Bakardade superpopulatuak

Hirietako azpiegiturak

hodiak eta kableak

etxeen artean

bakardadeak konektatzeko

umeen gabezia

txakurren konpainiarekin

orekatzen dugu

eta gure azalak

bikotekideen ferekez barik

tatuajez hornitzen ditugu.

Sateliteak dira gure jainko berriak

haiei esker gara libreak

mundu osoan produktu berberak

kontsumitzeko

eta sare sozialetan nabigatuz

gizarterotzen gara

like gehiago lortzeko ultratrailetan.

Metroan

ondoan dugun ezezagunari barik

telefonoko pantailan

ehunka kilometrora bizi ei den

balizko lagunari

husten diogu bihotza

eta gure bizimoduaren logika

nabarmen gera dadin,

denda txikien alde gaudela esan arren,

hipermerkatu handietako gurdietan

paseatzen ditugu

gure bakardade superpopulatuak.

Ron Sniakin