Kategoria: zoriontasuna
Jakin-mina eta ilargia...Orain dela gutxi, Venezuelako presidenteak, Nicolás Madurok, Herritarren Goreneko Zoriontasunaren Aldeko Ministerioa jarri zuen abian. Oposizioak eta munduko askok barregarri hartu zuten berria, ministerioren bat beharrezkoa al da horretarako? Edo, ez al da hobe beste ministerioek ondo funtzionatzea eta horrela zoriontsu izateko baldintzak berez ezarriko dira? Butaneko erregeak, 1972an, Estatuko Zoriontasun Gordina indikatzailea sortu zuen. Bere herritarren zoriontasun maila igo nahi zuen budismoaren aginduak jarraituz: gorputza eta espiritualitatea zaindu behar dira neurri berea...
Baga, biga, bloga!Sarri jartzen dizkigute aurrez aurre bizitzako gauza ttikietan lor daitekeen benetako zoriontasuna eta eta drogek agintzen dizkiguten ‘paradisu artifizialak’. Oliver Sacks haluzinazioei buruz ari da bere azken liburuan, bai drogek -legal zein ilegalek- eragindakoez eta bai buruko zenbait gaitzek sortutakoez. Liburuko ehunka kasuen artean, batek pentsarazi zidan zoriontasunaren benetakotasunaz: Entzefalitis letargiko gaitzak jotako Gertie C. andreak urteetan izan zituen haluzinazioak; ez ziren bereziki asaldagarriak, irudi atseginak ziren: belardian etzanda eguzkit...
Bazen, nerabea nintzela, entziklopedia bat etxean, “de la vida animal” edo halako zerbait. Internetik ezean, tarteka, sarri komunean, liburukietako bat hartu, ausaz letra bat aukeratu eta hango piztien bizitzaz irakurtzen nuen. Lehen liburukiko lehen animalia Ajolote izeneko anfibio bitxia zen, metamorfosia jasan barik, bizitza osoan kume ezaugarriak gordetzen dituena. Neotenia deitzen da hau. Etologian ere erabiltzen den hitza da neotenia. Txakurren kasuan, Konrad Lorenzek milaka urtez etxekotu eta hezteak ekarri duen ondorioa dela uste du. Hazkuntza selektiboa erabiliz, gi...
Arrazoi ugari esango nizkizueke Tronu Dema ikusi egin behar duzuela komentzitzeko. Baina ez dut egingo, “sarea maxiatu” ezazue -Arantxa Arzak dioen bezala ;-) - eta zuek topatuko dituzue. Hori dena orain arte kapitulo bat ere ikusi gabekoak bazarete, gauza guztiz inprobablea, bestalde. Esango ez dizkizuedan arrazoien artean pertsonaia gogoangarri bat dago: Tyrion Lannister, ipotxa, jendeak baztertua, aitak gorrotatua izanagatik -edo izateagatik, akaso- sano bizizalea, azkarra eta sarri egia borobilak esaten dituena. Bada eszena bat gogoan iltzatuta geratu zitzaidana eta...
Babuinoek hiru ordu baino ez omen dute ematen jatekoa lortzeko ahaleginean, lanean alegia. Horixe beren alde. Besterik da egunaren gainerako orduetan zertan ari izaten diren. Robert Sapolsky-k urteetan behatu dituenez, ondo daki zertan: elkar izorratzen. Aitortu du inoiz Sapolskyk babuinoak gorrotatzera ere heldu dela jarrera hori dela eta. Kontua da hierarkia zorrotzaz antolatzen dituztela euren taldeak tximino ipurdi gorriok, eta hierarkiaren kate guztian zehar goikoak etenik eta gupidarik batere gabe jazartzen dituela bera baino beh...
Bai, lagunok, Jozulin oporretara doa. Aurten ez dizuet ipuinik lagako, ezta esaerarik ere; oraingoan asmakizun ttikia -klasiko bat- proposatzen dizuet iraila bitartean hemen pausatzen zaretenoi: Jozulinen anatomiaren zati bi hauek zer dira? Ipurdia ala ukondoa? Get your own Poll! Bueno, familia, ahal bezain ondo pasau, Jozulin badoa gehien maite duena egitera!
Txakurra izan duen edonork daki zenbat salto, jirabira eta dantza egiteko kapaz den txakur bat janariaren platerarekin azaltzen ikusten gaituenean. Gero, sarritan, behin jana lurrean eta bere esku -aho- utzita, zenbatetan ez ote du txakurrak usain-usain egin, miazkatu agian, eta geroko utzi. Harritu egiten gara gu: ez zen, bada, hain gose? Eduard Punset eta Robert Sapolsky-k ere gogoratzen dute hau elkarrizketa honen amaiera aldera: Pasto...
Gurean beti izango duzue lekutxo bat -zuek hor, gu hemen-. Hala ere, zuetako batzuek erabaki duzue joatea. Gaua intxaurrondo zaharrean eman eta biharamun eguerdian etxea utzi eta hortik zehar joan erlauntza berria eraikitzera. Zer esango dizuet, ba: leun bekizuela bizitza berria eta izan zaiteztela zoriontsuak. Erleok zoriontsu izaterik baduzue, behintzat.
Honek badaki non, goizero etortzen baita leiho ondoko intxaurrondora.Eta badaki, sagarrak bezala, intxaurrak ere egiten ditudala nik erdibana basoko jendearekin.Horregatik egunean bat edo bi hartzen ditu. Ez denak, beste batzuek bezala.Eta izenburuko esaldia, nola, ez, Bernardo Atxagaren kantu luze bezain profetikoan:
Blog honen irakurleen artean jende printzipal askoa eta jakintsua baitago, itaun bat daukat zuetakoren batek erantzun baleza: Argituko al dit norbaitek ze arrazoi, ze indar saihestezin dela medio behartzen du naturak -gehienetan axolagabe samar agertzen den berberorrek- sagarrondo bat bere sagar gorri, handi eta lodiena adar altu, oker eta ezkutuenean eskaintzera?Sagar gehiago: Zoriontasun apurrakSanjuansagarrak guztionak diraGerezi denbora, sagarren denbora (I)Gerezi denbora, sagarren denbora (II)
Gerezi denbora -Le temps des cerises- etorriko denaren itxaropenari egindako kanta ederra da; dio gerezien aroa laburra dela, baina beti izango dugula gerezi denbora bat. Sagarren denbora filmean sagarrondo sail bat bion artean zaintzea da Alfontso Etxegarai eta Kristiane Etxaluzen etorkizunerako asmoa, bizirik mantentzen dituen esperantza. Sagarrondoz betetako zelaiek badute zerbait zerikusia duena bizitzaren zirkuluarekin, bizi pozarekin, gauzak ondo joatearekin. Nik neuk zoriontasunarekin lotu dut beti sagarrondo ...
2010ean izan zaiteztela, blog honetako irakurleok, ondorengo bideoan ikusten duzuen lagun ttikia bezain zoriontsuak. Urte berri on!Eta opari, Jozulin kantatzen: Zoriontasun adibide gehiago: 1, 2, 3...
Pentsamenduen pisuaz (Gabonetako Sermoia) John Bargh eta New Yorkeko Unibertsitateko beste irakasle batzuek ikerketa [PDF] burutu zuten Journal of Personality and Social Psycology aldizkarirako. Parte hartu zuten pertsonei hitz desordenatu batzuk erabiliz esaldi koherenteak egiteko eskatu zitzaien. Parte hartzaileen erdiei zahartzaroarekin erlazionatutako hitzak eman zizkieten esaldietan, adibidez: "azala, zegoen, gizonaren, zimurtuta". Beste erdiei esaldi berberak eman zizkieten baina zahartzaroarekin zerikusia zuen hitza aldatuta, esaterako: "azala, zegoen, gizonaren, leun". Parte h...
matxGizon honek inspiratu egiten nau. Domeka baten etxera gonbidatuko nuke bazkaltzera. Atzo egin genduzen sahietsak gustauko jakozen, ziur... Zure bizitzaren zati baten jabe izatea eta kontrola eukitzea da poztasunaren dimentsioetako bat. Ezinezkoa da beti pozik egotea. Zoriontasuna zoriontasunaren itxaron gelan dago. Aldaketa klimatikoa baino, garrantzitsuagoa da gure barruan zer pasatzen dan jakitea: aldaketa emozionaletaz jabetzea eta ulertzea garrantzitsuagoa da. Norberaren emozioak jestionatzen ikastea garrantzitsuagoa da. Erabaki bat hartzeko ez da informazio guztia behar, intuitibok...
Bateriajole on batek egin behar du denborarekin jolastu; egin behar du denbora zatikatu eta zati bakoitza frakzionatu; egin behar du lauren lekuan hiru sartu, bost sartu, sei sartu. Bateriajole on batek eskutik eraman behar zaitu eta gutxien espero duzunean askatu egingo dizu eskua eta oinen azpian ezer ez duzula konturatzen zarenean, hori zorabioa!Bateriajole on batek tentsioa sortu behar du eta tentsio hori gorantz eta gorantz eraman eta gehiago jasan ezin denean askatu beharrean oraindik gorago eraman behar du, geroago eztanda batez askatzeko; edo ez.Bateriajole on batek gurekin ere jol...
Bizitza bat -edo bi, pentsatzen jarrita- beharko nituzke pianojolea izateko. Bateriajolea izateko beste bat.Saxoa, gitarra elektrikoa eta kontrabaxuarentzat ere bizitza bana.Opera konpositorea ere izan nahi nukebaita biologoa ere;eta zoologoa,etologoa,botanikoa,fisikaria,astronomoaeta astronauta (badakizue, Martera joango diren horietakoa...).Filologoa ere bai.Eta emakumea.Aberats mezenas errenazentista izan nahi nukebizitza oso bateaneta aberatsa, besterik gabe, beste batean;ahaztu barik nabegantea, belauntzian bakarrik hortik zehar dabilena.Izan nahi nuke idazlea,blogari profesionala...
