustu ditut. Bihar urtea hilko da, eta berriak ezingo du jasan paper zaharren nostalgia. Neil Youngen ahotsak all the feelings in you heart come re-awakened diost zahartzarotik, eta beharbada alferrik da dena: tiraderak hustu arren gurekin daramagu, nahitaez, oroitzapenen lorra.   Ron Sniakin

MIKROANDOSILLOAK 52

Txistu y Tamboliñ | 2014-12-27 18:27

501- Zoriontasuna zorigaitzen digestiotik abiatzen da. 502- Mehatxua ezin da izan egundo mehetsua. 503- Gauza bat dago ezin lokartzea baino txarragoa: ezin itzartzea. 504- Gaitzak ez dira errazetekin sendatzen. 505- Egarria ez da konpontzen iturriak galarazita. 506- Beti dago arrazoiren bat arrazoia galtzeko. 507- Historia gizakien ez-egitekoen zabortegia da. 508- Ilargi betea orratzak galdu dituen erlojua da. 509- Bizitzea zamak garraiatzea da. 510- Perfekzioak ez du eboluzionatzen uzten. Hortaz, eboluzioa inperfektua da.            ...

Eta honi deitzen diote bizitza

Txistu y Tamboliñ | 2014-12-06 22:20

Eta honi deitzen diote bizitza espermatozoide geldoen eta txarto egositako obuluen txori-kaka honi neguko gauetako hordikerian desarratutako tiro zentzunbakoak garenoi baina orain negarra da txarrena munduak ez du behar jausitako txorien erretolikarik alferrik dira kaiolak askatasuna amesten ez dutenentzat begiak zabaltzea hondakin bihurtutako utopiak elikatzea bezain antzua da dagoeneko errotik ateratako haginen irribarrea bezain faltsua zertarako balio dute tabernen komunetan hondoratutako gaztaroko ametsek salbazioaren esperantza nekagarria da hainbeste urteren ostean ez gara orain ha...

Ginebraren gorazarre

Txistu y Tamboliñ | 2014-11-25 10:02

 Beste edari bizien aldean apal da eta diskret; ez du urre edo anbar kolorerik, ezta gainontzekoen usain gozo sarkorra ere. Uraren jantzi xalu eta xumea laket du soinean eta, gisa horretan mozorroturik, apalategian igurikitzen du bertze botilekin batean, mutu eta pazient, sobera nabarmendu gabe, harik eta plater eta kikarak eta edalontziak oro mahaitik kendu dituzten arte.   Orduan, dafaila xahuaren gainean, izena eta izana berreskuratzen ditu eta Ginebra erregina ageri da berriro guzien aitzinean koroa buruan -zitroi, izotz eta pindar- eta Lancelot ez ezik Mahai Biribileko bert...

MIKROANDOSILLOAK 51

Txistu y Tamboliñ | 2014-11-14 20:47

491- Erosotasuna da iraultza guztien antidotoa. 492- Arriskutsua da pianoaren tekla beltzetan lokartzea. 493- Alferrik da aterkiaren gaineko euria. 494- Beldur diegu atzeko ateetako egiei. 495- Amets zimelduak dira heriotzaren ongarri finena. 496- Jaungoikoa baino, gurago dut beheko andrea. 497- Harriz harri eraikitzen dira hondamendiak. 498- Erruaren errapeak agorrezinak dira. 499- Metaforak ipurtzuloetan landatuta ez da oasirik jaiotzen. 500- Udazkeneko hostoak joandako txorien malkoak dira.                 ...

Ospakizuna

Txistu y Tamboliñ | 2014-10-29 20:04

Bihotzak abisatu egiten du lehertu aurretik bazekien hala ere sari bi irabazi zituen 12.000€ guztira. Eta ospatzeko  gurasoak gonbidatu zituen eta emaztea gero neba-arrebekin ere joan zen Eta senitartekoak: lehengusu eta lehengusinak eraman zituen Lankideekin primeran ibili zen Eta txikitako lagunekin bikain Literatur taldea osatzen zuten kideak etorri ziren Eta aitortzen du pasatu egin zela drogekin beharbada Eta beharbada horregatik zegoela han Artxandako Santa Maria ospitalean bihotzak abisatu ziolako lehertu aurretik Eta bat-batean ondoeza sartu zitzaion eta erizaina de...

Joseba Sarrionandiaren itzulera

Txistu y Tamboliñ | 2014-09-30 12:03

                                  (Euskal Literaturaren Misterioak 5) Irakurri duzu Joseba Sarrionandiaren Enperadore eroa narrazioa? Bertan, Hung Wu enperadorea nola erotu zen kontatzen du Txinako kontalari batek. Kontalari asko omen daude Txinan. Bidegurutzeetan jartzen dira, eta bidaiariei antzinako istorioak kontatzen dizkiete, elikagai gutxi batzuen eta txanpon txiki baten truke. Imajinatzen duzu bidegurutzeko kontalaria en...