Bidea
Zuk aukeratu duzula esango dizute
baina tokatu zaizun bidea da
gora edo behera joan soilik erabaki ahal izan duzu
igotzen ari zara
ipuinek kontatu zizutenez, zerua goian dagoelako
eta zer dago behean orduan?
Itsasoa, lurra, infernua ala ezer ez.
Inori ez zaio jaistea bururatzen, jaistea eta erortzea gauza bera balira bezala.
Buelta erdi eta behera zoaz
itsasora, lurrera, infernura edo inora ez
hormak itsusiak dira, gorakoan bezalakoak
baina orain ez duzu lehengo ezinegon erretzaile hori sentitzen
aldaparen amaierara iristeko nahia
ibilian zoaz baina besterik gabe
barrenak ez baitzaitu behartzen orain ahalik eta urrunen iristera, gailurrik gailurrena zapaltzera
behera doana, izan ere, ez da inor munduaren begietara
bidea gorakoan soilik ikusten duenaren begietara.
Ez omen dut arrazoirik zure ustez. Bidea aukeratu ezinaz gain, norantza ere ezin omen dugu aukeratu, gora joan beharra dago nahitaez, izateari uzten baitio behera doanak.
Zuk esan didazu, behera zoazen horrek eta nirekin gurutzatuko zarenak minuturen bat barru.
Iruzkinak
Joseba 2011-01-21 08:52 #1
Agian bai, <br />zortea izango dugu eta<br />bidean gurutzatuko gara.<br /><br />Agian zu goraka eta ni beheraka, <br />edo, ni goraka eta zu beheraka.<br />Topo egingo dugu, <br />eta zorte pixka bat gehiagorekin eztabaidatzen geratuko gara.<br /><br />Orduan zuk zu beheraka eta ni goraka,<br />edo alderantziz, ni beheraka eta zu goraka,<br />abiatuko gara.<br /><br />Baina, kasurik onenean, biotako batek iritzia aldatu,<br />eta bidearen zati bat konpartitu ahal izango dugu<br />
errailak 2011-01-22 11:14 #2
Iritzitik harago doa daramagun noranzkoa,<br />aldatzeko<br />iritzia aldatzearekin ez delako aski,<br />bizimodua ere aldatu behar da.<br />
orhiko sorgina 2011-01-26 22:14 #3
<p>maiz, gaztetan amestutako bide koloretsuak</p>
<p>barrikada formalez ukatzen dizkigute.</p>
<p>Baina okerrena da, guk ere norabidea aldatu,</p>
<p>eta ondorengoei atzetik segi diezaguten eskatuko diegula</p>
2011-01-27 22:52 #4
segi diegu segiko digute<br />ta okerreko bide hau ez da amaituko<br />pausuak errepikatzeari uzten diogun arte.<br />
orhiko sorgina 2011-02-15 14:54 #5
utziko al diogu?
Utzi iruzkina: