SOLASLAGUNA MARTXAN DA BERRIZ!

Iepa Joxepa!

Bukatu zaizkigu udako oporrak eta egunerokoan hasi beharko!  Urteberrian gertatzen den bezala, ikasturte hasieran ere, asmo berriz eta freskotasunez  helduko diogu bizitzari. Solaslagunak ere, berdin.

Aunitzek jakinen duzuen bezala, ez naiz Oianko, Xabi naiz, eta Solaslagunaren Txoko hontatik dinamizatzaile lanetan arituko naiz aurten bere partez. Nire papera ahalik eta hobekien betetzen saiatuko naiz, ea neska guapa eta saltsera horrek bezalatsu egiten dudan!

Jarduera berriak, irteera interesgarriak eta ikastaro zenbait proposatuko dizkizuet aurten, zuek proposatzen dizkidazuenak ere gustora hartuko nituzke, baina izanen dugu hauetaz solasteko denbora aurrerago ere.

Azkenik, betikoa, jada errotuta dauden taldeekin laster jarriko naiz harremanetan irailean bertan martxan hasteko, beraz, adi telefonoari!

Laster artio eta izan ongi,

Ikasturte berri ON!