Emakumeak

Gerra kiratsa dario Azawad lurralde hitsari.

Gerrak, elkar ondo ezagutzen duten azeri zaharrek asmatzen omen dituzte, elkar ezagutzen ez duten gazteek batak bestea hil, birrindu, txikitu dezaten.

Gerra, ez da emakumearen lagun, gerra herioren konpainiarik fidelena da, eta oinazearena, eta izuarena.

Emakumea, berriz, bizi emaile, eta sortzearen beraren altzo.

Gerrek larderiaz irentsiko lituzkete emakumeak oro, eta zanpatuko.

Bizi emailea, herioren atzaparretan abandonatuko.

Ederra litzateke, emakumeen ahotsa, Azawad aldetik, ozenago, argiago, gehiago iritsiko balitzaigu.

Bizitzak, herio, antzarak ferratzera bidal dezan.

Irribarreak negarra.

Bakeak gerra.