Wikileaks-ek ez du mundua aldatuko

Nire barruko Patxikontra ttikiak agindu dit hau idazteko:

Wikileaks-ek ez du mundua aldatuko. Eta arrazoia agerikoa da: dagoeneko ez du aldatu. Esan nahi baita ez digula susmatzen ez genuen ezer erakutsi. Egia da, informazio ikaragarriak -hitzaren zentzurik estuenean- frogatu dituela eta gure zenbait errezelo izugarri -izua eragiten dutenak, alegia- baieztatu dituela. Gobernuak susmatzen genuen bezain hipokritak -ez gehiago- direla jakin dakigu orain. Ta? Erori da gobernurik? Saldoka atera al gara Neguko Jauregiak, Bastillak hartzera?
Ez, Wikileaks-ek ez du mundua aldatu, ez du aldatuko. Datozen hauteskundeetan bozka emaile masa isilok aurkezten zaizkigun Berlusconiak, Sarkozyak eta Obamatxoak aukeratuko ditugu. "Kausa zuzenearen alde borrokatu beharrean, biruela eta barizen kontra" jarraituko dugu, ze demontre!

"Berreziketaren zailtasunari buruz", kantu ezin egokiagoa hau guztia ilustratzeko: