Oin txikia edukiagatik...pikutara

Horrela diote gure agintariek, beste irtenbiderik ez dute ikusi eta.
Penagarria da Eibarren daukagun naturarekiko sentsibilitatea, eta batez ere zuhaitzarekiko.
Azken urteotan hainbat eta hainbat arbola bota dituzte eta sekula ez dute beste soluzio bat ikusi, "keba", beti errazena aukeratzen da, motozerra  martxan jarri eta pikutara zuhaitza.
Bidebarrietako Mimosa, Instituko tiloak, Urkizuko sagarrondoa, Legarreko intxaurrondoa, Zuloaga-tarren kaleko zedroak, denak zorte bera dute: mozketa.
Bihar egunkarietan zedroen azken argazkiak ikusiko ditugu. Segur aski bat baino gehiago txundituta geratuko da, betidanik gure kaleetan egon ziren zuhaitz zoragarri horiek enbor mordoxka bihurtuta ikusiz.
 Bost axola! zuhaixka batzuk landatu eta kitto, hori izango da gure agintarien konponketa, bizkorra eta merkeena. 
Gero, anbulatorioko parkean bezelaxe, zuhaixkak agian lehortuko dira, baina berdin da Eibarren horrelako gauzagatik ez da kezkatzen jendea eta beti jar dezakete beste eskailera mekaniko bat edozein lekutan animoak lasaitzeko.
Orain dela hilabete batzuk Auako pagadiari buruz udaletxera bidali nuen eskutitz bat, oraindik erantzunaren zain nago. Inozoa, azken hau ikusita jai daukat.
Zoritxarrez mozketa hauek ezustean harrapatu naute , bestela...
Baina ez dakit, badirudi hemengo jendeari oso gutxi inportatzen zaizkio zuhaitzak.
Merezi duguna daukagu akaso...