Erleak eta poliziak

jozulin 1456149998367 Baga, biga, bloga! | 2013-04-18 20:07

Erlauntzetan, txikitan aurkezten ziguten egitura ia perfektu hartan, bakoitzak -erlamando, erle-langile, erlama- du bere egitekoa, baina badira -hara non- erle-langile batzuk beren zeregin arruntak bazter utzi eta arrautzak erruten dituztenak, nahiz eta guztiz debekatuta daukaten, egiteko hori erreginari baino ez baitagokio. Izan ere, erlamak berak jariatzen dituen feromonen bitartez lortzen du erle-langileen obarioak behar bezala ibili ez daitezen, ondorioz langileak antzutuz. Argi dago, ordea, errepresio hormonal hori ez dela nahikoa eta beste bide batzuk ere badituztela erle-langileen antzutasuna bermatzeko: "Erle poliziak" dei genitzakeenak ibiltzen dira erlauntzan zehar halako portaera desegokiak sumatu ahala zigortzeko. Erlamaren leinua arriskuan jar lezaketen erle-langileek errundako arrautzak aurkitu eta jan egiten dituzte.

Uste da 30.000 erle dituen erlauntza baten hiruzpalau "erle-iraultzaile" besterik ez dela izaten; beraz, gehiegizkoa irudi lezake halako ahalegina, baina hala da: erreginarena ez den arrautza bat ere ez da zilegi erlauntzan.

Eta halakoxe kontuak dabilzkit gaur buru aldrebes honetan, hemengo hauek ezin ahaztuta...

 

____________________________________________________________________

Polizia gaiaz gehiago Baga, biga bloga!-n:

  1. το σκυλί δεν είναι φίλος των σκύλων 2011/07/02 17:10:1.829000 GMT+2

  2. Pentsatzen jarrita... (IV) 2009/06/10 22:36:9.214000 GMT+2

  3. Iraultza Galdakaon hasi zen. 2009/05/31 21:10:26.262000 GMT+2

  4. Zu kazetari 2007/11/10 19:48:5.431000 GMT+1

  5. Izena dut 2006/12/01 17:21:58.245000 GMT+1

  6. Hombre refranero... 2006/10/25 23:50:4.431000 GMT+2

  7. Nahi izatea 2006/03/07


Leave a Comment: