Badago mundurik Internet Explorer-etik haratago

Erabat ezezaguna zitzaidan Mozilla Firefox bilatzailea azkeneko web 2.0-ko klasea iritsi arte, eta gaurkoan ere ikasi dugu zerbait oheratu baino lehen: alde ederrekoa da monopolioa daukanaren aurrean.

Bigarrena beti saiatzen omen da lehena baino gehiago, gorago iristeko erreminarekin baitago, eta hori da, hain zuzen ere, 2004ean sortutako bilatzaile berri honekin gertatzen dena. Internet Explorer-ek, konpetentziarik ez edukitzean, ez zion tresna edo baliabide berririk jartzen joan denboran zehar bere bilatzaileari, eta zenbait arazo (birusak, spam korreoa, lehioak…) bertan utzi zituen irtenbiderik eman gabe.

Netscape eta Mozillaren seme den Firefox-ek amaitu du egoera horrekin, erabiltzailea kontutan hartu baitu sortu dituen 2000 tresna eta aplikazio berriak sortzean. Abantaila ugari dauzka, hala nola karpetak antolatzea, ordenagailua bat-batean itzaliz gero dokumentuak errekuperatzea eta bizkorragoa eta seguruagoa da iragarkiak oztopatzeko garaian.

Bere erabilera handituz doa urtetik urtera eta jadanik merkatuaren portzentaia handi bat eskuratu du mundu osoan zehar, bereziki Alemania eta Australia bezalako herrialdeetan. Horretaz gain, euskaldunoi ere plus bat eskaintzen digu zerbitzua euskaratuta egotean.