Kategoria: hizkuntza_eskubideak
BizarrainDonostiako udal berriak zenbait aldaketa egin ditu aurtengo Aste Nagusiko egitarauan, eta aurreko udal gobernuak erabakita zituenak baino euskal talde gehiago kontratatu ditu musika emanaldietarako.Zuzeu.com
Bizarrain elkarteak ikerketa egin du publizitatean euskarak duen presentziaz, eta horren albistea egin du Hitza egunkariak. Irakurri hemen Euskaran ere, beherapenakHorren haritik, Bizarrainek sinadurak bilduko ditu publizitatea euskaraz ere egitea eskatzeko saltegiei, eta horren albistea egin du Noticias de Gipuzkoa egunkariak. Irakurri hemen Elkarbanatu
hitzaZorioneko albistea izan da Donostiako udalean osatu den gobernu-talde berria erabat euskalduna izatea. Baina hasi zaizkio kritikak, euskaraz aritzeagatik. Ikusi hemen. Elkarbanatu
San Luis Gonzaga plazan eraiki duten etxetzarreko etxebizitzak saltzeko sustapena egiten ari da Larcovi enpresa. Ohartuko zaretenez, gaztelania hutsez egiteaz gain, 'La Vaguada' izen arrotza jarri diote. Gaizki, oso gaizki egina. Elkarbanatu
Iberdrolak euskara erabat testimonialki erabili du bere ohar honetan.. Behin euskararekin hasita ezin al zuten osorik itzuli?Eta Musikum-ekoek jarri dituzten oharrek badute kontraesan itzela, ikastaroak euskaraz izango direla eta kartela gaztelania hutsez jarri! Elkarbanatu
Hizkuntz Eskubideen Behatokiak antolatuta, 'Hizkuntza-eskubideen aitortzarako, bermerako eta defentsarako estrategiak' sinposioa ekainaren 8an eta 9an egingo da, Donostiako Miramar jauregian.Egitaraua Elkarbanatu
Joxe Manuel Odriozolak, hizkuntza gutxituak gaitzak hartuta, "Estatu etnozidaren kontra" saiakera idatzi du. Kontinente guztietako adibideak eta ehunka egileren aipuak bilduz, liburu jantzi eta aldi berean borrokalari honek xeheki aztertzen du estatu zanpatzaileek beren kultura eta hizkuntza nola inposatzen duten, horrek gizakiengan nahiz komunitateetan zer ondorio dituen, eta hizkuntza menperatuak biziberritzeko zer-nolako aukerak dauden. zuzeu.com Elkarbanatu
Beste behin ere!. Donostiako udalaren Casareseko KZ Guneak altzatarroi maiatzean eskaintzen dizkigun 23 ikastaroetatik soilik 8 izango dira euskaraz, gainerako 15ak gaztelaniaz. Berdintasunez tratatzea exijitzen dugu, euskara ofiziala denez, euskaldunon hizkuntza-eskubideak erabat bermatzea dagokio udalari. Elkarbanatu
Berriro ere, propaganda egin duen aldi guztietan bezala, euskalraren aztarrenik ere ez du ageri Muebles Secoren publizitateak. Zure beharretarako, kontuan izan ezazu establezimendu honetan baztertzen zaituztela, euskaldun. Elkarbanatu
Eroskiren apirileko publizitateak ezusteko desatsegina eragin digu. euskarari presentzia handia ematen badio ere, hainbat produkturen zehaztapenak gaztelania hutsez ematen dituela ikusi dugu. Hizkuntzen arteko oreka berrartzea eskatzen diogu Eroskiri hemendik.
Berriro ere egin dute. Donostiako udalaren Casareseko KZ Guneak altzatarroi apirilean eskaintzen dizkigun 17 ikastaroetatik soilik 6 izango dira euskaraz, gainerako 11k gaztelaniaz. Berdintasunez tratatzea exijitzen dugu, euskara ofiziala denez, euskaldunon hizkuntza-eskubideak erabat bermatzea dagokio udalari.
Hori da Donostiako udalaren Casareseko KZ Guneak euskaldunoi martxoan eskaintzen dizkigun ikastaroen neurria. 28 ikastaro zenbatu ditugu eta horietatik soilik 9 izango dira euskaraz. Hori da bazterkeria hori, euskaldunok merezi dugun neurria ez omen da berdintasuna, guri herena... Berdintasunez tratatzea exijitzen dugu, euskara ofiziala denez, euskaldunon hizkuntza-eskubideak erabat bermatzea dagokio udalari.Donostiako KZ Guneak
Higitu elkarteak ez du euskaraz hitzik ere idatzi! Grupo Eibar enpresak buzoiratu duen eskuorriak euskaldunekiko erabateko bazterkeria erakusten du. Aldaketa exijitzen dugu!
