Norvegia: Bergen, fiordoak eta Oslo

---

Hiru bikote Karmele ata Agustin, Mariaeugenia eta Pello eta gu biok, Eskandinaviako vikingoen herriak ezagutzera. Hegaldi zuzena Bergenera, gaueko hamabietan iritsi eta oraindik egun argiz. Linternarik behar ez, baina aireportuan aterkia aurkitu eta bera hobe. Bergen herria ezagutzeko goiz osoa. Portuan arraina eta mariskoa saltzen eta saltzaileak espainiarrak eta tartean Tamara neska atsegin euskalduna, Laudiokoa. Izokin  basatia eta chatka edo cangrejo realaren hankak  daztatuz egin dugu hamarretako aparta goiza alaituz. Pellok eta Agustinek txakolinaren falta sumatu dute. Funikularrean Floyfjelletera hiria goitik ikusteko. Ikuspegi ederra eta goiko Trolarekin argazkiak.

Arratsaldean Voss haranera autobusez eta Flameko trenean ur-jauziz inguratutako paraje ikusgarriak lagun. Ura mendian behera behiaren errapeetatik esnea bailitzan. Trenak 865 metroko altuera hartzen du, gero itsas mailara jaisteko Myrdalen. Merezi du ikuskizunak.

Hurrengo egunean, Sognefiord, ametsetako fiordoan zehar, itsasontzian zeharkaldia. Behean lainoa, baina fiordoan zehar goazela lainoak desagertzen eta zerua urdintzen. Titi bitarteko zuloan zehar goazela dirudi. Ura esnea bezain zuri eta ugari. Mendien berdea uretan urtzen da oliozko margorik ederrena bezala. Mendien handitasuna areagotu egiten da uretako ispiluan islatzen denean. Arratsaldean glaziarrak ikusiz jabetzen gara zenbat murrizten ari diren negutegi efektoarekin. Glaziarrak urdin eta hainbeste ur inguruan gainezka egin arte itsasoan. Agustin bere herrira ur pixka bat nola eraman pentsatzen eta Pello dilema hauekin: fiordoak itsasoan hondoratzen ote diren edo errekak itsas maila igotzen ote duten. Geologia, fisika eta matematika ere jakin beharra dago galdera hauei erantzuteko.

Arkitektura Vikingoa esaten dioten Lom herriko egurrezko eliza bidean ikusi ondoren, Oslora goaz autobusez. Oslo aurrean dugularik euri zaparrada demasa datorkigu gainera. Eskerrak autobusean goazela, bestela aterkirik onena ere alferrik. Oslon pasiada bat gauez eta hurrengo goizera arte denok lotara. Oslon Vigeland-en eskultura ikusgarriek, merezi dute bertara inguratzea. Parke handi batean daude jendearen aurrean biluzik.

De Bergen fiordoak eta Oslo

Gustav Vigeland eskultore azkarra izan zen: harria lantzeko gizonik trebeenak hartu zituen eta hiru aldiz ezkondu zen bakoitzean hogei urte inguruko emakumeekin, baina beti alboan uzten zituen. Gure emakumen iritziz artista bai, baina kabroi galanta...

De Bergen fiordoak eta Oslo

Oslon eski-jauziak egiteko tranpolina, neguko Olinpiar Jokoetarako egina, ikusi genuen. Obra ikusgarria eta erraldoia benetan. Jendeak jarlekuetatik ikus ditzake eskiatzaileak muturren aurrean airean jauzi egiten. Oslok badu ikustekorik: Vikingoen museoan hauek erabilitako itsasontziak urteetan lurpean egon ondoren berreskuratuak. Admunsen eta bere lagunei eskainitako eskulturak, etab. Oslo hiri lasaia da eta ez dabil jende gehiegi kalean. Obra asko ari dira egiten eta Operako eraikin berria da niretzat deigarriena.