PP erakarri beharra

Duela zenbait hilabete Amatiñok Eibartarrak Zerrendara idatzi zuen bakearen lorpenarekin alderdi guztiek bere burua txalotuko zutela, bakea lortua izango genuela, eta "denok pozik". PP ez zuen aipatu, baina. Erantzun nion PP gabe hankamotz geratzen zela bere ideia hura, eta sarri egin ohi duenez, "bapo" erantzun zidan.

Madrilen bonba bat lehertzearekin batera, zenbaitek -askok- lehertutzat eman zuten baita ere bake prozezua, eta hara non, Amatiñoren jefe den Josu Jon Imazek esaten duen EAJ prest egon zitekeela 2008an Congresuan Rajoiren alde egiteko.

Askok, mundu abertzalean batez ere, hitz horiekin polemika egin nahi izan dute, EAJren espainoltasuna salatu eta Imaz kritikatu hori esateko gai izan delako. Atzo irakurri nuen Bilboko PPren zinegotzi Antonio Basagoiti esaten gizarteari entzun behar diotela, euskal herriak prezezua begi onez ikusten duela. Gallardón indarberrituta irten da udal hauteskundeetan eta bere alderdi barruan beste filosofia bat ordezkatzen du. Ez dut esango gero, PPren politika txalotzen hasi behar dugunik, baina hemen aldaketa politikorik izango badugu PPren inplikazioaz (ere) izango dela sinistuta nago. PSOEk eskuak lotuta izango ditu beti -demostratu digu azken urtean zehar- baina ez da alderantziz gertatuko PP gobernuan badago -demostratu zigun Aznarren bigarren legealdi ilunean-.

Estrategia zikina PPren aldetik, baina noizbat seduzitu beharko ditugu euskaldunok popularrak ere, haiek onar dezaten hemen herri bat dagoela eta, demokrazian eta biolentziarik gabe, herri honek erabakitzeko eskubidea duela. Ez ditut ahazten Aznarren bigarren legealdian egindako guztiak, baina PP aldatzen ari da eta aldaketa horretara bultzatu behar dugu, bere postura reakzionarioen kaltetuenak garen heinean, are gehiago aldatu dadin.