Mitxel Usarren Pitziniak
Mitxel Usarren Pitziniak"Martxoko Iraultza": ze iraultza klase da hori, datak jartzen dituena, Denboran sinesten duena, Jaun-Goikoek zenba(ki)tu ezin den jendea kontrolatzeko erabiltzen dituzten armak bereganatu eta erabiltzen dituena? Susmoa dut ez ote den bihurtu "iraultza" pijoen matxinada-ordekoa. Irudi-indarraren aldetik begiratuta ere, alde ederra dago bien artean: ni bezalakoentzat –eta hemen enelako aunitz zaute–, iraultzea belarra goora ta behera aidean boteaz lehortzen edo ihartzen jartzeko bidea da: barrutietan sailka jarriak daude belarrak, eta, behin alde bat ihartuz...
"Krisi" hitzari beldur diogu: Don Bildur txertatzen digute Jaun-Goikoek. "Ebaki(a)" esan nahi du grezieraz –greziera(z)ko hitza da–, besterik ez. Batek egiten ditu bere burutazioak imajinaziozko Denbora-Lerroan, eta, bat-batean, HEMENTXE dagoenak –ORAINTXE, beraz– ebaki egiten du gezurrezko Lerro hori, ilusioak deuseztuz (zorionez). Bat bere ebakiak eta erabakiak hartzen zituelako ustean galduta zebilen, eta den-denak (egiatan den-ak) erabakitzen duela nabarmen azaltzen da. Aurrean duzunarekin tratutan hasi behar: hori...
Gogoan dut Kapittanttanek bere blogean dakarren elkarrizketa: Bengalatikan ekarritako kojiñak jarri genituen harrikoxkorren gainean eseritzeko, ta zigarettak errez ta Inca-Cola edanez hantxe aritu ginen hitz eta pitz, Lakuaren gainetikan aidean dantzan bezala zebiltzan argi haiek ze ote litezkeen galdezka tarteka. Oraindik ez dakigu.
Pizzini, pizzinu, pitziniak: kodetuta airean doazen paper puxkak, kodea nork urratuko duen zain, edo ez.
