Nora goaz?

jozulin 1456149998367 Baga, biga, bloga! | 2007-01-21 19:46
4

Izan ere:
 

  • Okela jaten dugu, baina ez ginateke gai izango abere bat akabatu, larrutu eta zatitzeko; batetik ez ginatekeelako ausartuko eta bestetik ez genukeelako jakingo nola demontre.
  • Arraina jaten dugu, baina ez dugu arrantza egiten eta arrain usainari hatsa deitzen diogu.
  • Esnea-edo edaten dugu, baina  ez ginateke gai izango behi bati tanta bat ere ateratzeko titietatik. Behien titiak errapeak direla ere kasik ez dakigu.
  • Barazkiak ere jaten ditugu, baina ez dakigu zein den porruak landatzeko garaia. Portzierto, porruak erein ala landatu egiten dira?
  • Arrautzak jaten ditugu, baina ahaztuta daukagu euskaraz gorringo duela izena arrautzaren zatirik goxoenak, hain dira hori-zurbilak gaur egungo “horingo”-ak. Eta hori baino ahaztuago daukagu oiloek ez dutela zertan egunero-egunero arrautza erruterik, ezta beren bizitza petrala gorputza estutzen dien kaiola batean zertan pasatu; badirela larre berderik sekula ezagutuko ez duten oiloak.
  • Kilometroak egiten ditugu egunero, baina ez gara oinez ibiltzen.
  • Pantailari begira ematen ditugu orduak, baina ez dugu leihotik begiratzen.
  • Musika maite dugu, baina ez dugu isiltasuna jasaten, urduritu egiten gara.
  • Kantautoreak maite ditugu eta entzuten ditugu, baina kantatzen ahaztu zaigu. Ez dugu kantatzen.
  • Basoaren erdian bakarrik beldur gara, baina lasai asko goaz metalezko kutxa baten barruan 140 kilometro orduko abiaduran, errepidean aurrera eta aurrera, beti aurrera...

Nora baina?

 

_________________________________________________________________-

Orakuluaren eta Jonasen iruzkin beti interesgarriek iradokita.

 

 

 

Datsegit

nora_demoniño_pentzetan_dogu_goazela_hain_arin_ba

Iruzkinak

jonas

jonas 2007-01-21 23:40 #1

Nora goazen? Carrefourrera! kotxean sartuta, <em>atodaletxe</em> musikots batean; umeari, aspertu ez dadin, atzeko jarlekuan bideo-pantailatxoa jarrita, asteko mandatuak egiten, jakina baita, porruak bertako kaxetan hasten direla, esnea tetra bricketan eta arrautzak... geureak, puntu honetara zelan heldu garenik barik, hementxe gaudelako.

exehiztari

exehiztari 2007-01-21 23:45 #2

Ehiztari diren lagunak ditut, basurde, oilagor eta eperretan ibiltzen
direnak. Abereak akabatu, larrutu eta zatitzen trebeak, basoetan&nbsp;
ibili, kilometroak oinez egiteko kapazak, isiltasunean ehizakien
arrastoaren bila, ... ehiza sasoia ez denean arrantzara, ... <strong></strong><br />
<br />
ehiza eta arrantzaren aldarrikapena da hau? <br />

patxi lurra

patxi lurra 2007-01-22 19:44 #3

<p><em>Porruak erein ala landatu egiten dira?</em> </p>

<p>Neuk dakidanez, ez bata ez bestea. Porruak erre egiten dira. Lehengaiak plastikozko poltsatxo batean datoz, batzuetan norberaren ortuan landatuta, bestetzuetan hegoaldetik, itsasarteaz bestaldetik.</p>

jonas

jonas 2007-01-22 23:18 #4

Hori euskara bantuak ederto bereizten dau: <em>porroa</em> erre, <em>porrua</em> jan eta <em>porrotik</em> edan.


Utzi iruzkina: