Sua, esku lanak, tertulia eta mendi martxa.

---

Ekitaldi eta ekimenez lepo beteriko asteburua izan dugu Goierriko Elkarlanean Itsasondo inguruan.

Lehen ekitaldi publikoa ostiral gau partean izan genuen, bertan Itsasondotik atera eta Ordiziara arteko bidea oinez eta su antortxaz AHTaren zentzugabekeria aldarrikatu genuen.

                    

Larunbatean aldiz, goiz partez "esku lanak" deitu genion lanekin jardun ginen. Bertan, pankarta anitzak egiteaz aparte, azpikaldean ikusgai dituzuen panelak prestatzeari ekin genion. Eskerrak Durangaldeko Elkarlaneko lagunei irudien fitxategiak bidaltzeagatik!!

     

Intendentziako sukaldariek prestaturiko bazkari legearen ondoren AHTaren inguruko tertuliatxoa izan genuen eta goiz partean landutako esku lanen "erakusketari" ekin genion. ;-)

      

            

        

Igandean aldiz, goiz partean zundaketak ikuskatzeko mendi martxa lasaia izan genuen. Urkiko buelta egin ondoren, zundaketak egiten ari 2. kokapenera zuzendu ginen. Bidean, Goierriko Elkarlaneko kideon argibideak jaso genituen.

Elkarlaneko kide bat Itsasondo eta Legorreta arteko mugan argibideak ematen.

      

         
Iraola baserriaren inguruan ekainean egin zuten lehen zundaketa orain nola dagoen ikus daiteke.

Jarraian, une honetan 2007ko uztailean, zundaketa egiten ari diren kokapenera zuzendu ginen. Denera sei dira egin behar dituzten zundaketak, argazkietan dezutena bigarrena da.

          

      
Zundaketetatik ateratzen dituzten lur eta harri frogak kaxa urdin hauetan gordetzen dituzte.

Zundaketak gordetzen ari ziren seguratekin inongo gatazka edo istilurik ez zela gertatu aipatuko genuke. Beraien aurpegia ateratzen ez genuen bitartean, argazki hauek ateratzeko arazorik ez genuen izan.

          

Azkenik eta astebukaerari amaiera emateko lagunarteko bazkari bikaina izan genuen sukaldeko lanetaz arduratu zirenen eskutik. Goierriko AHT Gelditu! Elkarlanaren partetik eskerrikasko Itsasondora gerturatuta eta ekintza ezberdinetan parte hartu dezuten guztioi!!