Bueltaka bueltaka bueltaka

txistuytambolin 1456153345429 Txistu y Tamboliñ | 2017-03-18 10:33
1

Gola sartuta,

Messik telefonoz berbetan dabilelakoa egin du.

Kazetariek interpretazioak egin dituzte kirol-tertulietan,

zeren garrantzitsuena keinua da,

eta ez kirola.

Baina zer kazetari dago

gure alegiazko telefono-deiak interpretatzeko?

Zer tertuliatan arduratzen dira gure keinuez?

Ez,

gure telefonoek ez dute koberturarik,

gure keinuentzat ez dago mikrofonorik.

Gure deiak, gure eskariak, gure beldurrak

aspaldiko disko-jogailuetan lez dabiltza

bueltaka

bueltaka

bueltaka

azken abestiaren osteko isiltasun lakarraren sos-dei alferrak legez

bueltaka

bueltaka

bueltaka

orratza abandonu hartatik altxatuko duen

eskurik gabe.

Ron Sniakin


Utzi iruzkina: