Euskalgintzako eragileak euskaltzaleon haserrea aktibazio eraldatzaile bihurtzera eta ez sumina itzaltzera !

Errealitate gordina erakutsi digute datuek,euskararen kale erabilera %13(!)koa dela Euskal Herri mailan,gure hiri handienetan hutsaren hurrengoa.Euskalduntze prozesurik ez eta lurralde batzuetan gainera asimilazioa dela aurrera egin duena.Esana dugunez gure indarren aktibatzea ahulegia izatearen ondorio.Argi gorriak piztu direla...eta euskaltzaleon sumina piztu edo areagotu da.Baina euskalgintza eredu baten agorpenaren froga berri gisa,euskalgintzako hanbat eragileren agerraldi eta erantzunetatik kezka eta haserre hori apaltzeko ekarpenekin etorri zaizkigu.Ohiko inertzismotik emandako erantzun aseptikoegiekin batzuk eta baikorkeria lotsagarri batekin beste batzuk.Bereziki esanguratsua Euskal Konfederazioaren kasua: datu baikorrak azpimarratu behar omen dira asimilazioaren erritmoa moteltzen ariki...Beharrezkoa den aldaketaren sakontasunaren erakusletzat har dezakegu.

Berriz esango dugu eztiki,emeki,goxoki,poliki-poliki,xuabe-xuabe ez goazela inora (asimilaziora ez bada) eta azpimarra dezagun gatazkarik, talkarik eta borroka planteamendurik gabe ezinezkoa dela hizkuntza-zapalketa gainditzea.Euskaltzaleon haserrea aktibazio eraldatzaile bihurtu behar da, kokapen ideologiko eta politiko,politiko bai,argi eta egoki batekin eta ez lehengo berdinean ezer aldatu gabe segitu sumina ere itzaltzeko ekarpena eginez!