Musikari berriak sanandesak ospatzeko
Ustekabe fanfarreak emanaldia eskeiniko du larunbatean, hilak 25, Eibarko erdialdeko kaleetan, arratsaldeko 19.00etatik gaueko 22.00ak arte, Eibarko Txirrindulari Elkarteak antolatutako Txistorra Egunaren ospakizunetan parte hartuz. Azken urteotan gertatu bezala, musikari berriak estreinatuko dira aktuazio honetan. Aurten Bergarar bat eta eibartar bi izango dira.
Alde batetik, klarineteaz Alayn xxxxxxxx 17 urtekoa batuko da. Orain arte hainbat urtez Juan Bautista Gisasola Musika Eskolako ikaslea izan da eta orain eskolatik kalerako saltua eman du fanfarrearen bitartez.
Bestalde, saxofoijole bat ere estreinatuko da: Cristina Gutiérrez. 16 urteko Musika Eskolako ikaslea dugu azken fitxaketa hau.
Azkenik, Bergarako Aitor Ugarte saxofoi tenorra ere taldekide izatera pasatuko da. 21 urte ditu eta Bergarako Bandan ere jotzen du. Orain arte kolaboratzaile aritu bada ere, taldearekin duen harreman onak eta bertan aurkitu duen giroak bertako partaide izatera bultzatu dute.
Ustekabekoen esanetan "garrantzitsua da jende berria pixkanaka sartzea, taldeari bizitasuna eta indarra emateaz gain, taldearen etorkizuna bermatzen dute" eta hori dela eta, ateak irekiak daude parte hartu nahi duten musikari gazteentzat. "Ez dugu diskriminaziorik egiten. Zentzu horretan aipagarria da pixkanaka neskak ere sartzen ari direla fanfarreen munduan, eta ideia horri jarraiki asko poztu gara aurten hiru kide berritik bat neska izatean".
Urtebete pasa da Ustekabek bere V. Urteurrena bete zuela eta ordutik hona izandako garapena nabaritzen dute musikari gazteek. "Ustekabe helduagoa da urtetik urtera, lanean, baina gaztea izaten jarraitzen du filosofian. Urtero odol berria sartzen da Ustekaben eta horrek taldearen ilusioa bere horretan mantentzea ahalbidetzen digu". Errepertorioari dagokionez, etengabe ari dira berrikuntzak prestatzen: "gustatzen zaizkigun abestiak txaranga estiloko talde batera egokitu dezakegula ikustea oso pozgarria da".
Denboraldi hasiera, urrian
Urrian eman zion Ustekabek 2006-07 denboraldiari hasiera Barakaldon (Bizkaia) eskeinitako emanaldiaz. Aurreko urtean lez, arratsaldeko 7etan hasi eta gaueko 10ak bitartean kalez kale bertako jaiak alaitu zituzten, jaigiroa inguruko txoko guztietara hedatuz. "Koadrila baten dantzez inguraturik egin genituen kalejira guztiak, geldiuneetan tabernen aurrean errepertorio aberatsa dugula erakutsiz" azaldu dute Ustekabekoek. "Interesgarria eta arrakastatsua" izan zen jendetza guztiak dantzatzea lortu zutenean: I will survive, Samba de Janeiro, Rock and Roll Part II (Full Monty), eta jo zituzten besteak ez ziren gutxiagorako. Horrela eman zitzaion estreinu publikoa 2006-2007 denboraldiari, azken aktuazioa hilabete lehenago Ermuan egin ondoren, Irulitxa txarangaren X. Urteurrena ospatuz.
Honen inguruan...
2005/XI/25
Iruzkinak
malen 2006-11-24 00:47 #1
<p>airetruntxikitunairetrunaireaitretuntxikitunairetrunaireairetruntxikitunairetrunaireairetruntxikitunairetrunaire,aire!</p>
<p>zorionak eta ondo pasau!</p>
Josu 2006-11-24 00:49 #2
jou jou... gañera gabonetako argixak estrenatzen dabez musikari barrixei ongietorrixa emoteko!<br />
malen 2006-11-25 01:39 #3
<p>jejeejej! kejauko zarie....ondo ondo ibili zapatuan, ta pasauko gara zibilizaziñotik ia ze anbiente dauen ikustera.</p>
<p>a! tubo de eskapiana gustau jata...ez dot uste bña indirekta bat eitxeko asmua egongo zanik.....ez? badakizu, autoeskola efektua Josu!</p>
<p>ondo segi.</p>
Josu 2006-11-25 02:01 #4
Malen,<br /><br />"a! tubo de eskapiana gustau jata...ez dot uste bña indirekta bat eitxeko
asmua egongo zanik.....ez? badakizu, autoeskola efektua Josu!"<br /><br />Hori <a href="http://www.blogak.com/hankazgora/lagun-bat-dago-alboan-beti#comment0">zeure blogean</a> erantzun behar didazu, ez hemen. Irakurtzen duen jendearentzat liosoa egiten da bestela. Eskerrik asko.<br />
Utzi iruzkina: