Aho bete hortz

Gaurko beste gai bat nuen prestatuta baina gaurkotasunak idazgaia aldatzera behartu nau. Goizero egunkari gehienen bertsio digitala irakurtzea dut gustuko; portada ikusteko, titularrak irakurri eta abar. Komunikabide gehienen jarrerak ondo ezagutzen ditugu, berriak titulatzerakoan sentsazionalismorako duten joera (sic El Mundo), erlijio gaiak jorratzean (sic La Razon) baina beste batzuetan zur eta lur geratzen gara, besterik gabe. 

Egunero lez, horretan nenbilela Público egunkariaren berri batek atentzioa deitu dit;  “Hamas desafía a Israel al matar a un civil en Sderot” zioen tituluak;   azpitituluak, “El ejercito israelí acaba con once palestinos en Gaza”. Hitzen karga konnotatiboa izan da gehien harritu nauena, “desafio” vs. “acaba”. Hitzak era horretan erabiltzeak hotzikarak eragin dizkit.

Tituluarekin eta azpitituluarekin aski nuela pentsatu dut baina berriarekin hasi naizenean  aho bete hortz geratu naiz. Hildako hamaika palestinarretatik hiru umeak ziren eta beste 17 zaurituak izan ziren. Hilketei lerro eta erdi eskaini diete, besterik ez.

Harritu egin nau Públicon horrela idatzitako berria topatzeak. Ea noiz ateratzen diren egunkari honen difusio datuak, sekulako interesa baitut, Nola doa? saltzen da? Nik astean behin edo erosten dut baina... 

http://www.publico.es/internacional/053736/hamas/desafia/israel/matar/civil/sderot

Hertzainak taldeak abesten zuen; egunero, dena okerrago.