sarean ote erregea??

Azken bolada honetan bizpairu blogetan idazten ari naiz.

Lehen bloga, kuadrilako lagunen artean egiten dugu, “El Blog de la Cuadrilla” hain zuzen ere. Hortxe gure kuadrillako lagunek idazten dute edozein gaiari buruz.

Bigarrenak nire lanari buruz hitz egiten du, eta beno harrera ona eduki du blogosferan, edo hori pentsatzen dut behintzat, nahiz eta leku txiki batetik idatzita egon. Pentsa esazue antenari buruz berba egiten ari naizela blog horretan eta batezere gure inguruko arazoak azaltzen, halere jende askok irakurtzen du jartzen dudana, horrela diote estatistikek eta. A bai “El Blog del antenero” du izena nire bigarren blogak.

Baina hirugarrena aipatu nahiko nizueke, beno lerro hauek irakurtzen ari zaretenek jadanik jakingo duzue zertan ari naizen hitz egiten “Euskarazoak” blogari buruz hain zuzen ere.

Bada oraindik bakarrik bi post idatzi arren, sustatu.com web orrian agertu da nire erreferentzia, harrigarria. Ez dakit zer ematen dit (didan) arrakasta horrek, alde batetik pozgarria noski, baina beste aldetik beldurgarria, badakidalako euskaraz idazten dudanean (ari naizenean??) ez naizela trebeena, ez horixe, eta agian, momentu honetan jende pila bat egongo delako nik egiten dudana begiratzen...Baina ze demontre, ez daukat kejatzeko motiborik, gainera erdaraz esaten duten bezala “sarna con gusto no pica”