2013ko uzta soziolinguistikan
Zer eman du 2013. urteak euskalgintza eta soziolinguistika gaietan? Laburpen pertsonal txiki bat egin nahi izan dut. Eta gauza positiboei kasu eginez.
Ekarpen teoriko-praktikoei dagokienez, Iñaki Martinez de Lunaren Framing berria nabarmenduko nuke. Ekarpen mamitsua egin zuen Bat aldizkarian eta beste aditu batzuek hari ere erantzun. Baina Hiztunpolisa izan da nire ustez nagusi alor honetan 2013an. Mugarria jarri behar duen liburua da, mugarria jarri behar duen ekarpen teoriko-praktikoa da.
Euskalgintzan ere ekarpen praktikoak izan dira. Alde batetik, arnasguneen inguruko lan dinamika zabala jarri da martxan. Beste alde batetik, Topaguneak kongresuen osteko ibilbide berrituari ekin dio (komunikabideen arloan batez ere izan da indartsua urtea) eta euskarak 365 egun kanpaina txukuna nabarmenduko nuke.
Dibulgazioari dagokionez, ikus-entzunezkoen urtea izan da. Tuterako ikastolaren inguruko dokumentala, Arabako Errioxari buruzkoa, … ondu dira. Baina, batez ere, bi produktu azpimarratuko nituzke: Xamarren Euskara jendea dokumental sorta eta Kike Amonarrizen Tribuaren berbak zoragarria.
Administrazioari dagokionez, Gipuzkoako Foru Aldundiak hartu ditu neurri eraginkorrak. Eta itxura ona du ere Justizia sailak bultzatu nahi duen Auzia euskaraz programa.
Beste ehunka ekimen ere aipatu ahal nituen, baina horiek dira niri deigarri egin zaizkidanak. Ekarpenik baton bat?
Iruzkinak
Iker 2014-01-02 11:25 #1
<p>Beste ekarpen edo lan bat ere azpimarratzekotan: <a href="http://www.soziolinguistika.org/hausnartu/2012">Hausnartu sarien V. edizioko</a> irabazlea: Iñigo Fernandez Ostolazaren <em>"Hizkuntza gutxituen eraginkortasuna pertsuasio prozesuetan. Euskararen kasua EAEn." </em>BAT aldizkariaren 85. zenbakian argitaratua.</p>
Aitor 2014-01-07 10:24 #2
<p>Kalera begira hain ezaguna ez izan arren, <a href="http://www.soziolinguistika.org/eralan">Eralan-3</a> proiektua ere nabarmentzekoa litzateke, bere hiru azpiadarrak barne.</p>
Rakel 2014-01-08 15:22 #3
<p>Artikulu interesgarria</p>
Epaibi 2014-01-08 15:28 #4
<p>Mila esker “Auzia Euskaraz” programa aipatzeagatik. Informazio gehiago nahi izanez gero, jo helbide hauetara</p>
<p> </p>
<p><a href="https://twitter.com/AuziaEuskaraz">https://twitter.com/AuziaEuskaraz</a></p>
<p> </p>
<p><a href="http://www.auziaeuskaraz.com/">http://www.auziaeuskaraz.com/</a></p>
Utzi iruzkina: