Txistu y Tamboliñ

MIKROANDOSILLOAK 16

Txistu y Tamboliñ | 2010-10-08 13:35

151- Estratagema zaharrak, estartagemak.152- Batzuk, terrorismoaren biktimak; beste batzuk, biktimismoaren terroristak.153- Kamutsenak izan ohi dira zorrotzenak.154- Haserre eta gorroto handiek dardarkari hirukoitza beharko lukete.155- Damutzeak mudatzea balekar!156-  Tristezia bihotzean kateaturiko hipopotamoa da.157- Loak hartzea, sugeen aharrausian amiltzea.158- Olagarro baten besarkadak ere ez lituzke nire penak kontsolatuko.159- Marinel haiek Ron itsasoan itotzen ziren, gauero.160- Gizakiak bi obra mota egiten ditu: batzuk horma artean gordetzen dira, Arte Ederretako museo izeneko...

Arrain txikiaren betaurrekoak

Txistu y Tamboliñ | 2010-10-04 08:37

Arrain txiki bat beti zegoen beldurrez, hain txikia izanda arrain handi batek jan egingo zuela eta.  Egun baten, mutiko bat ikusi zuen itsasbazterrean, itsasoari begira. Eta, hara!, mutikoari betaurrekoak uretara jausi zitzaizkion! Arraintxoak betaurrekoak harrapatu eta jarri egin zituen.  —Eneeee! Dena hamar bider handiago ikusten da eta!  Orduan otu zitzaion arrainari zer egin: bere benetako itxura ikusteko beste arrainek betaurreko haiek jarri behar zituztelako zurrumurrua zabalduko zuen. Pentsatu zuen: Betaurreko hauek jartzen badituzte, pentsatuko dute hamar bi...

MIKROANDOSILLOAK 15

Txistu y Tamboliñ | 2010-09-27 08:13

(TXORIMALOAK)141- Txorimaloek ez dute artritisik.142- Inork ikusi ote du inoiz txorimalo emerik?143- Koldarrak bakarrik aritzen dira txorimaloen begietan mokoka.144- Alfer-lana da txorimaloei berbetan erakustea.145- Txorimaloen neguko ahaideak elur-panpinak dira.146- Txorimaloa da eguzkiz eguzki soroan egon arren izerdi tantarik isurtzen ez duen nekazari bakarra.147- Txorimaloen ADNa lastozkoa da.148- Txorimaloak dira bigarren eskuko arropen manikiak.149- Txorimaloak eskopeta  bako ehiztariak dira.150- Probokazioa: txorimaloaren kapelan habia jartzea.Vittu Cherigan

Intxixu gorrien ametsak

Txistu y Tamboliñ | 2010-09-23 17:20

Behin, betiko moduan autoak kalean gora eta behera nola pasatzen ziren begiratzen ari zela, intxixu gorriak beste espaloiko anaiari galdetu zion ea egia zen intxixu berderik  ba ote zen. Bestaldeko intxixu gorriak ezetz erantzun zion, ametsetan baino ez zirela existitzen. Amets errepikatu haietan, intxixu gorriak lokartu eta batera, haiek bezalako intxixu berdeak agertzen ziren, justu maila bat beherago, eta espaloietan pilatutako jende-aldrak kalea zeharkatzen zuen, automobilen ezelako beldur barik, gelditu egiten baitziren, jendetzari pasatzen uzteko.   Horretan geratu zen i...

Faustin Arrieta

Txistu y Tamboliñ | 2010-09-15 09:32

Faustin Arrieta pozik zegoen bere Peugeot 205 zaharra Boluetan utzi zuenean. Pozik edo... Hirurehun mila kilometroko adiskidantzaren ostean, hartua zuen erabakia: automobil berria erostea. Modernotasunarekin ezkontzen zen modeloa aukeratua zuen, jasangarritasunaroaren izpirituarekin bat zetorrena, hain zuzen ere: Toyota Priusa. Zuztarretik aldatu nahi zuen ordura arteko bizimodua, eta hortik hasiko zen: auto berria, bizitza berria. Hain erraza izango balitz berriro bizitzen hastea!   Peugeotaren motorra betiko mutuarazi orduko, Faustin Arrietari halako zirrara garratza sorrarazi ...

MIKROANDOSILLOAK 14

Txistu y Tamboliñ | 2010-06-22 09:11

131- Gure mundua, bazterketa-lasterketa. 132- Koipelustrea baino txarragoa, ozpinlustrea. 133- Gautxoriak, ilargiloreak. 134- Hausnarlaiak falta ditugu. 135- Jasangarritasun jasanezina! 136-  Arima ikustea gaitza da, baina ikuztea, gaitzagoa. 137- Alferrik da motxila betetzea leporatu ezin baduzu. 138- Ispilua asmatu arte, zahartzea ikusezina zen. 139- Noiz ospatuko da munduko egunik gabeko munduko eguna? (edo hobeto: mundurik gabekoa) 140- Bizitza, denbora-pasa; heriotza, denbora-pausa.  Vittu Cherigan

MIKROANDOSILLOAK 13

Txistu y Tamboliñ | 2010-06-01 13:04

121- Zer naiz ni? Zu? Naizisista hutsa! 122- Gerundioetan bizi gara, baina ororen etorkizuna iragana da. 123- Aho bete hotz utzi nauzu! 124- Harresi sustraidunen atzean ezkutatzen gara. 125- Nor da gose-eramaileen boz-eramaile? 126- Landaturismotik porlandaturismora. 127- Askok, merkealdian, behera penak. 128- Gure historia zatiketen biderketa da. 129- Ezjakintasunik txarrena, ezjakinahiena. 130- Gizona zer den? Zakil hutsa!  Vittu Cherigan

Nire aitaren etxea

Txistu y Tamboliñ | 2010-05-18 09:57

Nire aitaren etxeadefendituko dut.Otsoen kontra,sikatearen kontra,lukurreiaren kontra,justiziaren kontra,defenditueginen dutnire aitaren etxea.Gabriel ArestiZelan jasan du denboraren astindua Arestiren poema honek XXI. mendean barna? Hona hemen Miguel Braviaren ikuspegia.

MIKROANDOSILLOAK 12

Txistu y Tamboliñ | 2010-05-10 12:38

111- Sumendiak eztul egiten duenean, hondamendiak aharrausi egiten du. 112- Zuzenbide ostiatuan bizi gara. 113- Hegan egiten jakingo bagenu, zizarea izatearekin amestuko genuke. 114- Zaharrago eta adinmendunago. 115- Entzugabekeriatik zentzugabekeriara, urrats bakarra. 116- Nola deitzen da fedea uzkitik sartzen saiatzen direnen doktrina? Federastia. 117- Antisorgailua da antizahargailu onena. 118- Arrastaka doaz asko arrakastara, arrastaka guztiak arrakastatik. 119- Formula konplikatuena sinpletasunarena da. 120- Aitzakia tatuaje mota bat baino ez da.  Vittu Cherigan

MIKROANDOSILLOAK 11

Txistu y Tamboliñ | 2010-04-19 15:57

101- Huts egiteak badu abantaila bat: beti daukazu berriro huts egiteko aukera.102- Galtzerdi zulodunek usain hobea dute.103- Geroa erorkizuna da.104- Oso errazistak gara.105- Lurraldetasuna, lurroldekeria.106- Zerbitzari! Harri bat topatu dut giltzurrunean!107- Gure bizimodua, katalogoetan salgai.108- Oroimenak oraimena balu...109- Hona animalietatik egiaz bereizten gaituena: gu gezurtiak gara.110- Batzuen izaera errazago aldatzen da traje batekin ehun libururekin baino. Vittu Cherigan