Txistu y Tamboliñ

Hartz inurrijalea

Txistu y Tamboliñ | 2026-01-05 19:19

-Hankaren bat lokartzen zaizunean, esaten dugu inurritu egiten dela. Badakizu zergatik? -Ez. Zergatik? -Bada, ematen duelako hanka inurriz betetzen zaizula, eta lasterka mugitzen direla, denak batera. Badakizu zergatik? - Ez. Zergatik? -Hanka lokartuaren amesgaiztoan hartz inurrijale bat datorrelako inurri guztiak jatera. Eta inurriak lasterka hasten dira, hankaren jabeari zera esateko, aizu, igurtzi ezazu hanka, ezpabere hartz inurrijaleak jango gaitu! -Aita, eta orduan hankamotzei zer gertatu zaie, hartz inurrijaleak hanka lokartua jan diela? Bernardo Kapanaga

Kanpaikadak

Txistu y Tamboliñ | 2025-12-31 21:11

Gabon zaharrean gaude. Urteko azken segundoak dira. Mahats aleak jaten ari dira etxeetan, kanpaikadekin batera. Eta hara, etxe batzuetan ito egin dira batzuk mahatsa jaten ari direla. Urte berriko albistegietan agertuko dira hil diren horietako batzuk: Netanyahu, Trump, Putin...  Baina ez: Gabon zaharreko afari astunaren osteko amets ezinezkoa izan da. Biharamuneko egunkarietan bizirik daude Netanyahu, Trump eta Putin. Urte berria ez da hobea izango. Bernardo Kapanaga

Hor daudenak

Txistu y Tamboliñ | 2025-12-20 15:15

Beldurtuta nago. Nire bila ote datoz? Hemendik aterako naute, bortxaz? Ez dakit nortzuk diren, baina haserre dirudite hor daudenak, hilobi honen kanpoaldean. Bernardo Kapanaga  

Amerikar autoa

Txistu y Tamboliñ | 2025-12-10 12:41

-Egun on, eleberri baten bila nator, amerikar auto bat erosten duen txinatar bati buruzkoa. -Bai, zientzia fikzio sailean topatuko duzu. Galdetu bertako arduradunari. Bustizait I        

Adarbakarraren muina

Txistu y Tamboliñ | 2025-12-03 12:59

Bart amets bitxia izan nuen: zuhaitz baten azpian lo nengoela, adarbakar batek, basotik irten, nigana hurbildu eta muin egin zidan bekokian. Gaur, ispiluaren aurrean aurpegia garbitzen nabilela, adar txiki bat ikusi dut hain justu adarbakarrak muin egin zidan lekuan. Irrikaz nago gauean lotara joateko. Ametsean zuhaizpean etzango naiz, eta adarbakarra datorrenean berarekin sartuko naiz basoan betiko. Bernardo Kapanaga

Migrainarik ez

Txistu y Tamboliñ | 2025-11-27 00:31

Borreroak burua moztu zidanetik ez dut berriro migrainarik izan. Bernardo Kapanaga

Insomnioaren eragilea

Txistu y Tamboliñ | 2025-11-06 11:12

Azkenean, ikertzaileek identifikatu dute zein den insomnioaren eragilea. Hala azaldu du aditu batek: "Jendeak ardiak zenbatzen ditu, eta, horri esker, lokartu egiten da. Batzuek erraz lortzen dute, nahikoa dute dozena bat ardi zenbatzea. Beste batzuek, aldiz, artalde handia behar dute loak hartzeko. Zer gertatzen zaie baina insomnioa dutenei? Bada, gure ikerketak frogatu duenez, ardiak zenbatzen ari direla, bat-batean otsoa agertzen da eta ardi guztiak akabatzen dizkie. Hori dela eta, berriro hasi behar dute ardiak zenbatzen, baina prozesu hori etengabe errepikatzen da, Sisifori harriarekin...

Txistua eta tanboliña

Txistu y Tamboliñ | 2025-08-19 10:31

Gure lagun batek (Pagasarri jarriko diogu ezizena, maltzurkeria pitin batez hornitze aldera) obsesio bitxia dauka: txistua entzuten  ei du belarri barruan, eta, orduan, infernuko deabru guztiak gorputz barruan sarde-dantzan hasiko balitzaizkio  legez, oihuka hasten da: -Lapurrak! Lapurrak sartu zaizkit etxean! Berak dioenez, horixe da belarri barruan duen alarma: txistu horrek adierazten du lapurrak sartu zaizkiola etxean. Kuriosoa! Horrelakoetan, gure konpainia utzi eta lasterka abiatzen da etxera, lapurrak in braganti (horrela esaten du, latinezko espresioari, gura barik...

Azken guraria (2)

Txistu y Tamboliñ | 2025-08-16 22:24

Aulki elektrikoan jarri baino lehen, funtzionarioak zera galdetu dio hiltzera zigortuari, ea zein den bere azken guraria.  -Presidenteak telefonoz deitu dezala,  nire zigorra berresten duela agintzeko. Justu momentu horretan, telefonoak jo du. Funtzionarioak telefonoa hartu eta arreta handiz entzun du. -Presidentea izan da -esan dio kondenatuari. - Eta? Aintzat hartu du nire azken guraria? -Jauna, zorionak. Orain arte sekula ez du aintzat hartu agintari batek herritarren guraririk. Zeu zara hori lortu duen lehena. Eta, mugimendu goxo batez, aulkian jesarrarazi du. Bernardo...

Bakardade superpopulatuak

Txistu y Tamboliñ | 2025-08-16 17:07

Hirietako azpiegiturak hodiak eta kableak etxeen artean bakardadeak konektatzeko umeen gabezia txakurren konpainiarekin orekatzen dugu eta gure azalak bikotekideen ferekez barik tatuajez hornitzen ditugu. Sateliteak dira gure jainko berriak haiei esker gara libreak mundu osoan produktu berberak kontsumitzeko eta sare sozialetan nabigatuz gizarterotzen gara like gehiago lortzeko ultratrailetan. Metroan ondoan dugun ezezagunari barik telefonoko pantailan ehunka kilometrora bizi ei den balizko lagunari husten diogu bihotza eta gure bizimoduaren logika nabarmen gera dadi...