Erretzaileen hipokresia

Batzuk galdetu didazue zergaitikan jarri dudan "kerik gabeko webgunea" deritzon leloa blog honetan, esplikazio erraza dauka kearen aurkako taliban bihurtu naiz.

Orain dela pare bat aste izan nuen esperientzia nahiko tamalgarria tabakoaren kontuan.  Haurtxo bat izan berri gera eta pediatra guztiek esaten dizuten lehen gauza da:  "kerik dagoen tokietan ez zaitezte sartu", hortaz Tabakismoaren aurkako lege berria gauza on bat bezala jaso genuen. 

Beno, behintzat hori pentsatzen genuen larunbat batian Donostira joan ginen arte.  Jaten emateko toki lasai baten bila hasi ginen eta hiru ordu laurden pasa eta gero.  Demontre!!!  Leku ganorazko bat ere ez. Azkenean gure txikiak bultzatuta pub batean sartu ginen (100 metro karratutikan gora ditu) eta nahiko hutsik zegoen.  Esan genuen, "Goazen eskinatxoan jartzera hor ez diogulako inori trabarikan egingo eta kerikan ez dagoelako". 

Horretan ari ginan bi emakume sartu zirenean beraien alabatxoekin. Taberna guztia zuten libre baina gure ondoan jarri behar izan zuten.  Bost minutu pasa ziren eta hara non hasten diren biak erretzen eta onena zer izan zan. Ba jaiki eta guregana hurbilduz esan zutela. 

-   Ayyyy !!!!    Que niña más bonita!!!.  

Bakarrikan falta izan zitzaiena izan zan muturrean jartzea gure alabatxoari.  Uste dut jarri nien muturra eta esan nienarekin ondo konturatu zirela baina ala ere han jarritu zuten gure alboan erretzen pub guztia hutsikan zegoela.  Trastoak jaso eta alde egin behar izan genuen.  Momentu horretan konturatu nintzen legea baino lehenago hobeago geundela.  Orduan eskatu eskero jendea mugitu edo zigarroa itzaltzen zuten, orain eskubidea dutenez...

Zegaitikan gertatzen da hau??.  Hala ere Espainiako gobernuari zerbaitek huts egin dio kalkuluetan.  Zer gertatu da?.  Taberna, pub eta antzekoetan % 99,90-ek "Hemen erre daiteke" karteltxoa jarri dute.  Zergaitik?  Ba uste dut argi dagoela erretzaileen sektorea galtzeko beldurrez eta bestela ezin dutelako tabako makinarik ezarri beraien tabernan.  Trixkantza hau konpondu bitartean hemen ibiliko gera ume-kotxe gidariak titia, biberoia edo delako emateko tokirik bilatu ezinda.

Hau gertatzen den bitartean Maalako Parkean ez da erreko eta tinko jarratuko du karteltxoak kerik gabeko guneak eskatzen ditugun pertsonen eskubideak defendatuz.