Txistu y Tamboliñ

PATATA FRIJITU BATEN MEMORIAK

Txistu y Tamboliñ | 2009-11-17 15:02

Patata izatea tragedia izan daiteke, mutilzahar baten etxean bizi bazara.  Bai, zin dagizuet: gauzak beti joan ahal dira okerrera, belea ere beltzago egin daiteke. Zalditik astora eta astotik lurrera ibili naiz ni, horra hor nire bizitzaren laburpena.   Nire memorian urrun gelditu da denda erraldoi hartara eraman gintuzten eguna. Zakutan. Metatuta. Sekula ez dut ikusi hainbeste patata batera.   Gure aldean, oiloak ere ezin dira kexatu, kartzela txiki horietan pilatuta bizitzera behartzen dituztela eta. Neu ere biziko nintzateke horrela, inongo ardurarik gabe: ...

Skafandra Vulvova

Txistu y Tamboliñ | 2009-11-09 15:27

Skafandra Vulvova meatzari alkoholiko baten alaba zen. Aita egunez meatzean sartzen zen, eta gauez alabaren barrenetan. Hamazortzi urte bete berriak zituela, aski zela erabaki zuen baina: aita mozkortua gainera etorri zitzaion gau horietako batean,  aitonaren sable zaharra hormatik hartu eta hankarteko beste sable zatar hura moztu zion. Ondoren, trofeoa beheko suan jarri, txitxi-burruntzia egin eta aitaren txakurrari eman zion. Norka poz-pozik jarri zen, eta mokadu baten jan zuen nagusiaren dindirri erre hura.   Biharamunean Skafandra Vulvovak alde egitea eraba...

Margoak

Txistu y Tamboliñ | 2009-11-04 21:23

(Laburmetraia laburra)    BELTZA     1. Sekuentzia. Irudia beltz.       Ahotsa offean: “Meategian egiten dut lan, gabeko txandan. Orain, hemen nago, ohean etzanda. Uste dut, goizaldeko zortziak direla, umeen ahotsak entzuten baititut eskolara joan aurretik”.       Ume 1: “Utzidazu bost minutu gehiago, logura naiz”.      Ume 2: “Buaaa...”. Negar zotinka.      Ama: “Isilik! Aita lo dago, ez egin zaratarik”       Baliteke guzti hau ametsa iz...

Nakari Andreu

Txistu y Tamboliñ | 2009-10-26 17:24

Nakari Andreu, euskataluniar jatorriko japoniarra, harriturik geratu zen goiz katastrofiko hartan, Peruko futbol selekziora joateko deitzen zuen gutun ofiziala jaso baitzuen. Egutegi aldaketaren beste ondorio bat ote zen galdetu zion bere buruari, izan ere bisurte hartan autoritateei zera bururatu zitzaien: egun gehigarria otsailari barik martxoari ematea. Horrek makina bat beharrezten eragin zituen, baina handiena hauxe izan zen: munduko ordu-marrak endredatu egin ziren, euren artean nahastu, halako moduan ze egun hartako hegaldi guztiak galdu egin ziren. New Yorkera zihoan hegazkin bat Di...

Kate Reilly

Txistu y Tamboliñ | 2009-10-19 10:56

Kate Reilly bakarrik joan ohi zen errekara. Biluzik bainatzea gustatzen zitzaion, ur-jauziaren azpian jartzea. Bere hamasei urteen lurrina inguru guztian hedatzen zen, soinekoa eranzten zuenean. Lurrin hark bazuen maitasunaren musika. Bai, maitasunak geldialdia egin zuen Kateren bihotzean. Lokomotora baten indarraz heldu zitzaion, uda hartan. Ezpainen gorritasunean nabari zitzaion, eta bularraldea puzteko maiztasunean. Goiz hartan ere errekara joan zen. Sagarra janez joan zen, eta haginkada bakoitzean eguraldia bikainagoa zen: Eguzkiak gaztetuta zirudien zeruan. Izerditan heldu zen. Soineko...

