Baga, biga, bloga!

DBH

Baga, biga, bloga! | 2012-11-05 22:55

Atzo izan zen tuit elkartruke interesgarria DBH telesailean darabilten euskara ereduaz; zehatzago: euskalkien erabileraz; are zehatzago: euskalkien artean gipuzkera baino -ia- ez agertzeaz. Oro har, telesail zein ez-fikziozko saioetan, batez ere -oso batez ere- umore saioetan, agerikoa baita gipuzkeraren presentzia, beste batzuen ausentzia bezain.Ez asaldatu oraindik, jarraitu irakurtzen ;-)Nago hau eskuarki arrazoi batengatik gertatzen dela: aktore gipuzkeradun gehiago dagoela aktore -demagun- goinafarreradun baino. Edo bizkaieraz natural molda litezkeenak baino, esaterako.Bizkaieraren kas...

Mikroipuina

Baga, biga, bloga! | 2012-10-22 13:54

- Dena da posible, nahi badugu -esan zuen hautagaiak. - Ez, ez dugu nahi -erantzun zioten, ozen, hautesleek.

Esperimentu ttikia aurrera doa: Lehen erantzuna

Baga, biga, bloga! | 2012-10-15 13:24

Tira, hona lehen erantzuna, ez da gutxi. Eta eskertzen da. Dena den, hemen gure artean, aitortuko dizuet laguntzaile berezi honen bultzada erabakiorra izan dela uste dudala. Esker mila Xabier Etxanizi -ez galdu Berria-n idazten dituen Maratilak- eta, nola ez, Laura Mintegiri artikulua irakurri eta erantzuteko beta hartu izanagatik.Esperimentuak, baina, jarraitzen du: erantzun gehiago izango dira? Norena(k)? Egin apustu Jaun Andereok!@jozulin Oso interesgarria. Bat nator hainbat gauzarekin. 30etik gorakoak"belaunaldi galdutzat" jo zituzten. Inor ezin da galdu euskararako.— Laura Minteg...

Esperimentu ttiki bat

Baga, biga, bloga! | 2012-10-07 11:07

Bon, honezkero nahi izan duenak irakurri du barikuko sermoia Berrian, Sustatun edo ZuZeun; edozelan ere, Karrajuan ere kargatu dut, bertan gremiokoak -bereziki, ez bakarrik- errazago edo erosoago eztabaidatuko dugulakoan.Ah! Bide batez, esperimentu ttiki bat egin dut, esperantza handirik barik egin ere, egia esan: erantzungo dit baten batek? Zer uste duzue?

Pilosopia

Baga, biga, bloga! | 2012-09-27 20:15

Kaleko pilosopia:

Tontakeria bat

Baga, biga, bloga! | 2012-09-14 20:40

Ia ba, tontakeriatxu bat motorrak berotzearren...:

Jozulin oporretara doa

Baga, biga, bloga! | 2012-07-24 21:06

    Bai, lagunok, Jozulin oporretara doa. Aurten ez dizuet ipuinik lagako, ezta esaerarik ere; oraingoan asmakizun ttikia -klasiko bat- proposatzen dizuet iraila bitartean hemen pausatzen zaretenoi: Jozulinen anatomiaren zati bi hauek zer dira? Ipurdia ala ukondoa? Get your own Poll! Bueno, familia, ahal bezain ondo pasau, Jozulin badoa gehien maite duena egitera!  

Punset-en txakurrarena

Baga, biga, bloga! | 2012-07-12 10:54

                  Txakurra izan duen edonork daki zenbat salto, jirabira eta dantza egiteko kapaz den txakur bat janariaren platerarekin azaltzen ikusten gaituenean. Gero, sarritan, behin jana lurrean eta bere esku -aho- utzita, zenbatetan ez ote du txakurrak usain-usain egin, miazkatu agian, eta geroko utzi. Harritu egiten gara gu: ez zen, bada, hain gose?           Eduard Punset eta Robert Sapolsky-k ere gogoratzen dute hau elkarrizketa honen amaiera aldera: Pasto...

Erleena

Baga, biga, bloga! | 2012-07-01 21:22

       Gurean beti izango duzue lekutxo bat -zuek hor, gu hemen-. Hala ere, zuetako batzuek erabaki duzue joatea.        Gaua intxaurrondo zaharrean eman eta biharamun eguerdian etxea utzi eta hortik zehar joan erlauntza berria eraikitzera.        Zer esango dizuet, ba: leun bekizuela bizitza berria eta izan zaiteztela zoriontsuak. Erleok zoriontsu izaterik baduzue, behintzat.

Dan-dan-dana?

Baga, biga, bloga! | 2012-06-24 22:01

Amets egin dut gaur. Lauaxetarekin ibili naiz berbetan, erail zuten 75. urteurrenean: —Aizu, Estepan, banuen gogoa zeuri itaun zuzena egiteko: "Dana emon bear jako matte dan azkatasunari"? Dan-dan-dana? —Ez. Ezeren alde bizia ematea gainbaloratua dago. Begira ni nola nagoen hain zuzen ere horregatik: hilda. Seko, zerraldo, defuntu, zenduta... ezin naizela mugitu, hitz batez. Bueno, hiru hitz dira, baina ulertzen didazu. —Ya, klaro. Eta zer dago hor? Hil baino lehen idatzi zenuen: "Gogoa boa zeru argira, gorputza lur ilunera". —Tira, erdia asmatu nuen, kar kar kar... Lur ilunarena egia d...