Mickey Mouse parrandan

amaia 2007-09-11 11:52 #1

<p>Kaixo! Ez naiz politikan oso aditua baina ulertu dudana gustatu zait zure blogean. Eta nire iritzia eman nahi nuke gai honi buruz. Ni hondarribitarra naiz, emakumea eta 20 urte ditut.</p>

<p>Gure herrian gertatzen ari dena benetan tristea dela guztiok badakigu, herritarrok ere noski. Eta norbaitek normaltasun bat lortu nahi badu, gu gara horren alde lan egin nahi dugun lehenak. Baina ez horrela. </p>

<p>Hondarribian ezker abertzale erradikalak ez du nahi beste indar, festetan ez da beraiei gustatzen zaien giro hori sortzen normalean, beste herri askotan gertatzen denaren aurka, festa ez dute beraiek egiten. Horregatik jo nahi izan dute herriari min gehien emango dion sentimenduaren aurka. Duela 13 urte zioten, hau desfile militar bat zela eta ez zela bidezkoa bertan parte hartzea. Ikustean ez zutela ezer lortu, emakumearen gaiarekin hasi ziren eta noski, aurretik desfile militar bidegabe deitutakoan parte hartzen lehenengoak dira. Eta ongi arduratu dira Hondarribia Euskal Herri osoaren aurrean gaizki uzten. Erraza baita esatea emakumeak jaian ezin duela parte hartu eta irainak jasotzen dituela, eta horren aldeko erantzun masibo bat jasotzea.</p>

<p>Gure alardeak normaltasun batera iritsi behar duela badakigu, emakumeek eta gizonek egoera berdinean parte hartu behar dugula. Jaiak bakoitzak nahi duen bezela bizitu behar ditu, ez gizonak desfilatzen eta emakumeak hori txalotzen. Honek prozesu bat jarraitu behar du baina; gauzak ezin dira egun batetik bestera inposatu eta oraindik gutxiago herriaren aurka jotzeko edozein une erabiltzen duen jendearen aldetik. </p>

<p>Alardea guretzat ez da festa hutsa, sentimendu gozo bat da; Hondarribiak eskeintzen digun sentimendua, unkitzen gaituena bere bizipenarekin. Horregatik hori zauritzen saiatzen den jendearen aurkako jarrera hartu dugu. Hasieran inkoszienteki agian, orain ordea minduta sortutako ingurabar guztiekin.</p>

<p>Emakumearen eskubideen alde egunero borrokatu behar da, gauza txikienetatik hasita, bakoitzak ahal duen neurrian aldaketa txikiak eginez. Guretzat aldaketa suposatzen duen hau, guk bultzatuta burutu beharko da, herritarrak gara gure alardeari bira eman behar diogunak. Eta kanpoko presioek eta irainek ez dute prozesua luzatzea baino ekarriko. </p>

<p>Lasaitasuna behar da, herrian argi eta modu onak erabiliz hitz egiteko, eta gutxi barru emakumearen integrazioa gauzatzeko. Seguruenik, hasieran gauzak ondo egin izan balira, gaur egun denok parte hartuko genuke alardean, eta jaietaz gozatuko genuke pakean. Azken finean sexismoaren irudiarekin mozorrotutako beste gatazka politiko bat baino ez da. </p>

<p>Badakit hau dena irakurtzera iritsi bazara ere, ez duzula nire jarrera ulertzen, eta ez da hori nire asmoa. Asko saiatuta ere Txingudiko badiatik kanpo zaila delako gure jarrera ulertzea. Eta pentsatuko duzu argudioek ez dutela balio gai honetan eta begiak bendatuta ditugula hondarribitarrok. Baina tira, nire iritzia azaltzeko gogoa nuen.</p>

<p> </p>

Iban Arantzabal 2007-09-11 12:25 #2

Argazki pila bat jarri ditu <a href="http://www.goiena.net/blogak/bidasoatik/alardea-2007">Gotzone Elu</a>-k. Han bertan eman dut <a href="http://www.berria.info/umorea.php?izena=zaldieroa.jpg&karpeta=2007-09-11">Zaldieroaren</a> gaurko tira ere, polita.<br />

Marijo 2007-09-11 13:42 #3

Amaiak kontatzen duenari jarraituz, lagunen artean Hondarribian
gertatzen denez iritzi ezberdinak entzun ditut; lau ginen eta hiruk
zioten eztabaida esajeratu egin dela; ez genukeela zertan eztabaida
horretan sartu beharko, gehienak ere kanpotik etorritako ahotsak direla
alarde
mistoaren alde aritzen direnak. Han ere ez ginen adostasunera iritsi;
batek zioen ez dela diskriminazioa egiten, ez behintzat emakumeen
kontra diskriminazioa egiteagatik behintzat. Jarrerak jarrera ondorioa
da emakumezkoek ezin dutela alarde tradizionalean gizonezkoek moduan
parte hartu.<br />
Nire herrian ere egiten da alardea; gurea, baina, Mairuaren alardea
izaten da. Gure herrian neskek tanbor-jotzaile, kainoilari eta musikari
izateko aukera dute; kapitain eta mairu ez (mairua gutxienezko azkeneko
30 urtean berbera izan delako eta kapitaina orain dela 6 bat urterarte
bat izan delako eta harrezkero beste ordezko bat izentatu dutelako),
baina beste edozer izan daitezke.<br clear="all" />Parte-hartzaile faltak
eraginda eratorritako gauza "normala" izan da nesken parte hartzea;
pentsatzen dut horrek eraginda izan dela normal-normal ikustea neskak
ere kanoi ondoan eta horrela. Eskopetero ez daukat gogoan emakumezkorik
ikusi izan dudan, baina badirudi sasoi baten ehiztariek bakarrik
zituztenek horrelako armak eurak izaten zirela alardean ateratzen
zirenak. Gerora Udalak erosi zituen eta udalaren esku daude.<br />
Dena dela, Amaiak kontatzen duen alardearekiko zaletasun edo barruko
sentimendu hori ez dut ezagutzen nik nire herrian egiten denarekiko.
Zer egingo diogu bada.

Jon Abril 2007-09-11 15:35 #4

Kaixo Amaia,<br /><br />lehenik, esker mila bloga bisitatzeagatik, irakurtzeagatik, eta idazteko astia hartzeagatik. Estimatua dago.<br /><br />Gutitan entzun/irakurri izan dut hondarribitarren bat patxada, sosegu eta oreka horrekin alardeaz. Ez nago guztiz ados diozun guztiarekin. Sentimenduak herri guztietako jaiek eragin ohi dizkigute, bakoitzari gure herrikoek. Ezin da neurtu zeinek eragiten duen sentimendu gehiago eta zeinek gutiago.<br /><br />Baina uste dut gaia ezin dela sentimenduen terrenora eraman, edo ez behintzat, sentimenduenetara bakarrik. Tartean, eskubideak daude jokoan. Eta besta, aldarri publikoa den neurrian, gizarteen aldaketen lekukotza nagusia izan behar dute.<br /><br />Arrazoia duzu gaia bertze moduren batera landu behar dela diozunean. Erabat ados! Eta horren alde eginen dugu. Baina aukerarik ere ez da izan gaia bertze moduren batera lantzeko. Lehenbiziko urteetako bortizkeria, krudelkeria hainbertzekoa izan da! Gatazka guztietan bezala, denborak edo negoziazioak bakarrik bideratu dezakete auzi hau. Eta orain arte agintean egon direnek (Irunen eta Hondarribian) ez dute zuzen jokatu. Euren ideiak, euren ikusmoldea edukitzeko eskubide osoa dute, eurena defenditzeko, baina alkate diren neurrian, herri guztiarentzat agintzen dutela ezin dute ahantzi (eta urtero ahantzi dute!), ez guti batzuentzat, ez gehiengo batentzat, ez soilik euren botuemaileentzat. Ez. Politikan, botuek duzun indarra neurtzeko balio dute, baina politika ez da soilik norberaren botu emaileentzat egin behar. Guztientzat baizik. Herritar guztiek behar dute berdinak eskubideetan eta betebeharretan. Ideologia batekoek eta bertzekoek, botua eman dutenek eta eman ez dutenek.<br /><br />Eta horretan alkateek egin dituzten hutsuneek gatazka gaiztotu baino ez dute egin. Horregatik hartu du mediatikoki horrelako oihartzuna. <br /><br /><br />Horregatik, kosta egiten zait erabat diozuna ulertzea. Baina eskertzen dizut tonua, gogoeta eta asmoa. Horrelako jarrera luketen gehiagorekin, adostasuna lortua legoke. Barrutik bultzatu behar duzue aldaketa, gogoeta. Baduzue lan franko, eta behar duzuenerako prest gaude. Guk ez dugu etsiko.<br />