Pertsona eta pertsonaia

Ergelkaria | 2024-11-05 15:11

Fikziozko kontakizunetan, pertsonaia bakoitzak, duen protagonismo maila edozein dela ere, bere zeregina, misioa, betebeharra dauka, bere lekua: bere ekarpena egiten du, egon behar duelako dago, ez dago soberan, are gutxiago traban. Errealitatean, horixe nahi dugu geuk ere, geure, misioa, betebeharra eduki, geure lekua. Geure ekarpena egin, egon behar dugulako egon. Baina inoiz ez gaude hori lortu izanaz ziur, beti gaude soberan edo are traban ere egotearen beldur, pelikulan ez agertzearen edo, okerrago, kamera aurretik behar ez denean pasatuta profesionalen lana zapuzten duen espontaneoa ...

Politikari gehienen ustea

Ergelkaria | 2024-10-31 11:02

Errazegia da politikariak deskalifikatzea, denak berdinak direla esatea, haiengandik ezer onik ezin dela espero aldarrikatzea. Baina elkarri esaten eta leporatzen dizkiotenak kontuan hartuta, ezin besterik pentsatu. Alderdi politiko bateko kideek esaten badizute gainerako alderdi guztiak ustelak direla, baina gainerako alderdi horiek, aldi berean, esaten badizute alderdi salatzaile hori, gainerako beste guztiak bezala —salbuespen bakarra mintzo dena delarik betiere, jakina—, ustela dela, atera dezakezun ondorio logiko eta demokratiko bakarra da alderdi guztiak besteen aurka min...

Behiari beha

Ergelkaria | 2024-10-30 10:15

Belazean patxada ederrean bazkatzen ari zen behiari begiratu diot, bizikletan mendatean gora izerditan eta arnasestuka nindoan bitartean. Neure artean pentsatu dut behiak ez duela, nik bezala, aurretik gorputza estutu eta nekatu beharrik egoera patxadatsuaz bete-betean gozatzeko. Dohain eder hori eman bide dio naturak. Bejondeiola!