Pedro de Yrizarren hilobia

Ekaitz Santazilia, CC BY 4.0, via Wikimedia Commons.

Pedro de Yrizar Barnoya (1910-2004) ingeniari eta euskalari azkoitiarra hemen dago lurperaturik, Yrizartarren panteoi den Aingeru Goardakoaren elizatxoan hain zuzen. Elizatxoa Villarreal familiak XVIII. mendean eraikiarazi zuen. Pedro de Yrizarrek musikan eta ingeniaritzan lan handiak egiteaz gain dialektologian batik bat lan bikainak ere ondu zituen.

Ekaitz Santazilia, CC BY 4.0, via Wikimedia Commons.

Egurbide-ola izeneko baserri handi eta eder baten ondo-ondoan dago elizatxoa, baina herritik kanpo, Urrategi auzoko 29.ean. Azkoitiatik atera eta Elgoibarrerako bidea harturik, berehala errepidean bertan ezkerretara ikusiko ditugu bai baserria bai eliza.

Gehiago jakiteko: 

• Pedro de Yrizar