Burdinazko izaratan

Loreak eta

Burdinazko izaratan | 2010-02-26 18:53

:.- Zer dira?- Loreak.- Eta loreetan dabiltzan matxinsaltoak zer? Ez dira?.

Korapiloa

Burdinazko izaratan | 2010-02-20 12:40

Korapilo bat egin zion alkandoraren beso bati, une hartan ez zeramalako mukizapirik soinean. Erruz dauzka mukizapiak ordutik, norbaitek korapiloa askatzen dion arte.

Ez esan

Burdinazko izaratan | 2010-02-18 15:15

Eskailera-mailek min egiten dute bizkarrean eta hotz da, oso hotz. Kontuz, ia izoztu den itsasora eroriko zarete! Hobeto zeundekete tabernan kafesne bero bana hartzen. Ez, ez esan elkarri eskaintzen diozuen beroarekin aski duzuela. Ez aipatu eskailerak berokiak higatzen dituela. Taberna ez dela zuek nahi bezain erromantikoa. Ez esan negua dela itsasoan, baina udaberririk ez dela bertara jausiko.Ez esan zergatik sentitzen naizen uretan gainetik so naukazuenean.

Itxaroteaz

Burdinazko izaratan | 2010-02-17 13:44

Amets hautsi bat topatu dut berak behar lukeen tokian eserita.Bada itxaroten ez dakienik.

Islada

Burdinazko izaratan | 2010-02-13 09:50

Ez dakizunetan zein den errealitatea eta zein bere islada,zalantza egiten duzu errealitatea bera islada ote den.

Elena

Burdinazko izaratan | 2010-02-11 09:46

Elena izango da, amak inbidia zion ikaskide ilehoria bezala. Aitaren soak lizun ferekatzen duen telebista-aurkezlea bezala. Baina horiek, beren izenari uko egin beharko diote bi hilabete barru. Eta askok pentsatuko du haur munduratu berri batek nola hil ote ditzakeen Elena guztiak. Bada, irribarrez zuzenduko zaien emaginaren bata urdinak ospitaleko hormetako pintura urdin guztia hiltzen duen modu berean. Eta akaso amak ez dio inori inbidiarik izango bi hilabete barru. Beharbada, telebista-aurkezlearekin igogailuan harrapatuta geratzen den eszena erotikoari uko egingo dio aitak. Beharbada.

Leihoak

Burdinazko izaratan | 2010-02-10 13:56

Gereziak basamortuan.Leihoak aterik bako eraikinean.

Postaria

Burdinazko izaratan | 2010-02-07 16:07

Gure herriko postariakez daki irakurtzen.Aitari ikasi zion etxeei usaina hartzen,gutunetako letrakate eta ahoekin berdintzen.Kaletik doalasolasean ari direnei erreparatzen die,ezpainen gimnasiari,bekainen zalantzei,eskuen erotasunari.Hartara jakiten duzein gutunek hitz egiten duten maitasunaz,zein helbidetara doazen galderak,zein fakturak itolarritzen duten etorkizuna.Gutunik ez dagoen egunetanzigiluak itsasten ditu bekokien goiko ertzetan.Katamalo

Kristalezkoa

Burdinazko izaratan | 2010-02-07 09:11

Mundua handiegia da.Ezin dugu aukeratu zenbat ikusiikusten duguna ikusten dugu eta kitto.Horregatik sartu du mundua kristalezko bola batean.Eta bere mundua aurki hautsiko delako ere bai.

Errailak

Burdinazko izaratan | 2010-02-07 08:25

Errailetatik noa. Oinutsik. Oinpeen ordez masailak dira gorritzen direnak. Errailetatik noa. Oinutsik. Aske. Burdinazko izaratan amets egiteko gero.