Txistu y Tamboliñ

Slavoj Žižek Bilbon

Txistu y Tamboliñ | 2011-04-07 12:29

Slavoj Žižek Bilbon izango da gaur arratsaldean, 18:30ean, Gutun Zuria Letren Nazioarteko jaialdiak gonbidatuta. “Egoera ikaragarri txarra da, baina ez serioa” izeneko solasaldian arituko da.  Guk, Esloveniako filosofo eta teoriko kritiko horren bibliografia luze eta interesgarritik, lagin bat dakarkizuegu, The Plague of Fantasies (1997) liburutik euskaratua (gaztelaniaz: El acoso de las fantasías, 1999)  Nor onartuko dute  mundu kapitalista garatuaren “barruan” eta nor utziko dute kanpoan?  Yugoslavia ohiaren adibidea adierazgarria da: desintegrazioaren antzezp...

Erramun Gerrikagoitiari preguntez

Txistu y Tamboliñ | 2011-03-25 12:36

Leitu berri dugu inakademiko Erramun Gerrikagoitiaren diatriba Berria paperean inprimatua 2011ko martxoaren 22an titulatzen Xabier Kintanari erantzunez. Guk, Gerrikagoitiaren elukubratione intellektual perseveranteek abrumaturik, geure ignorantzia supinoan inquiritzen diogu gure imbezillitate zerebrala illumina dezala bere jakituria imperforableaz. Prezisionez, hauxe jakin nahi dugu:   Grekeraren eta latinaren vokabloen utillitatione massivoa da zure testuen ossifikationearen karakteristika prevalente eta obsessivoa. Gu konstanteki klimaxeraino arrivatzen gara zure turbulentzia retorik...

Nola ordenatu liburuak?

Txistu y Tamboliñ | 2011-03-10 12:03

Nola ordenatu armairuko liburuak? Egileen arabera? Gaika? Handitik txikira? Koloreka? Ez! Hemen beste modu bat aurkeztuko dizuegu: liburuetako tituluak elkarren artean uztartzea eta bide batez literatura sortzea. Bai, ondo irakurri duzue: zuek ere idazle bihurtzea, tituluak bata bestearekin lotuta.   Nola egin hori? Oso erraz: tituluen artean nolabaiteko bikote esanguratsuak eginez. Helburua? Halako aforismo bitxiak sortzea. Ariketa hori nahi beste luza daiteke, baina guk 101 liburura murriztu dugu gure ahalegina. Hauxe da erronka: lehen liburua bigarrenarekin lotzea, bigarrena h...

MIKROANDOSILLOAK 23

Txistu y Tamboliñ | 2011-03-04 13:52

221- Estolderia da zibilizazioen obrarik iraunkorrena. 222- Zertara zoaz basamortura katiuskekin? 223- Eten puntuek beti lotzen dute. 224- Zer uste du ilargiak gaueko eguzkiaz? 225- Lehen segundoa? 226- Sarien gosea, maiz, gosea sari. 227- Arrainentzat ez dago emergentziarik. 228- Galduenak, nora joan ez dakitenak. 229- Noe mozkortu egiten zen ontzian dinosauroak sartzea ahaztu zitzaiolako. 230- -Nor zara? / -Nerea. Eta zu? / -Zurea.   Vittu Cherigan  

Antonio Velardiez

Txistu y Tamboliñ | 2011-02-17 10:16

Antonio Velardiez nintzen. Horrela esan beharko dut: nintzen. Nola azaldu bestela egoera hau. Egoera maskal hau.    Noizbait entzuna nuen aireportu handietako gaitzaren kontu hori. Asmazio hutsa zela iruditu zitzaidan, hiri kondaira horietako bat. Labur esanda: aireportuetako korridore luzeetan deslai ibiliz gero, ailegatzen da momentu bat zeinetan ez baitakizu bueltatzen: ezinezkoa da eserita egon zaren tokira bueltatzea.   Adibidez, guri bezala hegaldirako lau ordu luze falta direla-eta altxatu eta lagunei banoa osteratxo bat egiten esanda alde egiten duzunean, dago...

Zoofilia

Txistu y Tamboliñ | 2011-02-03 20:09

Galdetu dio abadeak gazteari: -Eta hik urte osoan praktikatzen al duk? Gazteak erantzun palindromikoa eman dio: Et, udan ez, igel-akerrek ale gizena dute!

MIKROANDOSILLOAK 22

Txistu y Tamboliñ | 2011-02-03 10:27

211- Utopien mapamundian kontinenteak oraindik itsaspean daude. 212- Oihartzuna atxilotu dute kopiak lizentziarik gabe egiteagatik. 213- Gurutzean hildakoak: gurutzhiltzatuak. 214- Taxi ohiak extaxiak dira? 215- Ezezagunak baino ez ditut ezagutzen. 216- Momien gimnastika-irakaslearen sindromea. 217- Kukuek erlojuetan jartzen dituzte arrautzak. 218- Herraren errapeek elikatzen gaituzte. 219- Heriotzaren labirintoaren irteera, mesedez? 220- Errugabea, ala errujabea?   Vittu Cherigan

Ezinaren ahala

Txistu y Tamboliñ | 2011-01-31 08:22

Beste begirada bat, eta eztarrian atera nahian dudan maitasun guztia eztanda eragingo didazu. Bakarrik begirada bat eta bizitza minez beteko didazu, eztarrian eta begietan metatzen zaidan zuremin sorgorrez blaituko nauzu. Nahikoa da begirada bat eta zainak maitasunez beteko dizkidazu.   Hemen, lau gurpilen gainean goazela Suzko Lurralderantz, nire gogoak nire gorputzak nire begiradak zure gogoan zure gorputzean zure begiradan bat egin nahi dute betikotu nahi dute maitasunez eta bizitzaz. irakin nahi dute.   Eta zugana hurbiltzen naiz, zure ile beltza...

Claudio Suarez

Txistu y Tamboliñ | 2011-01-23 23:56

Claudio Suarez gautxoaren istorioa kontatu dit Manuelek, matea elkarrekin hartzen ari garela. Mendian egin dugu topo, goizean. Berak bikote frantses batekin egin du bidea, zaldiz. Gu oinez joan gara. Joan-etorria, hogeita hamazazpi kilometro. Hemen horrelakoa da dena: handia, neurrigabea. Orain, afarirako bildotsa sutan erretzen ari dela, gustura gaude mahaian. Zera galdetu diot: ea Laguna Mancillara orduko etxaldeak zer izen duen. “El Puesto de la Oriental”, erantzun dit. Goizean handik pasatu garenean, haizeak animalia haserretua zirudien. “Ez duzu abestia entzun?”, galdetu dit. “Zer abes...

Zureminez

Txistu y Tamboliñ | 2011-01-18 13:41

Orduz ordu minutuz minutu segundoz segundo desio dut berriro zure hatzak deskuiduan bezala nireekin ukituka ibiltzea, paseoan gindoazenean bezala, deskuiduan bezala baina nahita, zure hatz-mamiak nireekin olgetan, eta zure besoaren beroa sentitzea nire besoko ileen elektrizitatea pizten, elkarren ondoan jarrita geundenean, eta zure begirada sakona nire begietan maitasuna ereiten sentitzea, zure ezpainak nire ezpainetatik hain gertu sentitzea, hain gertu, musu ezinezkoak landatzen, eta zure sorbalda gardenak hortxe metro erdira, lotan zeundela, oraindik konkistatu g...