Txabola bat basoan. Arratsalde luzea. Bi ume pozik.
Poztu gaitezen, hau da egun alaia! Bero da, azkenik, aleluia! Hego haizea, sargoria eta “gaueko” bederatzietan ere oraindik egun argiz. Oihalak atzeraka larruazalaren eguzki eta aire goseak bultzatuta. Ageriko azalaren azalera biderkatuta ikusten dugu eguzkiaren beilegiaren bila. Azala ikusten dugu begiratzen dugulako, jakina. Hau po-poza, hau po-poz handia! Egun alaiak datoz; uda argi, bero eta izerditsua. Ahaztu berogailua; utikan berokiak, mahuka luzeak, pikatzen duten artilezko jertse lodiak. Aska ditzagun besoak, bernak, tirrinak... Gora bihotzak! Gora izerdi koipetsua! Gora ...
Esan zuen poetak: E' un mondo difficile e vita intensa felicita' a momenti e futuro incerto il fuoco e l'acqua con certa calma serata di vento e nostra piccola vita e nostro grande cuore Nostra piccola vita hau felicita' a momenti - ren bila ibiltzea da; topatuz gero, beraz: aprobetxatu!
Nire txakurra ez zen nahastenNire txakurrak maite bazintuen maite zintuenEtagorrotatzen bazintuen gorrotatu egiten zintuen. Nire txakurra ez zen nahastenEzin zintuen gorrotatu eta maite aldi berean. Nire txakurra ez zen nahastenNire txakurak beti nahi zuen nirekinEtanik berarekin nahi ez banuen tristetu egiten zen. Nire txakurra ez zen nahastenSalbu eta beste norbaitek janaria eskeintzen bazion. Nire txakurra ez zen nahastenNire txakurra etxekoa zen, gu etxekoak ginen.Eta kito.Besteak kanpokoak ziren. Nire txakurra ez zen nahastenEz zeuka...
Orain etxe berrian bizi naizenez, esan ahal dizuet zenbait kontu lehengo auzokideez: 4.B-koak gozatu egiten du 3.B-koaren alaba gaztea pianoa ikasten ari denean, nahiz eta Schubert-en Inpromptus horren interpretazioa hobetu dezakeen oraindik... Gozatu egiten du baina 4.B-koak ez dio sekulan ezer esan horretaz 3 B-koari. 2.C-ko gizonak 2.A-ko alarguna ikusten du patiotik. Gortinen atzetik begiratzen dio gela aireztatzeko leihoak zabaltzen dituenean. 2.C-koak gozatu egiten du emakumearen gorputz oparoaz ohea egiteko izarak airean zabaltzen dituenean. Ez dio inoiz ere aitortuko zenbat de...
KresalaNori eta zergatik. Oparirik garestiena da, aberatsik aberatsenak ere ezin du erosi, inon ez dago salgai denok nahi dugu geuretzat, eta denok nahi dugu maite dugunarentzat. Nire maiteari emango nioke nire amari oparituko nioke, nire aitari erregalatuko nioke, nire ahizpari egingo nioke, nire aiton-amonei eskainiko nieke. Nire familiari, nire ingurukoei, maite ditudanei, eta maite ez ditudanei, denei oparituko nieke. merezi dutelako, maite ditudalako, eskubide dutelako, arrazoirik gabe, zoriontasuna mundu guztiari oparituko nioke.
Intxaurrak biltzen? Joan zaitez ortozik. Hemen da bat. Atx!
Zapelaitzak eraman du Marcelina. Eraman du, ziur nago, lumagorrien paradisura, non edonon dauden arto eta gari alez gainezka betetako azpilak, zizare potoloak, har lodiak eta kakalardoak; non aztarrika ibili ahal izango den eguzkiak epeldutako larre berde amaigabeetan; non izango dituen ondoan beste oilo batzuk haiekin ko-ko-ko-mentatzeko azken ko-ko-kon-tuak; non izango duen gangar ederreko oilar galai bat dotore-dotore kortejatuko duena, edo hobeto, oilar lerden bi izango ditu inguruan, berari begira biak, nork hobeto zaindu bera, zeinek arreta gehiago eskaini berari... Pentsatzen jar...
Lagun hori: Ezagutzen nauzu, nirekin gurutzatzen zara goizero lanerako bidean edo lankide zaitut edo parrandakide. Baliteke elkarren ondoan edo ondotik ibiltzea, edo egotea. Izan zaitezke... izan zaitezke... Berdin da nor zaren, kontua da letra hauek irakurtzen ari zarela, irakurtzen dituzula tarteka, eta ez didazula inoiz esan zer iruditzen zaizkizun, begitantziño merke hauek iritzi edo zirrararik sortu dizuten. Euskaldunok hain gara... hain gara... hain gara sartzen geure oskola barruan... Baina esan nahi dizut ez duela ardura, benetan; ez didazu ezer esan behar. Ez dakizu, lagun, ze...