MIKROANDOSILLOAK 9

Txistu y Tamboliñ | 2009-10-09 14:00

81- Heriotzara jaiotzen gara hilabian sartzen gaituztenean. 82- Bere teilatuari irrika, horrek! 83- Ametsak betetzen ditudan egunean, a zer hustasuna! 84- Herriminaren piratak. 85- Postmodernitatea, zelakanto margul hori. 86- Ilargiaren grabitatean bizi gara. 87- Hagin zorrotzari, ogi gogorra. 88- Elemakarrak! 89- Etorkinen etorkizuna non stop. 90- Gure belaunaldiaren menisko fosilak, krak!   Vittu Cherigan   

Hello Kitty

Txistu y Tamboliñ | 2009-10-05 22:54

Hello Kitty bahitzea pentsatu zuten Mukimoltsoek, arratsalde oso bat pentsatzen ibili eta gero. Bost mutiko ziren isilpeko elkarte hori osatzen zutenak: Patxi Bare, Txanton Pirri, Martin Lupu, Bartolo Txorongo (Peru Zopa ere deitzen zena) eta Hassan Hezin. Lurpeko kobazulo bat zen euren gordelekua, eta eurek bakarrik zekiten bertara nola ailegatu. Oso handia zen, eta bertan argitasun gorri antzekoa zegoen, putzu sakon batetik zetorrena. Putzu hori salda gori batez beteta zegoen, beti bor-bor zebilena; Mumimoltsoek uste zuten handik infernura hel zitekeela, zuzen-zuzenean....

Hassan Hezin

Txistu y Tamboliñ | 2009-09-29 22:57

Hassan Hezin iratxoa zelakoan bizi zen. Olio lanpara batean jaio zela esaten zien ezagunei, baina batez ere ezezagunei, haiek lasterka ihes egiten baitzioten, galernaren ihesean doazen hondartzaleak bezalaxe. Bi arrazoi nagusi daude arrapalada hori zuritzeko: Hassan Hezin munduko gogaikarrien olinpiadetan lehena eta azkena helduko litzateke, lehiakiderik lehiakorrenak ere ez bailuke haren ondoan ezta orrialde erdiko elkarrizketa jasango. Eta hona are okerragoa dena: Hassan Hezin zoritxarraren pertsonifikazioa zen, patu txarraren txapelduna, malerus hormonala. Bere iratxotasuna egiazkoa bali...

MIKROANDOSILLOAK 8

Txistu y Tamboliñ | 2009-09-25 15:22

71- Heriotzak prepuzio bat zuen.72- Munduko gerrak jostailuetan hasten dira.73- Propaganda, ahuldadearen isla.74- Aitzakiek sustengatzen gaituzte.75- Gure bizitzak tontakeriez elikatzen ditugu, iraultzaz dihardugun bitartean.76- Amets merkeak egingo nituzke, orrazirik behar ez duten horietakoak.77- Egia izango banintz...78- Eguna gauerdian hasten da.79- Lotsak badu abantaila bat, baina lotsa ematen dit zein den esatea.80- Zigorraren justifikazioa da gure sari bakarra.  Vittu Cherigan

Bartolo Txorongo

Txistu y Tamboliñ | 2009-09-22 19:45

Bartolo Txorongo hamar egunez egon zen hilda, amak aginduta, eta handik aurrera beste izen bat hartzea pentsatu zuen: Peru Zopa.Beraren tripontzikeriak eragin zuen guztia. Bai, Bartolo Txorongo jateko bizi zen: horixe zen kontua, berba gutxitan esanda. Galdetu bestela matematikako irakasleari, ea zer dioen (Kornelio deitzen zen, baina ikasle guztiek Kornetio deitzen zioten, ahotsa horrelakoa zuen eta; bazirudien ahateak erakartzeko turuta bat zeukala eztarrian sartuta, biri-biri, biri-biri...). Bartolo Txorongo adi egon zedin, ariketak honela diktatu behar zituen: “Mutiko batek platerean se...