Kungsleden, 2.etapa: Abiskojaure-Alesjaure

---

Goizean elurra egiten ari zen baina eguraldiak onerako joera zuela esan digute. Gure aurretik atzo gauean iritsitakoak atera dira txakurrekin, baina laster pasatu ditugu bidean.

De Abiskojaure-Alesjaure

Txakur bakarra dauka pulka bakoitzak eta zaila da horrela aldapak guk baino azkarrago igotzea. Eguraldia mantenuz edo hoberuntz joan da eta gure morala ere igotzen egraldiaren arabera. Horrela iritsi gara bide erdian dagoen txabolara eta barruan egin dugu bazkari pasada: binbo ogiak, txorixoa, urdaiazpikoa eta txokolate piskat. Ondo zatitzen dugu jatekoa eta bakoitzaren partea. La equitativa deitzen da gure ekipoa. Inok ezin du hartu tokatzen zaion baino gehiago.

Abiskojaure-AlesjaureBazkaldu eta euforia dexentekin atera gara laster iristen garelakoan gure gaurko helmugara, batez ere aterpeko txabolak ikusi ditugunean urrutira. Baina usteak ustel eta mendian harrokeria gutxi. Aterpea lakuaren ertzean dago eta lakua zeharkatzen hasi garanean sartu da kriston haizea eta ez da ikusten ezer. Azkenerako estu eta larri baina iritsi gara asko kostata.

Aterpeak denak berdinak dira, txabola ezberdinak daude sukaldea eta gelekin eta kanpoan, urruti samar, ura hartzeko putzua eta komunak. Ura norberak ekarri behar du eta komunetan ez dagon urik, zuzenean elurretara egin behar da.

Aterpe honetan sauna ere badago eta hara joan gara batzuk baina 5 metroko elur-horma jeitsi behar da bertara iristeko. Hemen palanganetan berotzen da ura eta burutik behera botatzen da garbitzeko. Saunako sesioa egin ondoren, nahi duenak elurretan buelta batzuk ematen ditu. Afaldu goiz eta 21:30etarako ohean etzaten gara.