Stokmarknes-Svolvaer

Atzo esan bezala Stokmarknes herrian gaude. Goizean jaiki eta eskiatzera goaz. Eguraldi ederra dugu eta Storheia, hemengo mendi handiena, igotzea pentsatu dugu. Ez da oso altua, baina itsasertzetik irten eta 600 metro igoko ditugu gailurrera.

Eski pistetan zehar egin dugu lehen partea eta gero, pinudian zehar, aldapa gogorra igo dugu lehen leporaino. Hemengo ikuspegia zoragarria da: itsasoa behean, zerua goian eta tartean elurra eta gu, puff...!

Lepora igo ondoren, badirudi berehala iritsiko garela gailurrera, baina berriz ere mendian ilusio optikoak eta iristeko gogoak okertzen gaitu. Beste ordu erdia behar dugu gailurrera iristeko. Gainera tarte handiena izoztuta dago eta lanak izan ditugu zutik joaten.

Goian daukagun ikuspegia eta emozioa ezin da bi hitzetan adierazi. Ipar eskiko eskiekin igo dugu eta meritu handiagoa du, baina beherakoan daukagun aldapan pentsatzeak itzularazi gaitu. Eguzkiak jotzen du, baina oraindik izotza da nagusi. Hala ere, animatu gara, nahiz eta hasieran konfiantza larregirik ez izan. Zenbat eta beherago egin orduan eta elur hobea dago eta hobeto jaitsi gara.

Hamabietarako behean gaude eta iraupen eskiko pistetan eskiatzen jarraitu dugu. Hemen gozada bat da eskiatzea. Bakarrik gaude pistetan.

Kanpinera iritsi eta dutxa ederra hartu ondoren portura joan gara. Bazkaltzeko ordua da, baina kalean hotz egiten du eta ferrya hartzen den lekura joan gara bazkaltzeko txoko bat aurkitzera. Baita topatu ere, mahaitxo bat eta aulkiak. Atera ditugu pikatzekoak baita laster irentsi ere.

Denbora dugunez ondoko pub batera joan gara kafea eta tea hartzera. Pub honen berezitasuna da hainbat futbol talderen elastikoak jarrita daudela eta han aurkitu dugu Realarena ere. Atletiarena ez, ordea. Hauek ez dakite nonbait aurten nork irabaziko duen European Ligea. Aupa Atleti!

Wifi konexioa dagoenez ordenadorea atera eta blogean idazten eta argazkiak kargatzen hasi naiz. Egunero zirrikitu guztiak aprobetxatuz nabil bloga egunean mantentzeko, baina gero teknopolis ezizena jarri didate taldekideek.

Ondoren Hurtigruten ferrya hartu dugu Lofoten irletara joateko eta Josu furgonetaz abiatu da beste bide batetik. Hurtigruten ibilbidea ikaragarria da eta fiorduetan zehar mendi tartean joaten da itsasontzia.

Datsegit

bidaia eskia eta ipar

Iruzkinak

Antton 2012-03-19 22:21 #1

<p>Ieepa Alberto:</p>

<p>Ikusten det primeran zabiltzatela, ze ibilaldi eta leku ederrak, beno Alberto aprobetxatu eta ondo segi</p>

<p>&nbsp;</p>

2012-03-20 15:32 #2

Kaixo denoi:<br />Donostia-Oiartzun eguzkitsu(momentu honetan) batetik jaso inbiriz beteriko besarkada.<br />Alito: Bueltarako zerbait prestatu beharko dugu ,ez da?. Guk janaria eta edaria jarriko; zuk argazkiak eta hango abestiren bat.<br />Disfrutatu eta ondo bukatu.<br />Muxu<br />Mirari<br />

orioarraunean 2012-03-20 23:17 #3

Argazkitan ikusten den zubi haundi horrek harrituata uzten natxiok. Hemen horrelako bat egiteko jarriko al ginateke ados ?

Utzi iruzkina:

Erabiltzaile izena

Eposta

Captcha

Bidali