Atez atekoa oztopatzeko eta errauste planta bultzatzeko, San Marko Mankomunitateko lehendakaria aldatu nahi dute

usurbilerraustegiarenkontra 1456153529208 Usurbil Erraustegiaren Kontra | 2010-07-06 20:29

Ahalegin hauek ez dira berriak. PSE, PNV zein Hamaikabatekoak denbora daramakite elkarri mokoka, umeak baliran, San Marko Mankomunitateko indar korrelazioa aldatzeko.

 

Esate baterako, ekainaren 11ean, Hamaikabat alderdiko kideek prentsaurrekoa eskaini zuten, Ricardo Ortega, San Marko Mankomunitateko lehendakaria, bere kargutik kentzeko Lasarte-Oriako eta Donostiako bere zinegotzien botoak PSEri eskaintzeko. Akaso, halako jarrerekin, lehendakari berria izendatu eta Mankomunitatean dituzten zorrak barkatzea nahiko dute. PNVk berriz, Donostiako PSEri arduraz jokatzeko eta Mankomunitateko indar korrelazioa aldatzeko eskatu zion egun berean.

 

Errauste plantaren aldeko egunkarietan gaur irakurri ahal izan dugunez, Ricardo Ortega, San Marko Mankomunitateko lehendakaria, bere kargutik kentzeko lehen urratsak ematera doaz aste honetan. El Diario Vascon honela irakur zitekeen: Ricardo Ortega dejarĂ¡ de ser presidente de San Marcos; Noticias de Gipuzkoan berriz: El PSE retirarĂ¡ a EB de la presidencia de la Mancomunidad de San Marcos.

 

Gertatzera doanaren aurrean, Ricardo Ortega berak, gaur prentsaurrekoa eman du: Ante el previsible cese de Ricardo Ortega. Bertan, argi eta garbi azaldu du  bera kargutik kentzeko arrazoia: atez atekoarekin errauste planta ez dela beharrezkoa erakusten ari gara eta hori ezin dute jasan.

 

Baina berandu dabiltza, atez atekoa piskanaka-piskanaka Gipuzkoa osora hedatuko da eta errauste plana erregairik gabe utziko dugu. Gaur bertan Debagoienako Mankomunitatearen erabakia ezagutu dugu: Debagoiena osoan atez ateko bilketa jartzea.

 

Errauste planta, erraustezaleak UTIKAN.


Utzi iruzkina: