Txistu y Tamboliñ

MIKROANDOSILLOAK 7

Txistu y Tamboliñ | 2009-09-18 13:45

61- Zakil hark bere buruaz esne egin zuen.62- Labelzomorroak!63- Zein urte sasoitan inausten dira aditzondoak?64- Zer falta zaie urbanizazio pribatuei?65- Horrek eguzkiko eguraldia ere ez luke asmatuko!66- Aspertsoreak, ur-buztanak artotzaren gainean.67- Eskutaketan jolastuko dugu?68- Kanibala ama biak ogi gutxitan janda joan zen.69- Erregegayak printzeekin amets.70- Barraskilo analogiko hura a bildu batekin maitemindu zen.  Vittu Cherigan  

Martin Lupu

Txistu y Tamboliñ | 2009-09-14 09:21

Txikitxoa zenean, Eztakit deitzen zioten. Horixe zen bere ezizena. Dena txantxetan hasi zen, eskolara joan zen lehen egunean.Derrigortuta eraman zuen amak. Berarentzat eskola kartzela bat bezalakoa zen. Ez aitarena bezalakoa, arratsaldeetan etxera joaten uzten baitzioten, baina hurrengo egunean beti hara bueltatu behar. Aitaren kartzelako zaintzaileak funtzionarioak deitzen ziren; Eztakiten kartzelakoak, mojak.Lehen egun hartan hain haserre zegoen! Zorione izeneko ume baten ondoan jarri zuten. Bera, berriz, han zoritxarne sentitzen zen! Jolastokian ea zein zen bere izena galdetu zion beste ...

MIKROANDOSILLOAK 6

Txistu y Tamboliñ | 2009-09-11 23:41

51- Tunelak argia behar du, tunela izateko.52- Hondakinen zaharkitektura ereitea da  gure historiaren etorkizuna.53- Gaua, gernuaren egarri.54- York pernil bat San Fermingo entzierroan hil zen.55- Heriotza oso gaitz hilkutxagarria da.56- Merlinen kapela langabeen sindikatuan.57- Nire hesteen errebueltetan neska zurbil bat ikusten baduzu…58- Itsasargiak, tximista zibilizatu horiek.59- Nire tripek Grammy saria irabazi zuten.60- Gurpila bistatik kendu nahi dute, aldapan gora botaz.

Txanton Pirri

Txistu y Tamboliñ | 2009-09-07 17:36

Txanton Pirri ume bihurria zen, baina, beraren alde zer edo zer esatearren, ba ote dago bihurrikeriarik egiten ez duen umerik? Ez, ezta? Baina Txanton Pirrirena larregizkoa zen, bere gurasoentzat behintzat: egun osoa okerkeriak pentsatzen ibiltzen zen, eta are txarragoa zena, okerkeriak egiten. Bere auzoko katuek, esaterako, txakur gaiztoenari baino beldur handiagoa zioten: bateko harrapatu eta uretara botatzen zituen, besteko buztanari almandrongila edo kakao pote hutsak lotzen zizkien… Egun baten, Alfontso Lanparraren katua automobil baten atzealdera lotu eta hantxe egon zen, zain, automo...

Patxi Bare

Txistu y Tamboliñ | 2009-09-01 15:05

Behin batean, bazen mutiko bat beti azkena geratzen zena bere gelakoen arteko lasterketetan. Horregatik, gelakideek Patxi Bare deitzen zioten, barea bezain motela zen eta.—Patxi Bare, noiz egingo duk lasterketa nire ortuko barraskiloekin? –galdetzen zion beti Zigorrek, lasterketa guztiak irabazten zituen mutiko harroputzak.Zigor  gelako indartsuena zen, eta beti zirika eta burlaka ibiltzen zitzaion. Patxi Barek “Betini” deitzen zion, modu sekretuan, egoista hutsa iruditzen zitzaiolako. Bazirudien unibertsoaren erdia hura zela, eta gelako enparauek berak agindutako moduan dantza egin be...

Giuseppe Juliani

Txistu y Tamboliñ | 2009-08-02 10:42

Giuseppe Juliani ez da substantzia sudurgarrien zalea: ez du horren beharrik. Harrigarria bada ere, berezkoa du izaera ektoplasmatiko hori. Esan liteke txikitan pertz surrealista batera jausi zela, eta harrezkero bere bizitza organo psikodeliko baten aurora boreal sinfonikoa izan dela. Fikzioa eraiki  du guk errealitate deitzen dugun basamortu birtual horretan, eta beraren neurrira eraikitako oasi horretan bizi da, inoren esperoan barik, ororen desesperoan. Nolabait esanda, berbaren prestidigitadorea da, eguzkia mihiaz harrapatu duen kamaleoia, bonba atomikoa mokadu baten jan dezakeen ...

MIKROANDOSILLOAK 5

Txistu y Tamboliñ | 2009-08-02 10:41

41- Gure izerdia, harrien olioa.42- Sendagai bakarra, tanoterapia.43- Ahanzturak, irla urperatu horiek.44- Zure begien semaforo urdinetan itoa.45- Zeruaren estalaktitak bolatokian.46- Zerk zaramatza zaramara?47- Manikien fotokopiak, fotokopien manikeoak.48- Hitz gurutzatuen naufragoak.49- Urmaelen jakituria edan nuen zure ezpainetan.50- Zapaburu alargunak!Vittu Cherigan

Jimmy Sorvino

Txistu y Tamboliñ | 2009-07-16 00:49

“Jimmy Sorvino, zureak egin du”, esan diozu zeure buruari lurretik, kamiseta odolez blaiturik sentitzen duzula. Ganibeta gurinean bezala sentitu duzu adarkada bularrean, zugana bueltatu eta panpina baten antzera altxatu zaituenean. Nondik agertu da zezena baina? Dena hain arin pasatu da! Ez zinen kale horretan sartu behar, ez sartzeko esan dizu ordura arte zurekin egon den neskak, oso arriskutsua dela, larregi edan duzula. Jaramon egin bazenio! Baina ez, zeuk eraman duzu haraino, musu eta zirri artean. Berak etxera eraman nahi izan zaitu, San Juan izeneko auzo batean dagoe...

MIKROANDOSILLOAK (4)

Txistu y Tamboliñ | 2009-07-09 20:38

31- Hemen, berben berbena.32- Arimaren autopsiak, koadro abstraktu horiek...33- Nork jan du eguzkiaren zuringoa?34- Indioen seinaleak irten zaizkizu ahotik.35- Dena egina duenaren adausia, aharrausia.36- Kipularen negarra, ganibetean.37- Nortasun gabeek matrikulak behar dituzte azalean.38- Dindirrien zirimirien liluran bizi gara.39- Ostrukak urpeontzietan.40- Hutsaren hurrengoaren hutsak, audientzien garaile.   Vittu Cherigan

Darrell Anderson

Txistu y Tamboliñ | 2009-07-06 17:33

Darrell Anderson izan nahi nuke, baina ez naiz. Galdu egin dut nire benetako izena, galdu egin dut izana. Orain zenbaki hutsa naiz. Hutsa. Ez da erraza hau idaztea, hurrengo lerrora bizirik iritsiko zaren ez dakizunean. Heriotza hementxe bizi da, kale kantoi bakoitzean, ate bakoitzaren atzean, ume bakoitzaren begiradan. Alde egin nahi nuke infernu honetatik, lasterka hasi eta basamortu hau, eta munduko basamortu guztiak zeharkatu behin ere atzera begiratu gabe. Eta hala ere, orduan ere, ez nintzateke salbu egongo. Ez, dagoeneko ez dago salbaziorik. Oasiak espejismoak dira ...