“Metro bat Donostiarako” erakusketa jarri dute Donostiako Udalak eta Eusko Trenbide Sareakek, Tomasenea kultur etxean. Idatzizko euskarriek euskaldunon hizkuntza-eskubideak errespetatzen dituzte, baina ez hala proiektatzen duten bideoak, gaztelania hutsez baitago. Kaltea lehenbailehen zuzentzea exijitzen dugu. Hitza
Politika berriak eskatu dizkiete erakundeei komunikabideok bizi duten egoera eta beharrak zehaztuz. Diruz lagundutako sektorea da, merkatu parametro hutsetan bizirauterik ez duelako eta funtzio publiko ezinbestekoa betetzen duelako...Irakurri gehiago hitzan
Euskal Herrian Euskaraz-ek deituta manifestazioa egingo da Donostian, otsailaren 12an. Bertan parte hartzera deituak gara euskaldun eta euskaltzale guztiak. “Sasi guztien gainetik, euskaldun eta burujabe” izan nahi eta behar dugula aldarrikatuko da. Euskaldun guztiek deialdiarekin bat egiteko aukera dute manifestuari babesa emanez.
EAEko lehendakari P. López-ek euskarari, euskalgintzari eta euskaldunoi buruz Euskararen Aholku Batzordearen bilkuraren aitzakiatan esan dituenak ezin onar daitezke. Atzera egin eta barkamena eskatu behar du. Gara - Onartezintzat jo dute Patxi Lopezek euskara eta indarkeria lotu izana Anjel Lertxundi Berrian.
Koldo Izagirrek AUTOPSIARAKO FROGAK izeneko saiakera liburua aurkeztu du igaro den abenduan. Euskararen eta euskaldunon bizipenak ditu aipagai liburu bikain honek. Horrela diote armiarma.com-ekoek ‘Koldo Izagirrek amorru biziz idatzitako Autopsiarako frogak liburuak inarrosi egingo zaitu, kitzikatu eta piztu. Zapalketa gogor bat ari gara kontatzen euskaraz egiten dugun aldiro. Herri izatearen froga eta kontzientzia ematen digu euskarak. Bizi garelako froga. Edozein aitzakia aproposa da gure hizkuntza gutxiesteko, iraintzeko, zafratzeko, marjinatzeko... Susa argitaletxea
Hirian
Hau gehiegizkoa da, euskaldunoi ez zaigu batere begirunerik! Euskara ofiziala omen da, baina Altzan ez da sumatzen. Akaso agintari berrien eragina da?
Donostiako autobus konpainiak Altzan abiatu duen linea berriaren berri GAZTELANIA HUTSEZ eman digu altzatarroi!! Santa Barbarako autobus geltokian ateratako argazkia duzue hau. Eta ez da lehenengo aldia, ikusi salaketen estekan lehenago ere kexatu izan garela horrelakoekin. Donostiako udalari eta autobus konpainiari, aski da! euskaldunoi errespetua, gure hizkuntza-eskubideak aintzat hartu, ez gara eta bigarren mailako hiritarrak!
Erdiak gutxienez euskaraz behar du. Egin duzuen moduan, euskaldunak baztertzen gaituzue. Bizarrain elkartean gustura lagunduko dizuegu euskaraz jartzen.
Arriaga Zaharreko Kutxaren bulegoan lanak egiten ari direla eta oharra jarri dute atean, bulegoa tokiz aldatu dutela adierazteko. Asko arduratu gabe, gaztelania hutsez jarri dute, euskaldunon hizkuntza eskubideak urratuz. Aldaketa lehenbailehen egitea exijitzen dugu.
Azaroa hasieran salatu genuen Nerecan zeneko orubean egiten ari diren lanetan kartel bat ezarri zutela gaztelera hutsez. Orain, 50 metrotan beste 7 kartel jarri dituzte, horietatik 6 gaztelera hutsez! Oso larria iruditzen zaigu, eta horien aldaketa exijitzen dugu. Ikus irudiak SALAKETAK atalean
Gure taldekide batek jaso ditu Asturiesen hainbat irudi erakusten dutenak han ere hizkuntza eskubideen aldeko lanean ari direla herritarrak. Ikusi irudiak ASTURIES estekan.
