Irakuleentzako oharra

Hau da Baga, biga, bloga!-ko 101garren mezua, lagunok. Ondorioz, honen aurrekoa –dakidan matematika apurrak huts egiten ez badit- 100garrena. Are gehiago, datorren asteko 29an urtebete izango da bloga zabaldu nuela. Zenbaki borobil bi, beraz: 1 eta 100.  Ez zaituztet urteurren diskurtsoekin aspertuko -Ia oharkabean hasi nintzen idazten martxoko gau euritsu hartan, hilak hogeita bederatzi zituela... eta horrela- baina ospatu egin beharko da zelan edo halan.

Hau dela eta, Jozulinen Begitantziñoen Erredakzio Batzorde Iraunkorraren Ospakizun eta Bolandera Azpisaileko Buruaren ondokoaren laguntzaile legez,

HONAKO HAU AGINTZEN DUT:

Datorren asteko egun oraindik zehazteke batean Baga, biga, bloga! Jozulinen begitantziñoak blogaren irakurle saiatuek honakoaz gozatu ahal izango dutela:

1.- Blogaren itxura berritua. (Irudi bat mantxetan, ez espero marabillarik gero!)

2.- Opari bat irakurleentzat, guztientzat. (Hau egia da)

3.- Blog berri baten aurkezpena: Nire anaia bikiarena, hain zuzen ere. (Anaia espirituala, ez benetakoa)

Eta honela jasota gera dadin, sinatu egiten dut Galdakaon, 2006ko martxoaren 22an.

Jozulin