Mandamentu EXTRAmodernoak (eta III)

Harrera, arreta, arnasa. Eman eta hartu. Ito, itxi, itsutu gabe... Lausoegia, egia da. Zehatzago saiatuko naiz. Harrera, hasteko: ohartu mandamentu hipermoderno batzuk EZ aginduaz hasi direla (ez izan zalantzak, ez egon triste, ez galdu denbora). Gehiago ere badaude:

8-"Ez ezazu hartu maitasun konpromisorik!"

Ez soilk bizitza osorako, tarte baterako ere ez. INTRO batek, berriz, ezin ditu harreman sozialak inplikazio pertsonalik gabe ulertu. Beraz, maitasun keinu batekin hasi. Nola?

12-"Ez izan astuna!"

Hau da, fisikoki astuna: ez bide da itxurosoa, ez osasungarria. Baina sozialki ere badaude kanon estetiko eta dietetikoak. INTRO joera, adibidez, ahal moduan disimulatu eta kontrolatzea. Bestela, lehen begi kolpetik markatzen du: "zu, aukeran, EZ". Nola eman buelta? "Zu ere BAI".

14-"Ez zaitez hil!"

Ez ito, zu zeu, ez bestea(k). Arnasa hartzeko espazioa utzi. Eta denbora eman.

11-"Dibertitu zaitez!"

Agindu paradoxikoa, dio Iñigo Martinez Peñak, "nola bihurtu obligazio", dibertitzea? Aukera errazena bihurtuz: "EZ atera ebasio bide arinetik". "Ez konplikatu"... Eta klaro, INTRO jendea konplikatuak gara. Dibertitzean ere. Adibidez, gauzak antolatzen. Bada, antola gaitezen.

10-"Ikas ezazu!" 

Paradoxa da agindu EXTRAmodernoek saldu nahi duten gauza asko INTRO jendeak baditugula, txikitatik. Noski, baditugu ikasgai pendienteak ere. Haien artean, elkarrekin antolatzea.

13-"Joka ezazu haurra izango bazina bezala!"

Haurtzarotik bakarrik jolasten ikasi dugun hori guztia besteekin nola partekatu.

15-"Zaindu zaitez!"

Geure arreta beti zaindu duzun bezala, besteena ere, nola mimatu.

16-"Sexua praktika ezazu!"

Ez bakarrik zentzu fisiko estuan. Haurtzarotik bakarrik jolasten ikasi duguna, partekatzea.

17-"Izan zaitez sortzailea!"

Haurtzarotik berez izan garen bezala, sormen kolektiboan ere aplikatzea.

18-"Zoriontsua izan zaitez!"

Nor bere buruaren konpainian sentitzen garen bezala, une eta gune partekatuetan ere BAI.

"Intra"

MILA MODU taldea

Eta Mandamentu EXTRAmodenoak seriea ixteko, "19 kolpe":

"19 kolpe" kanta

MILA MODU taldea