Jose Ariztimuño "Aitzol"en hilobia

Euskargazki, CC BY 4.0, via Wikimedia Commons

Euskargazki, CC BY 4.0, via Wikimedia Commons

Jose Ariztimuño Olaso “Aitzol apaiza Tolosan jaio zen 1896ko martxoaren 18an eta Hernanin hil 1936ko urriaren 18an. Tropa frankistek Hernaniko hilerriaren murruaren kontra fusilatu zuten, Lapurdiko erbestetik bueltan Galerna untzian harrapatu zutenean.

Aitzol gerra aurreko abertzaletasunaren habeetako bat da, baina guk bereziki Euskal Pizkundea deitutako garaiaren sustatzaile izan zelako ekarri dugu hona.  Lizardi (PDF) edo Lauaxetak euskal poesiari ekaritako loraldiaren abiapuntu da Aitzol.

Fusilatu guztiak hilerriaren murruetatik kanpo zulo batean lurperatu zituzten. Gaur egun leku horri gela bat egin zaio, eta bertan dago Aitzol beste fusilatuekin batera. Gela horretarako sarbidea hilerriaren barnetik egiten da, ate nagusitik sartuta, hilerri osoa zeharkatu behar dugu, eta amaieran eskaileratxo batzuk aurkituko ditugu, gela horretara garamatzatenak.

Informazio gehiago: 

• Jose Ariztimuño “Aitzol” (PDF)