Txistu y Tamboliñ

Artzaina

Txistu y Tamboliñ | 2014-02-14 08:24

Ameriketan izan nintzen lau urtez artzain lau urtez mortu hotz hartan lau urtez urkiak marrazten lau urtez egunero bildotsa jaten. Eta hiru hilabetean behin puta otzanen tabernan nagusiaren koiote aurpegia ikusi behar izaten nuen. Nahiz eta kamareroarentzat hartza izan The bear is there esaten zidan.     Lodinowsky

Gure etxeko sekretutxoa

Txistu y Tamboliñ | 2014-01-28 11:08

Basoaren bestaldeko auzoko berriak gure etxera gonbidatu ditugu. Afalondoan, elurrak errepidea zuritu duela eta, bertan gelditzeko esan diegu. Euren gelara lagundu ditugu, kandelak eskuan, ekaitzaren ondorioz argia eten baitute. Atea zabaldu eta barrurantz bultzatu ditugu, goxoki. —Eta hemen duzue gure etxeko sekretutxoa: gonbidatuen hilobia.                                         &...

Debeku perfektuena

Txistu y Tamboliñ | 2014-01-05 11:15

Esku hark begiak itxi zizkidanean, Herioren xuxurlak esku izoztu baten antzera  laztandu ninduen:   —Galarazita dago itzartzea. Debeku perfektuena iruditu zitzaidan. Bernardo Kapanaga

Bortxaketa

Txistu y Tamboliñ | 2014-01-01 13:21

Ez dago udazken ostoez estalitako igerileku ontzia baino irudi  etsigarriagorik. Beteta badago ur uherraren azpiko izakien gordeleku iluna dirudi. Hutsik badago horma zurituz doa arrain ezkatak balira bezala. Orduan, lepotik heldu eta burua leihotik aterarazi zidan bortizki. Beheko solairutik igerilekura eroriko bazina orkatila edo besoa apurtuko zenuke. Erdiko solairutik saihetsak edo burezurra. Eta hemendik, Artxandako zaharren egoitzako bosgarren pisutik zureak egin du. Alta, zergatik ez zara lasaitzen? Ez dut orrorik entzun nahi uzkia urratzen dizudanean.     &n...

Zapatonesen gabardina

Txistu y Tamboliñ | 2013-12-31 18:48

Denoi txokatu zitzaigun egun hartan Zapatones gabardina luzearekin ikustea, batez ere, uztailaren 17a zelako. Ez pentsatu sasoi haretan gaur bezalako arropak zeudenik: Dekathloneko forro polarrak, plumiferoak, Villabongeko sudaderak... Ez, orduko arropak kuadrodun alkondarak, kaikua, antezko txamarra eta gabardina ziren, baina uztailaren erdian gabardina jaztea ... Edozein modutan,  Zapatones gabardina jantzita ikustea baino harrigarriagoa zen Zapatones bera ikustea, izan ere, polizia eta txapeloker guztiak atzetik zituen uda hartan.   Eguerdiko 12ak aldera geratu ginen Jon, Ped...

Halakoa da bizitza hemen

Txistu y Tamboliñ | 2013-12-27 08:57

Eguzkia puxtarri hotza da ipar-hemisferioko txoko honetan abenduaren hondarrean. Lurmutur Hirian nago, izerditan, esan dit mezu batek telefonoan. Hegazkin bat hartuko nuke udaren bihotzera joateko odol bako zain hauek bizitzaz blaitzeko esku izoztu hauek laztanekin berotzeko, zeren maitasuna lurmutur urrun bat da niretzat hiri ahaztu bat dagoeneko. Hego hemisferioaren orroak sentitu nahi ditut erraietan, bihotzaren taupadak elefanteen urrats astunak izan daitezela eta ez elurrez zamatutako arbolak. Halakoa da bizitza hemen: ipar-hemisferioko txoko honetan arin doaz hodei ilunak zeruan ar...

kaltezismo

Txistu y Tamboliñ | 2013-10-31 18:27

Batzuek diote eskoletan doktrinatu egiten dela, hots, irakasle batzuk jo eta ke aritzen direla ideia okerrak eta ankerrak zabaltzen inpunitate osoarekin, eskola-umeen ahultasun intelektuala baliaturik. Eta arrazoi dute. Begira, adibidez, zenbat neofrankista dauden komunikabideetan. Argi dago eskola frankistak ume gaixo haien burutxoak sistematikoki kolpatu zituela, eta, jakina, haietarik  ahulenek —adimenez urrienek— ideologia frankista katezismotzat hartu zutela. Eta txarrena zera da: ahuldade mental hori belaunaldi batetik bestera pasatzen dela. Genetikoa ote? Fumigazio ...

DISKURTSO AMAIGABEA

Txistu y Tamboliñ | 2013-09-01 22:17

Lotsatu egiten zara jendaurrean jartzen zarenean? Ez dakizu zer esan? Lasai! Amaitu dira estualdiak! Gure metodoaren bidez, ordu luzeetan hitz egingo duzu! Azpian multzo batzuk dituzu; lehen multzotik atal bat hartu (edozein), eta pasatu hurrengora. Egin horrela azken multzora heldu arte. Orduan, bueltatu gora, eta hasi berriro. Jakina, multzo bakoitzari zure ekarpenak gehitu ahal dizkiozu (laukitxo batzuk hutsik utzi ditugu); horrela eginez gero, are luzeagoa bihurtuko da hitzaldia, eta zure ukitutxoa emango diozu. Probatzeko prest? 0 MULTZOA ·     &nbs...

Josu Jon Urdozietaren elelakartasuna

Txistu y Tamboliñ | 2013-09-01 22:12

Josu Jon Urdozieta, gehiegikeria intelektualaren metaketa konpultsibo-kontsekutibo baten kariaz, halako eromen linguistikoaren baitan erori da, Euskal Kulturgintzaren Transmisioa graduondokoaren laugarren edizioa amaitzeaz batera, prezeski. Dadasagun egia (egia osoa): Josu Jon Urdozietak kultura-mendekotasuna nozitzen du. Kulturaren yonkia da. Hori frogatzeko, datu bat besterik ez: Euskal  Kulturgintzaren Transmisioa graduondokoaren lau edizioak irentsi ditu, izen-abizen eta itxura desberdinak erabilita —baiki, mozorroturik joaten izan da Eskoriatzara, ezagut ez dezaten—, u...

MIKROANDOSILLOAK 46

Txistu y Tamboliñ | 2013-08-30 10:32

441- Oraina iragangarria da, eta iragana, maiz, oraingarria. 442-  Galtzaileen ogia mamigabetua izan ohi da. 443- Erlijioa: ez denaren eztena. 444- Inortasun agiria daukat. 445- Kometen itzulmena izan nahi nuke. 446- Bizioak bizardunak izaten dira. 447- Sekulakoa da hiltzea! 448- Mahatsak, ardoa ematen ez badu ere, ardoa ematen du. 449- Uzki-hiztun ugari pulpituetan. 450- Hondamundira goaz!                                  ...