Fertxu Izquierdo irakurlearen txokoan

Aurtengo bigarren Irakurle txokoaren solasaldia ukan dugu gaurkoan eta oraingo honetan Fertxu Izquierdo, Txantreako idazlearen Mendeko borroka izenburua duen liburuarekin egokitu zaigu.


Bere bigarren argitalpen haundia, (liburu formatoan esan nahi da) dugu hau eta "berunezko garaian" kokatuta dago, joan den mendeko 70 hamarraldian. Gori gorian zegoen giroa Erroma zerutiar eternale hartan; alde batetik Avanguardia Nazionaleko fazistak eta estatu kolpe ideia senpiternoak eta beste aldetik Lotta Operaia partisano berrien erresistenteak eta askatasunaren egarridunak. Aldi berean pelikula berezi baten errodajea. Aktoreak Nora Miao eta Bruce Lee eta Chuck Norris aurrez aurre. Erdian ikusle moduan edo "il popolo di Roma".

Liburuak denetarik du osagai bezala: italiar gastronomiari eta kantagintzari keinu zabala, gertaera serioak eta larriak; batzuentzat eleberri beltza, akzio eleberria, historikoa eta azkenik fantastikoa ere bai. Zer gehiago kontakizun fresko eta maisutasunez egindako izateaz aparte.


Benetan zorionak idazle honentzat eta gonbitea luzatu egin zitzaionari. Asmatu egin du berriro ere. Hurrengoan elkar ikusiko dugulakoan. Ez adiorik.