UNZLehengo Ekainaren 21ean Joseba Asiron izan genuen Azpeitian, Nafarroaren konkistari buruzko hitzaldi bat emanten. Noaingo bataila gogorarazteko egiten ari garen ekimenetako bat izan zen ekitaldia. Asironek maisutasunez azaltzen ditu 1521 eta 1530 urteen artean gertatutakoak. Gainera, sartu dizkiguten zenbait gezurtxo agerian uzten ditu. Aho bat baino gehiago itxiko ditu bideo honek, zalantzarik gabe.
Amaia Nausia izan genuen Azpeitian lehengo martxoaren 24an. Maisuki azaldu zigun nola iritsi garen gaur egungo patriarkatura eta zein izan zen nafarroako emakumeen egoera 1512ko inbasioan eta ondoren. Hitzaldia bere liburuan oinarrituta dago. Liburua erosterik nahi izan ezkero hemen informazio gehiago: https://www.txalaparta.eus/eu/liburuak/virgenes-o-putas Oso erraz irakurtzen da liburua. Gaur egungo emakumeen egoera ulertzeko ezinbestekoa. Bikain dokumentatuta dago bere lana. Zalantzarik gabe Euskal Herriko historialari onenetako bat dugu Amaia.
Berriz ere iritsi zaigu Apirilaren 26a. Lehengo urtean Xabier Irujoren hitzaldi baten laburpena jarri genuen Gernika filmarekin konparatzeko. Bada, oraingo honetan hitzaldi osoa argitaratu dugu. Ordu eta erdiko hitzaldia da, baina Xabierrek maisuki azaltzen du egun hartan Gernikan gertatu zena; ezkututik ateratzen du jende asko estaltzen saiatu dena.
Orain gutxi arte ezezaguna izan zaigun arlo bati buruz gatozkizue oraingoan, 1620an Behe Nafarroan gertatu zena. Hurrengo bideo honekin aukera izango duzue urte horretan gertatu zena jakiteko. Eneko Bidegainek maisuki azaltzen du Azpeitian 2020ko abenduan emandako hitzaldian.
Urtero ekitaldia egiten dugu Urolakoen Napar Zuzterrakek nafartasun burujabeari gorazarre egiteko. Aurten ez da egiterik izan Covid-19a dela eta. Hala ere lehengo urteko bideotxo bat egin dugu nondik gatozen ez ahazteko.
Motzean. Ikus ezazue euskaldunon diruz lagundutako film hau (Gernikako bonbardaketari buruzkoa) eta ondoren hurrengo bideo hau, edo alderantziz. Gero zeuek atera ondorioak.
Apirilaren 26ra gerturatzen ari gara eta girotzen joateko istorio epiko batekin natorkizue. Jakina da Euskal Herriak itsasgizon ikaragarriak eman dituela. Piratak eta kortsarioak daude horien artean. Fernando Morillo idazle azpeitiarra izan da piraten gaia landu duen idazleetako bat. Maddi eta Euskal Piratak liburuan bost itsaslapur berezi aurkezten dizkigu Fernandok: Pellot, Suhigaratxipi, Laffite, Michel Le Basque eta Destebetxo. Lehenari buruz, hau da, Ixtebe Pelloti buruz, liburu historiko bat ere ba du azpeitiarrak. Bi liburuak oso gomendagarriak dira, gazteen literatura izanagat...
Iruña-Veleia epaia ebazten ariko dira aste hauetan, Covid-19ak uzten badie behintzat. Judizio horren ezaugarri nagusiena izan da komunikabideek zeharo gaizki kontatu dutela epaitegian gertatutakoa. Eta bai, gure hedabideek ere bai!! Ez da harritzekoa Beñi Agirre historialariak esatea "oso harrituta eta atsekabetuta" daudela komunikabideekin. Hala ere, benetan jakitea nahi baduzu zer gertatu zen epaiketan, irakurri Beñi Agirreren Zuzeu-ko artikulua. Edo bestela sartu Juan Martin Elexpururen blogeko epaiketaren kronikara. Jakingo ote dugu egia inoiz?!
Nabarralde fundazioak bere dokumentalak irekian jarriko ditu itxialdian historia pixka bat ikas dezagun. Lehenengo bideoa beraien You tube kanalean jarri dute: Beloaga Oiartzunen dagoen nafar gaztelua da Beloaga. Oso gomendagarria da bideoa. Animatu ikustera!!!
EITBk aspaldiko partez berri on bat eman digu itxi liburuak programarekin. Dirudienez, ez naiz ni hori pentsatzen duen bakarra, audientzia onak lortzen ari baita berau. Gaizka Arangurenek zuzentzen duen saioak ostegunero kontatzen digu (futbolaren baimenarekin) Euskal Herriko historiaren pasarte interesgarriren bat. Euskal pertsonaia famatu bat aukeratzen du gu historiazale bihurtzeko helburuarekin. Hemen aurki ditzakezue orain arteko programak: Donostiaren suntsiketa Euskal Herriko historiaurrea Elkano eta lehen mundu bira Amaiurko gazteluaren historia Erromatarren garaia O...
UNZ
Urolakoen Napar Zuzterrak
