EUSKAL HERRIAN KANTUZ DURANGON

Euskal Kantuzaleen Elkarteak antolatuta, abenduaren 5ean, igandearekin, Durangoko Azokaren giroaz baliaturik, EUSKAL HERRIAN KANTUZ ekimena jarri dute abian. Dagoeneko Durangoko azoka antolatzen duen Gerediaga elkartearen oniritzia eta babesa jaso dugu. Durangoko udalarekin ere baimen guztiak ditugu baita eskola baten jantokia ere 260 lagunendako bazkari herrikoa egiteko.

Egitaraua:

Ikusi irudia
Ikusten duzunez egun osoko egitaraua dugu, kantatzeko eta azoka bisitatzeko aukera emanen duena. Herri bazkaria mugatua izanen denez, Baiona, Iruñea, Donostia, Gasteiz eta beste lekuetatik etorriko diren autobusei lehentasuna eman nahi genieke, autobusen antolaketa herri bakoitzeko eragileen gain izanen litzateke. Horrela hiri bakoitzetik autobus bat aurreikusten dugu. Iruñean, adibidez, autobusa eta bazkarirako ticketak edo billeteak batera salduko dira, 54 plaza lortu arte. 5-6 autobusekin bazkarirako leku guztiak hartuta izanen lirateke. Prezioa oraindik zehazteke dago.

Momentuz hau da dena, beste informaziorik edo argibiderik nahi izanez gero, jar zaitezte gurekin harremanetan edo emeki-emeki zehazten joan ahala hemen jarriko dugu.

Beraz, has zaitezte animatzen eta izena ematen!!!!!