Plazerraz bi hitz

Bateriajole on batek egin behar du denborarekin jolastu; egin behar du denbora zatikatu eta zati bakoitza frakzionatu; egin behar du lauren lekuan hiru sartu, bost sartu, sei sartu.
Bateriajole on batek eskutik eraman behar zaitu eta gutxien espero duzunean askatu egingo dizu eskua eta oinen azpian ezer ez duzula konturatzen zarenean, hori zorabioa!
Bateriajole on batek tentsioa sortu behar du eta tentsio hori gorantz eta gorantz eraman eta gehiago jasan ezin denean askatu beharrean oraindik gorago eraman behar du, geroago eztanda batez askatzeko; edo ez.
Bateriajole on batek gurekin ere jolastu behar du eta eraman behar gaitu hona eta hara, laga, berriro oratu eta astindu.
Bateriajole on batek harritu egin behar gaitu. Ostegun gauean Mark Guillianak harritu gintuen bezala. Ostiralean arratsaldez Hasier Oleagak harritu gintuen bezala. Mark Mondesirrek asteazkenean bere teknika txundigarriarekin ere lortu ez zuena.
Avishai Cohen Trio eta Jeronimo Martin Trio taldeek kontzertu gogoangarriak eskaini zizkiguten aurreko ostegunean, Getxoko jazzaldian.

Eta maitemindu egin nintzen. Abesti batekin maitemindu nintzen. Jarri kaskoak, igo bolumena eta entzun: