Txistu y Tamboliñ

ETA erakundearen komunikatua

Txistu y Tamboliñ | 2014-06-06 14:20

ETA (Euskadi Ta Amnesia) erakunde sortu berriak hauxe jakinarazi nahi du: oso kezkatuta gaude, oroitzea terrorismoa goratzea dela argudiatuta Guardia Zibilak Aritxulegin hildako batzuen memorian landatutako basoa zuztarretik erauzi duela-eta (BERRIA, 2014-06-04, Oroimena landatzeagatik bost atxilotu). Kontua da 239 haritz eraman dituztela eta agian lekuko gisa deklaratzera behartuko dituztela. Horrelako izugarrikeriarik berriro gerta ez dadin, proposamen ausarta egin nahi diogu euskal jendarteari, denon artean etorkizun hobea eraikitzeko asmoz: “terrorismo”arekin lotutako oroi...

Bigarren exodoa

Txistu y Tamboliñ | 2014-06-04 18:44

Israelgo kolonoen okupazioarekin gogaiturik, Palestinako gobernuak adierazi du haiek ere eskubidea dutela lur berriak okupatzeko, eta, juduek Moisesen eskutik egin bezala, exodoa egitea erabaki du. Israeldarrek Itsaso Gorria zeharkatu zutela-eta, haiek ere hori egiteko gauza badirela erakutsi nahi diote munduari, baita urek utzitako lurretan herriak eraiki ere! Israelgo gobernuak asmo horiek ilegalak direla adierazi du: exodoaren patentea judutarrena dela defendatu du, baita Itsaso Gorriko lurren jabetza ere, Moisesek deskubritu zituenez gero. Eta, badaezpada, berehala heldu dio bigarren ...

Gure gabezien pisua

Txistu y Tamboliñ | 2014-05-23 11:55

Zuhaitzetako orriak txorikumeen lehen hegaldien lekuko isilak dira. Eta, haien ezjakintasunean, uste dute haiek ere hegan egin dezaketela. Eta, egun baten, zuhaitzetik jauzi egiten ausartzen dira, baina alferrik: haien hegaldia laburra da, zuhaitzetik lurrerainokoa.   Halakoak gara geu ere: uste dugu jainkoak izan gaitezkeela, baina izaki baldarrak gara. Gure gabezien pisuak beti amilaraziko gaitu.   Ron Sniakin

Topen topean

Txistu y Tamboliñ | 2014-05-22 11:51

Inoiz joan bazarete oinez Apatamonasteriotik Arrazolaraino, jakingo duzue bidegorriaren amaieran aparkaleku bat dagoela, eta, apur bat harantzago, zurezko mahaiak eta aulkiak, belardi polit batean. Leku horri Tope esaten diogu, eta, hantxe bertan, topean jarri ninduen eszena bat ikusi nuen. Martxoaren 20a zen, eta eguzkiak, neguaren atzaparretatik askaturik, suzko begia zirudien zeruan; haren begiradaren beroak gaztetzen ninduelako inpresioa nuen (edo, modu poetikoagoan esanda: odola udaberrituta sentitzen nuen). Bertara helduta, zalantzan gelditu nintzen: aurrera jarraitu han hasten zen...

MIKROANDOSILLOAK 49

Txistu y Tamboliñ | 2014-05-14 19:58

(Askatasuna) 471- Askatasuna zapatako lokarrietan hasten da galtzen. 472- Ostadarraren azpian bizi da askatasuna. 473- Mugak behar ditugu askatasuna lortzeko. 474- Askatasuna duzue esklabo izaten jarraitzeko. 475- Ez da behar hormarik askatasuna preso mantentzeko. 476- Askatasuna da tiranogaien berbarik erabiliena. 477- Askatasuna debekuz inguratutako irlatxoa da. 478- Erlijio-askatasuna kontzeptuari oximoron hatsa dario. 479- Askatasunak jabeak ditu, eta morroiak. 480- Euliek ere ez dute sinesten lanak askatasuna dakarrela.            &n...

Udazkena

Txistu y Tamboliñ | 2014-05-12 12:06

Udazkenero hona etortzen naiz hego haizeak jotzen duenean Artxandako polikiroldegira. Udako igerilekua eta tenis zelaiaren artean  bainu jantzi estuarekin eskilaretan etzan egiten naiz eta gorputza olioztatzen dut azalak osto kolorea har dezan. Eta horrela eguzkiak berotzen nau bere egun onenak eman dituen homosexuala banintz bezala.                                           &n...

MIKROANDOSILLOAK 48

Txistu y Tamboliñ | 2014-03-29 11:38

461- Mina min gorriagoaz zuritzen da. 462-  Zuloek altxarazten gaituzte. 463- Egiaren uzkia beti da informazio erreserbatua. 464- Jainkoa da apokalipsiaren genesia. 465- Urrea ez da ureztatzen. 466- Bizitza gaixotasun degeneratiboa da. 467- Galtzaileen poltsikoetan ez dago zulo faltarik. 468- Etorkizuna sekula helduko ez den fruitua da. 469- Politika: gezurra egiazjanzteko artea. 470- Sigmund Freudekin egin dut amets: larria ote da?                           &n...

Orain hemen biok

Txistu y Tamboliñ | 2014-03-28 17:09

Esadazu askatasuna lokatzez altxatutako  fantasia kearen pisu atomikoa duen  subjuntiboa eta zapatak erantzi izarrei begiratu eta harra sagarrean bezala  biziko nintzatekeela pentsatuko dut zeren kartoizko kutxa baten sartzen dira nire ametsak iraultza merke herdoilduak egunerokotasunean urtuak ohitu naiz begirada izuetara beldurrak orrazten ematen dugu bizitza utzi hemen hatz-markak eta unibertsoa lo geratuko da adjektibo gehiegi dago bizitzan substantiboen kaltetan eta ordua heldu da erlojuak eranzteko orain hemen biok ez da besterik behar   Ron Sniakin

Artxandako kobazuloa

Txistu y Tamboliñ | 2014-03-17 11:20

Kobazulo horrek ez dauka ez hezurrik ez hartzik, ez zaldirik marrazturik. Haitzulo horrek  ordea giza itxura du lehen gizakiaren bizilekua da agian. Erpe ilun horrek aterpea ematen du etxearekin zerikusia dauka. Zulo beltz horrek umatokia dirudi eta sarrerako harriek haginak dituen aluaren antza ematen diote.   Lodinowsky

MIKROANDOSILLOAK 47

Txistu y Tamboliñ | 2014-02-19 10:50

451- Sarri, tunelak bistan geratzen zaizkigu. 452-  Beldurraren kudeatzaileek gobernatzen dute mundua. 453- Zoaz dunak orraztera! 454- Bihotzerre autonomikoa daukat. 455- Alferrik gabiltza zahartzeladak ezkutatzen. 456- Erru-erruleak gara. 457- Bakardadeak ortozik egiten du dantzan. 458- Beste mundu bat posible da… beste mundu baten. 459- Gizakia da inoiz asmatu den jainkorik suntsitzaileena. 460- Bainujantziak saltzen hondartza nudista batean.                        &...